Valskonur ná að halda þetta út og eru Lengjubikarsmeistarar kvenna árið 2024. Viðtöl og fleira á leiðinni, þangað til næst, takk fyrir mig!

Valskonur hreinsa í innkast!

Telma mætir inn í!

Vigdís fær bolta inn fyrir vörn Vals og kemur honum til hliðar á Öglu sem hikar aðeins en tekur síðan skotið sem fer framhjá.

Agla María tekur spyrnuna inn á teiginn sem fer yfir allan pakkan en Blikar halda áfram að sækja. Vigdís fær boltann úti í breiddinni og kemur með hann fyrir á Öglu sem nær skotinu en það fer rétt yfir! Þær liggja á marki Vals þessa stundina!

Fáum við drama?!

Blikar hreinsa

Agla María sendir Andreu Rut í gegn sem kemur með boltann fyrir en Fanney kastar sér fyrir það og handsmanar boltann

Breiðablik eru að leggja allt í sölurnar núna. Þeir eru að henda eldhúsvaskinum í þetta!

Vigdís Lilja gerir frábærlega og dansar framjá Hailey og tekur skotið sem Fanney ver stórkostlega í horn. Bliker einnig hársbreidd frá því að ná frákastinu og skora en þetta fer í horn!

Fyrirgjöf inn á teig Valsmanna sem Helena Ósk kemur með. Boltinn hrekkur þá út á Kate Cousins sem tekur skotið í fyrsta framhjá marki Blika.

Blikar liggja á marki Valskvenna þessa stundina. Fáum við drama?

Vigdís Lilja fær boltann inni í teig Valsmanna og fer niður. Blikarnir eru allt annað en sáttir og heimta vítaspyrnu en Arnar hristir hausinn. Það virtist eins og hann væri að fara að benda á punktinn en hætt svo skyndilega við.

Amanda sleppur ein í gegn eftir sendingu frá Kate Cousins en setur boltann langt framhjá! Ólíkt henni!

Margrét Lea kemur með æðislegan bolta inn á teig á Vigdísi Lilju sem missir boltann langt frá sér og nær ekki að nýta tækifærið.

Agla María með skot fyrir utan D-bogann sem fer yfir. Blikar að vakna?

Telma mætir út í teig og handsamar boltann

Þær liggja á vítateig Blika þessa stundina!

Blikar hreinsa

Það eru heimakonur sem sparka þessu í gang á ný! Góða skemmtun!

Fanndís með skot beint á Telmu og þar með flautar Arnar Ingi í flautu sína. Sjáumst aftur eftir korter eða svo!

Vigdís Lilja er sloppin ein í gegn á móti Fanney og er við það að taka skotið og jafna leikinn. Nema hún virðist ekki ná alveg jafnvægi og nær ekki að taka skotið. Þá mætir Anna Björk á svæðið og kemur boltanum frá.

Valskonur stýra þessu bara þessa stundina. Hefur nánast verið einstefna eftir að þær komust yfir

Valskonur vinna boltann og keyra upp í sókn en Agla María gerir frábærlega og nær Guðrúnu á sprettinum.

Valskonur hreinsa aftur fyrir

Lillý brýtur á Hrafnhildi þegar hún er við það að sleppa ein í gegn. Spennandi að sjá hvernig Agla ætlar að taka þessa spyrnu!

Aftur fær Fanndís boltann inni á teig Blika en núna kemur hún boltanum út á Amöndu sem tekur skotið yfir markið.

Kate með glæsilegan bolta í gegn á Guðrúnu sem er komin ein í gegn. Hún tekur af einhverjum furðulegum ástæðum ekki skotið og sendir hann út á Fanndísi sem tekur skotið yfir markið.

Ekkert nýtt í stöðunni. Blikar með yfirhöndina eins og staðan er núna en Valskonur eru hægt og rólega að vinna sig inn í leikinn.

Valskonur ná að hreinsa.

Margrét Lea og Agla María leika vel á milli sín áður en Agla tekur skotið sem Fanney missir í horn.

Boltinn kemur inn á teiginn og Kate Cousins nær skallanum sem TElma í marki Blika ver vel.

Elín tapar boltanum á stórhætulegum stað, alveg upp við markið en nær að koma boltanum aftur í horn.

Elín Helena hreinsar aftur fyrir

Kate Cousins fær boltann inn á teig Blika, snýr og tekur skotið sem fer í varnarmann og beint í hendurnar á Telmu

Ekkert mikið um opin færi eða eitthvað slíkt þessar upphafsmínútur en ef eitthvað er þá eru Blikakonur að byrja leikinn betur.

Leikurinn byrjar mjög vel fyrir Blika. Vigdís Lilja fær tvö tækifæri að koma með boltann fyrir markið en Valskonur ná að bægja hættunni frá í bæði skiptin.

og það eru gestirnir sem byrja þetta fyrir okkur!

Liðin ganga þá til vallar ásamt dómaratríóinu og klappa fyrir stuðningsfólkinu.

Landsliðsþjálfarinn Þorsteinn Halldórsson, aðstoðarlandsliðsþjálfarinn Ásmundur Haraldsson og formaður knattspyrnusambandsins Þorvaldur Örlygsson eru að sjálfsögðu mættir upp í stúku.

Byrjunarliðin eru komin í hús og eins og ég skrifaði í seinasta molanum mínum að þá eru Blikar fámennir og með einungis tvo á bekknum. Einnig er Katrín Ásbjörnsdóttir fjarri góði gamni vegna meiðsla. Það eru einnig einhver skakkaföll í liði Vals.

Það vantar nokkra leikmenn í Breiðablik í dag þar sem þær fengu frí þessa helgi fyrir löngu síðan en KSÍ ákvað á óskiljanlegan hátt að færa leikinn yfir á þennan dag. Þetta gæti orðið mjög áhugaverður leikur.

Ég er að heyra að Pétur Pétursson verður ekki á hliðarlínunni í dag. Hann er skilst mér að fagna sextugsafmæli konunar.

Arnar Ingi Ingvarsson fær það skemmtilega verkefni að dæma þennan úrslitaleik en honum til aðstoðar verða þeir Guðmundur Ingi Bjarnason og Hreinn Magnússon. Tomasz Piotr Zietal er varadómari leiksins en eftirlitsmaður KSÍ er Þórður Ingi Guðjónsson.

Þessi tvö lið sem eru að mætast í dag eru kannski tvö bestu knattspyrnulið landsins í dag og síðustu ár. Þau hafa verið að vinna deildina oftar en aðrir á seinustu tímabilum. En þegar maður skoðar söguna og innbyrðis viðureignir liðanna, þá kemst maður að því að það munar engu á þessum liðum. Þetta er liggur við hnífjafnt. En svona lítur þessi skemmtilega tölfræði út: Leikir: 153 Breiðablik sigrar: 66 (43%) Jafntefli: 22 (14%) Valur sigrar: 65 (42%) Markatalan: 275-278 Val í vil

Nik Chamberlain tók við Breiðablik í vetur eftir að Ásmundur Arnarsson var látinn fara í fyrra. Það er augljóst að það er komin smá óþolinmæði í Smárann þar sem Breiðablik hefur ekki orðið Íslandsmeistari síðan 2020. Nik hefur gert magnaða hluti með Þróttaraliðið undanfarin tímabil og það verður áhugavert að sjá hvernig Blikaliðið spilar í dag og í sumar. Þá er maður kannski mest spenntastur að sjá hvort þetta 4-1-2-1-2 kerfi hjá Nik muni smella í sumar. Leiðin í úrslitaleikinn Breiðablik lentu í sama riðli og Valur í Lengjubikarnum en töpuðu 3-2 gegn þeim í lokaleik riðilsins. Það var eina tapið þeirra í riðlinum. Í undanúrslitunum tóku þær Þór/KA 6-3. Eftir að hafa verið 6-3 undir í hálfleik settu þær í gírinn.

Eins og flestir vita að þá eru Valskonur þrefaldir Bestu deildarmeistarar. Enda bara besta lið landsins seinustu ár, engin spurning. Komandi inn í þetta tímabil er Valur að fá miklu harðari samkeppni en þær fengu í fyrra. Eitt af þessum samkeppnisliðum þeirra er mótherji þeirra í dag, Breiðablik. Þess vegna verður áhugavert að sjá hvernig leik Valskonur spila í dag þegar það er stutt í mót. Leiðin í úrslitaleikinn Valskonur unnu Stjörnuna þægilega 4-0 á mánudaginn í undanúrslitunum. En Valur og Breiðablik voru í sama riðli fyrir úrsláttarkeppnina. Þar unnu Valskonur 3-2 sigur á Breiðablik. Ná þær að gera eitthvað slíkt í dag og halda áfram á þessu ótrúlega skriði?

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá úrslitaleik Vals og Breiðabliks í Lengjubikarnum. Leikið verður á heimavelli Vals, á Hlíðarenda.