SKÝRSLAN: Víkingar með óvæntan sigur gegn Val í Meistarakeppni KSÍ.
Hvað réði úrslitum?
Víkingar stelpurnar voru mjög seigar í fyrsta hálfleik og náðu að komast yfir snemma í leiknum. Valur tók svo yfir í seinni hálfleik og var Víkingur nokkru sinnum heppin að lenda ekki undir þegar leikurinn var jafn.
Bestu leikmenn
1. Sigurborg K. Sveinbjörnsdóttir
Átti hreinlega frábæran leik í marki Víkinga. Hún varði líka eitt víti í vítaspyrnukeppninni, eignilega tvö, en í því seinna stóð hún ekki á línunni.
2. Amanda Jacobsen Andradóttir
Amanda stóð sig ótrúlega vel í seinni hálfleik. Það var mjög mikill munur á henni í fyrsta og seinni hálfleik. Hún skoraði glæsilegt aukaspyrnu mark og átti svo nokkur dauðafæri eftir það til að kom Val yfir.
Atvikið
Það er ekki oft sem maður fær að upplifa vítaspynrukeppni í íslenskum fótbolta, og þessi var sértaklega spennandi og skemmtileg að horfa á. Það var stressandi að horfa á þetta sem hlutlaus áhorfandi vegna þess að þetta gat endað í báðar áttir.
Hvað þýða úrslitin?
Víkingur fer heim með bikar í hendi eftir sigur gegn Val í Meistarakeppni KSÍ.
Vondur dagur
Helena Ósk var mjög ósýnileg í þessum leik og var hún tekin útaf í byrjun seinni hálfleiks. Hailey Whitaker átti líka lélegan fyrri hálfleik þar sem hún missti nokkru sinnum boltann á hættulegu svæði og átti erfitt með að hlaupa upp að teig Víkinga þegar hún reyndi, en hún bætti því svo upp og átti góðan seinni hálfleik.
Dómarinn - 9
Þórður var ótrúlega flottur í þessum leik. Hann dæmdi ekki á laus brot og lét leikinn alltaf flæða þegar var óþarfi væri að stoppa hann. Hann sá það líka vel þegar markvörður Víkinga stóð ekki á línunni sinni í vítaspynrukeppninni og lét Val taka vítið aftur. Það var aðeins eitt atvik þar sem talað var um að leikmaður Víkings snerti boltann með hendina í hennar eigin teig rétt fyrir lok leiksins. Ég sjálfur sá ekki atvikið nógu vel, en talað var um að hann hefði átt að gefa hendi á það.