Leiknum líkur með 4-2 sigri heimamanna. Alveg fyllilega verðskuldað finnst mér.

Veislan er hafin og Fjölnismenn eru fyrstir í 16-liða úrslit. Þeir unnu Selfoss 4-2 í fyrsta leik 32-liða úrslitanna #Mjólkurbikarinn ?? pic.twitter.com/ivPl8DeJ0Y

— RÚV Íþróttir (@ruvithrottir) April 23, 2024

Viðtöl og skýrsla koma inn seinna í kvöld!

+3

Selfyssingar meira með boltann hér undir lokinn og eru að reyna að ná inn þriðja markinu

+1

Lítið eftir. Fjórar mínútur í uppbótartíma. Þetta virðist vera að fjara út

Aðeins minna um færi síðustu mínútur en ég gæti alveg séð að það komi mark hér í lokinn

Reynir liggur niðri og þarf aðhlynningu. Virðist vera krampi

Gonzalo með skot á mark rétt fyrir utan vítateig Fjölnis sem halldór ver en nær ekki að halda skotinu í fyrstu en nær boltanum svo

Kristófer Dagur sendir boltann á Halldór sem virðist vera aðeins of lengi að hugsa og Jón Vignir nær næstum því að taka af honum boltann. Þarna voru Fjölnismenn heppnir

Gonzalo kemst í flott færi sem Halldór Snær nær að verja í horn.

Valdimar tekur hornið en Halldór Snær kemur höndunum í boltan og sókn Selfyssinga fjarar út

Fjölnismenn hafa byrjað þennan seinni hálfleik betur og gætu alveg bætt við fleiri mörkum.

Heiðar Helguson aðstoðarþjálfari Selfoss er ekki ánægður með byrjun sinna manna hér í seinni hálfleik. Lætur heyra vel í sér

Kemst einn á móti markmanni eftir flotta sendingu en einhvernveginn nær Gonzalo að setja boltann framhjá. Ótrúlegt!!

Fjölnismenn með flotta skyndisókn þar sem Axel Freyr keyrir upp vinstri kantinn og kemur með fyrirgjöf sem bjargað er í horn.

Ekkert varð úr horninu

Selfyssingar koma seinni hálfleiknum hér í gang

Á meðan ég man þá er hægt að fylgjast með leiknum á youtube síðu selfyssinga

https://www.youtube.com/watch?v=IZAHM2l6DTQ&ab_channel=Selfosstvf%C3%B3tbolti

Helgi Mikael flautar af þennan mjög svo fjöruga fyrri hálfleik. Mér fannst Selfyssingar eiga fyrsta hálftímann en Fjölnismenn tóku alveg við síðustu 15 mínúturnar. Alveg þónokkuð um færi og góða skemmtun. Meira svona í seinni hálfleik takk!

Sumir Fjölnismenn kalla eftir víti eftir að Axel Freyr fer niður í teignum. Get ekki séð að þetta hafi verið neitt

Eftir þetta mark Fjölnis virðis momentumið hafa algerlega snúist við. Fjölnismenn liggja á gestunum

Baldvin Berndsen með frábært skot af svona 25 metrum sem Robert Blakala ver meistaralega í horn

Selfyssingar hafa verið ívið betri þennan fyrsta hálftíma. Ná að loka á helstu hættu sem stafar af Fjölnismönnum. Það vantar þó meira end product þegar þeir eru komnir inn í teig. Bjarni og Heiðar ekki sáttir með staðsetningu sinna manna þegar þeir eru í sókn

Aukaspyrna á álitlegum stað á vinstri kanti fyrir Fjölni. Reynir tekur spyrnuna en fer beint í hendurnar á Blakala

Baldvin gefur boltann þvert yfir völlinn á Dag Inga sem fer með hann út að endalínu og gefur fyrir. Búnir að reyna þetta 5-6 sinnum en virðist ekki ganga mikið

Eysteinn Ernir missir boltann in ná eigin teig og boltinn berst á Mána Austmann sem skýtur beint á Blakala

Selfyssingar komast strax upp í sókn þar sem Alfredo Sanabria nær skoti á markið en Halldór Snær ver vel

Dagor Ingi Axelsson kemur með fyrirgjöf frá hægri sem Eysteinn Ernir stýrir í átt að markinu en Blakala nær að verja

Reynir kemur með hornspyrnu inn á teig og boltinn endar hjá Júlíusi Má sem setur hann yfir markið

Flott sending hjá Jón Vigni fyrirliða Selfoss inn fyrir vörn Fjölnismanna sem ratar í fætur Zamorano en Guðmundur Karl bægir hættunni frá

Dagur Austmann kemur með fyrirgjöf utan af velli inn á teig Selfoss. Boltinn hefur viðkomu í varnarmanni Selfyssinga og endar síðan í höndum Blakala. Lítil hætta

Selfyssingar með fyrsta færi leiksins. Ívan Breki með fína fyrirgjöf frá hægri sem finnur Gonzalo Zamorano í fætur en skot hans beint á Halldór

Fjölnismenn byrja með boltann og sækja í áttina að bíóinu hér í fyrri hálfleik

Liðin labba hér inná völlinn. Þetta er alveg að fara að hefjast

Bæði lið virðast gera tvær breytingar frá síðustu umferð í bikarnum.

Hjá heimamönnum koma Dagur Ingi Axelsson og fyrirliðinn Guðmundur Karl Guðmundsson inn fyrir þá Óliver Dag Thorlacius og Jónatan Guðna Arnarsson.

Hjá Selfyssingum koma Aron Fannar Birgisson og Valdimar Jóhannsson inn fyrir þá Aron Darra Auðunsson og Elías Karl Heiðarsson

Dómari leiksins er Helgi Mikael Jónasson. Honum til aðstoðar eru þeir Egill Guðvarður Guðlaugsson og Gylfi Már Sigurðsson. Eftirlitsmaður er síðan Viðar Helgason. Allt eru þetta þaulreyndir menn og býst ég því við vel dæmdum leik

Í síðustu umferð Mjólkurbikarsins gerðu heimamenn í Fjölni sér ferð á Hlíðarenda þar sem þeir mættu KH. Staðan var 1-1 eftir venjulegan leiktíma, en Fjölnismenn gerðu sér lítið fyrir og skoruðu þrjú mörk í framlengingu á móti einu marki KH manna og fór því leikurinn 2-4.

Gestirnir frá Selfossi fengu Kára frá Akranesi í heimsókn á JÁVERK-völlinn. Kári komst 0-1 yfir í fyrri hálfleik en Selfyssingar skoruðu þrjú mörk í seinni hálfleik og unnu leikinn 3-1.

Liðin hafa spilað saman 23 leiki í meistaraflokki karla og eru úrslitin eftirfarandi

Sigrar
Fjölnir: 10
Selfoss: 12

Jafntefli: 1

Markatalan í þessum 23 leikjum er 38-47 Selfyssingum í vil

Góðan daginn gott fólk og verið þið velkomin í beina textalýsingu frá viðureign Fjölnis og Selfoss í 32. liða úrslitum í Mjólkurbikar karla.

Leikurinn verður spilaður í Egilshöll og hefst hann klukkan 19:15