Þetta fer að byrja! Liðin ganga inn á völlin. Styttist í upphafssparkið!

Það er bongó! Fínustu aðstæður hér í Garðabænum. Sólskin, 10 stiga hiti, og heiðskýrt!

Helena Ólafs spáir í spilin! Helena Ólafsdóttir spáði fyrir um fyrstu umferð Bestu deidarinnar. Hún spáir gestunum sigri í kvöld.

Stjarnan 0 - 1 Víkingur R.

“Það er einhver ára yfir þessu Víkingsliði. Þær sigruðu Val nokkuð óvænt í meistarar meistaranna og virðast ekki sjá hindrun í neinu verkefni. Ég hlakka mikið til að fylgjast með þessu unga liði í sumar og held að þær byrji tímabilið vel og vinni sterkan útisigur í Garðabæ.”

Dómarateymið Bergrós Lilja Unudóttir verður á flautunni hér í kvöld og eru það þeir Ragnar Arelíus Sveinsson og Nour Natan Ninir sem verða henni til aðstoðar . Eftirlitsmaður er Þorsteinn Ólafs og varadómari er Daníel Ingi Þórisson.

Víkingur R. Víkingur átti hreint út sagt stórkostlegt tímabil í fyrra þar sem þær sigruðu Lengjudeildina og unnu Mjólkurbikarinn. Víkingar eru nýliðar í efstu deild og er þeim spáð 7. sætinu í sumar. Víkingsliðið hefur nú þegar nælt sér í bikar í ár en þær sigruðu Val, ríkjandi Íslandsmeistara, í baráttu um titilinn meistarar meistaranna . Fyrirliði liðsins í fyrra, Nadía Atladóttir fór óvænt úr Fossvoginum rétt fyrir mót og áhugavert verður að sjá hvernig Víkingsliðið mun höndla það. Liðið hefur þó fengið til sín leikmenn með mikla reynslu í glugganum og verður skemmtilegt að fylgjast með þessu æsispennandi liði John Andrews í sumar!

Stjarnan Sérfræðingar Fótbolta.net hafa spáð því að Stjarnan muni enda í 5. sæti Bestu deildar kvenna í sumar. Stjörnunni var spáð íslandsmeistaratitlinum í fyrra en það varð ekki raunin og hafnaði liðið í 4. sæti. Miklar breytingar urðu í leikmannahóp Stjörnunar í vetur og misstu þær nokkra mikilvæga leikmenn úr herbúðum sínum. Stjarnan hefur fengið til sín sex nýja leikmenn í glugganum og áhugavert verður að sjá hvernig Kristján mun stilla liðið sínu upp. Það verður spennandi að fylgjast með Stjörnunni í sumar og áhugavert að sjá hvernig þær fara af stað hér í kvöld.

Heil og sæl! Góðan daginn kæru lesendur og verið hjartanlega velkomin í beina textalýsingu á viðuregin Stjörnunar og Víkings í fyrstu umferð Bestu deildar kvenna! Leikurinn fer fram á Samsungvellinum í Garðabænum og hefst kl. 18:00