Styttist Byrjunarliðin ganga þá til vallar og gera sig klár í slaginn

Liðin ganga þá til búningsklefa og gera sig klár í slaginn

Innbyrðis viðureignir Það er alltaf klassískt að kanna hvernig þessum liðum hefur gengið að spila gegn hvoru öðru en það kemur líklega ekki á óvart að í þessum 40 leikjum milli þessara liða hefur Stjarnan unnið oftar en ekki.

Leikir: 40
Stjarnan sigrar: 24 (60%)
Jafntefli: 5 (12%)
Keflavík sigrar 11 (28%)
Markatala: Keflavík 51 - 97 Stjarnan

Dómarateymið Það verður enginn annar en Jakub Marcin Róg sem mun sjá um að dæma þennan geggjaða leik. Honum til aðstoðar verða þeir Ragnar Arelíus Sveinsson og Ronnarong Wongmahadthai. Jovan Subic verður skiltadómari í dag og Bergur Þór Steingrímsson er eftirlitsmaður KSÍ í Keflavík.

Diljá Ýr spáir í þetta allt saman Landsliðskonan Diljá Ýr Zomers - sem hefur verið að gera frábærlega í belgíska boltanum - spáði á dögunum í leikina sem eru framundan í Bestu deildinni. Þetta hafði hún að segja um leik Keflavík - Stjarnan:

Keflavík 0 - 2 Stjarnan (14:00 í dag)
Stjarnan mætir með það markmið að bæta upp fyrir síðustu umferð. Keflavík gefa þeim hörkuleik en Stjarnan tekur þetta 0-2. Andrea Mist setur eitt.

Keflavík alltaf Keflavík í Keflavík Manni líður eins og það sé geggjuð stemning í þessu Keflavíkurliði. En þær gátu líklegast ekki beðið um erfiðari opnunarleik þegar þær fengu Breiðablik á útivelli og lágu 3-0. Keflavík koma inn í þetta tímabil væntanlega með það hugarfar að halda sér uppi. Eftir að hafa verið meira og minna í fallsæti fram á sumar náðu þær að halda sætinu sínu í deildinni í lokaumferðinni í fyrra.

Keflavík byrja á erfiðum leikjum
Þrátt fyrir að hafa haldið sér uppi í seinustu umferðinni í fyrra er Keflvíkingum spáð falli í ár. Ég held að við munum sjá það almennilega um mitt mót hvaða lið verða í þessum fallsætum. Ég ætla að gefa Keflavík það að þær eiga hrikalega erfiða leiki í upphafi móts og það kæmi lítið á óvart ef þær verða neðstar nokkrar umferðir í röð núna á næstunni. Þær eiginlega verða að vinna Fylki og treysta á það að þær nái að stríða stóru liðunum.

Næstu 5 leikir Keflavík í Bestu deildinni:
Stjarnan (H)
Fylkir (Ú)
Valur (H)
Þór/KA (Ú)
Þróttur (H)

Væri mikilvægt fyrir Stjörnuna að taka sigur Stjörnukonur áttu kannski vonbrigðarsumar í fyrra þegar þær lentu í 4. sæti en það voru margir sem gerðust svo djarfir fyrir mót að spá þeim deildarmeisturum. Það er óhætt að segja það að Stjarnan ætlar sér hærra en 4. sætið í ár en það verður áhugavert að sjá þróunina á liðinu milli ára.


Ná þær að kvitta fyrir tapið gegn Víkingum
Líkt og ég var búinn að skrifa að þá tapaði Stjarnan fyrir nýlliðum í Víkingi á heimavelli í 1. umferðinni. Þetta eru þeir leikir sem Stjarnan verður að vinna eða þá allavegana ekki tapa ef þær ætla sér í Evrópu í ár. Það er því ljóst að Stjörnukonur mega varla misstiga sig í kvöld ef byrjunin á deildinni á ekki að vera erfið og strembin fyrir þær.

Næstu 5 leikir hjá Stjörnunni
Keflavík (Ú)
Tindastóll (H)
Breiðablik (Ú)
FH (H)
Fylkir (H)

Sú lang Besta! Veriði heil og sæl frá Keflavík þar sem Keflavík fær Stjörnuna í heimsókn í 2. umferð Bestu deildarinnar. Bæði liðin töpuðu fyrsta leiknum á tímabilinu og eru að leitast eftir sínum fyrsta sigri.