Styttist Lðin og dómararnir ganga þá til vallar og klappa út í stúkuna.

Smávægileg meiðsli hjá Hilmari Árna Jökull Elísabetarson þjálfari Stjörnunnar greindi frá því í viðtali á Stöð 2 Sport að Hilmar Árni væri fjarverandi vegna smávægilegra meiðsla. Hann reiknar með því að Hilmar verði klár í næsta leik.

Liðin ganga þá til vallar og gera sig klár í slaginn

Byrjunarliðstíðindi - Hilmar Árni ekki í hóp Rúnar Páll, þjálfari Árbæinga, gerir tvær breytingar á liðinu frá 5-1 tapinu gegn ÍA í seinasta leik. Þeir Orri Sveinn og Guðmundur Tyrfingsson koma úr liðinu fyrir þá Aron Snæ og Ómar Björn. Guðmundur Tyrfings tekur sér sæti á bekknum á meðan Orri Sveinn er í leikbanni eftir að hafa fengið rautt spjald gegn ÍA í seinustu umferð.

Jökull, þjálfari Stjörnunnar, gerir alls eina breytingu frá sigurleiknum gegn Val á dögunum. Róbert Frosti kemur inn í liðið en hann Hilmar Árni þarf að víkja. Hilmar er ekki í hóp hjá Stjörnunni í dag.

Besta fagn í sögu efstu deildar á Íslandi? Það var í leik milli Stjörnunnar og Fylkis þegar Jóhann Laxdal henti í bráðskemmtilegt fagn með liðsfélögum sínum er hann skoraði úr vítaspyrnu. Óhætt er að segja að fagnið hafi verið vinsælt.

Fyrri viðureignir Alls hafa liðin mæst 53. sinnum en tölfræðin er frekar jöfn í þessum leikjum í gegnum tíðina. Stjarnan hefur unnið 23 (43%) leiki gegn Fylki en Fylkir 21 (40%) leik gegn Stjörnunni. Alls hafa 9 (17%) leikir endað jafntefli milli liðanna en markatalan er 90-93, Stjörnunni í vil.


Hér eru leikir liðanna í fyrra:

Lokaleikir 4. umferðar Í kvöld lýkur 4.umferð Bestu deildar karla með tveim leikjum.

Leikirnir í kvöld:

Valur - Fram (18:00)
Fylkir Stjarnan (19:15)

Umferðin til þessa:

ÍA 1-2 FH
Vestri 1-0 HK
Víkingur R. 4-2 KA
KR 2-3 Breiðablik

Staðan í Bestu þegar 4.umferð er að klárast:

1. Víkingur R. - 12 stig (+8)
2. Breiðablik - 9 stig (+4)
3. FH - 9 stig (+2)
4. ÍA - 6 stig (+5)
5. KR - 6 stig (+1)
6. Fram - 6 stig (+2)
7. Vestri - 6 stig (-4)
8. Valur - 4 stig (+1)
9. Stjarnan - 3 stig (-3)
10. KA - 1 stig (-4)
11. Fylkir - 1 stig (-5)
12. HK - 1 stig (-7)

Fylkisgoðsögn spáir í spilin Fyrrum framherji Fylkis og hlaðvarpsstjarnan Albert Brynjar Ingason spáir í spilin fyrir komandi umferð í Bestu deildinni. Fylkir - Stjarnan er lokaleikur umferðarinnar en svona spáir Albert þessum leik:

Fylkir 2 - 1 Stjarnan (19:15 í kvöld)

Fylkir fer ekkert í gegnum þrjá heimaleiki í röð án þess að vinna, Fylkir byrja að krafti og pressa hátt upp og það skilar marki þegar Halldór Jón vinnur boltann eftir sloppy uppspil hjá gestunum og leggur hann fyrir Ómar Björn sem skorar fyrsta markið í þessum leik, Emil Atlason jafnar svo fyrir Stjörnuna um miðjan seinni hálfleik en Fylkir kemst svo aftur yfir þegar hinn ömurlegi golfari Ásgeir Eyþórs skallar hann inn eftir hornspyrnu Arnórs Breka.

Dómarateymið Dómari leiksins í dag er Akureyringurinn Sigurður Hjörtur Þrastason sem dæmdi umdeildan bikarleik í seinustu viku fyrir norðan. Honum til halds og trausts eru þeir Eysteinn Hrafnkelsson og Kristján Már Ólafs. Aðalbjörn Heiðar er skiltadómari og enginn annar en Gunnar Jarl er eftirlitsmaður KSÍ.

Áhugaverð byrjun Stjörnumanna Stjarnan hefur, líkt og Fylkir, ekki byrjað leiktíðina eins og þeir hefðu viljað. Eftir fyrstu þrjá leiki deildarinnar eru Stjarnan einungis með einn sigur á bakinu en tvö töp. Sigurinn kom einmitt í seinustu umferð gegn Valsmönnum en töpin komu gegn KR og Víkingi. Þetta er þar með fyrsti leikur tímabilsins þar sem Stjörnumenn eru að keppa á móti lakara liði og bara eiga að vinna.

Stjarnan kemur inn í þennan leik með tvo sterka sigra á bakinu og það er spurning hvort þeir nái að nýta sér það í kvöld. Sjáum við allt annað Stjörnulið í kvöld? Taka þeir Fylki stórt og sýna okkur heilsteypta frammistöðu með mörgum mörkum?


Rétt fóru áfram í bikarnum
Bikarleikur Stjörnunnar í liðni viku var enginn göngutúr í garðinum en þeir rétt svo mörðu 3. deildarlið Augnabliks 2-1. Sigurmarkið kom á 93. mínútu og Jökull var allt annað en sáttur með sína menn eftir þann leik.

Fylkismenn þurfa sigur og það strax Það hefur mikið verið hrósað Fylkismönnum fyrir hvernig þeir hafa staðið sig í upphafi móts en hins vegar er stigasöfnunin ekkert sérstök. Rúnar Páll og Olgeir hafa einnig verið hrósaðir fyrir traustið sem þeir hafa sýnt ungum leikmönnum. Þeir eru óhræddir við það að setja unga og hráa leikmenn inn í stóra leiki og gefa þeim ábyrgð.

Fylkismenn eru einungis með eitt stig eftir þrjá leiki en það stig kom á heimavelli gegn Valsmönnum, 0-0. Þeir þurfa að fara að ná í sigur sem allra fyrst en í fyrra voru þeir einungis með þrjú stig eftir fyrstu 6 leikina.


Eiga lykilleikmenn inni
Frammistaðan lofar hins vegar mjög góðu hjá Árbæingum en þeir eiga nokkra lykilleikmenn inni eins og Ragnar Braga, Benedikt Daríus og Emil Ásmunds til að nefna nokkra.

Það hefur verið skemmtilegt að fylgjast með Fylkisliðinu í upphafi móts en það verður enn skemmtilegra að fylgjast með þeim þegar þeir endurheimta sína bestu menn úr meiðslum. Ég held samt sem áður að þeir verða í stuði í dag og við munum fá mörg mörk.

Sú lang Besta! Góðan og blessaðan! Veriði hjartanlega velkomin í þessa þráðbeinu textalýsingu frá leik Fylkis og Stjörnunnar. Bæði lið hafa ekki byrjað mótið eins og þau vildu líklega en það verður áhugavert að fylgjast með gangi mála hér í kvöldsólinni í Árbænum.