Man City setur verðmiða á Cancelo - Simons eftirsóttur - Lille hafnar Liverpool
Í BEINNI
Fótbolti.net bikarinn
KFA
14:00 0
0
ÍH
Keflavík
1
2
Valur
1-0 Fanney Inga Birkisdóttir '35 , sjálfsmark
1-1 Fanndís Friðriksdóttir '55
1-2 Nadía Atladóttir '60
08.05.2024  -  18:00
HS Orku völlurinn
Besta-deild kvenna
Dómari: Guðmundur Páll Friðbertsson
Maður leiksins: Kate Cousins
Byrjunarlið:
1. Vera Varis (m)
Elfa Karen Magnúsdóttir ('62)
Caroline Mc Cue Van Slambrouck
5. Susanna Joy Friedrichs
10. Saorla Lorraine Miller
11. Kristrún Ýr Holm (f)
14. Alma Rós Magnúsdóttir
17. Elianna Esther Anna Beard
21. Melanie Claire Rendeiro
22. Salóme Kristín Róbertsdóttir ('90)
24. Anita Lind Daníelsdóttir

Varamenn:
3. Júlía Björk Jóhannesdóttir
6. Kamilla Huld Jónsdóttir
8. Anita Bergrán Eyjólfsdóttir ('90)
15. Sigurbjörg Diljá Gunnarsdóttir ('62)
20. Brynja Arnarsdóttir
23. Watan Amal Fidudóttir
99. Regina Solhaug Fiabema

Liðsstjórn:
Jonathan Glenn (Þ)
Ljiridona Osmani
Marín Rún Guðmundsdóttir
Margrét Ársælsdóttir
Örn Sævar Júlíusson
Guðrún Jóna Kristjánsdóttir
Anna Arnarsdóttir

Gul spjöld:

Rauð spjöld:
Leik lokið!

Keflavík með hornspyrnu á lokasekúndunum, boltinn berst útfyrir teiginn á Elianna sem reynir skotið sem fer í gegnum allan pakkann og smýgur rétt fram hjá stönginni fjær,

Þar með flautar Guðmundur til leiksloka. Valssigur staðreynd hér í kvöld og fullt hús stiga á töflunni. Það má þó segja að Keflavík hafi svo sannarlega látið þær hafa fyrir hlutunum hér.

Viðtöl og skýrsla síðar í kvöld.
94. mín
Berglind í dauðafæri
Sleppur ein gegn Veru sem mætir henni alveg við vítateigslínu og ver.

Berglind hefði getað gert mun betur þarna. Setur boltann beint á Veru.
91. mín
Melanie í fínu skotfæri fyrir Keflavík en Fanney gerir vel og ver,
91. mín
Uppbótartíminn er að minnsta kosti fjórar mínútur.
90. mín
Inn:Anita Bergrán Eyjólfsdóttir (Keflavík) Út:Salóme Kristín Róbertsdóttir (Keflavík)
88. mín
Inn:Berglind Björg Þorvaldsdóttir (Valur) Út:Guðrún Elísabet Björgvinsdóttir (Valur)
Velkomin aftur í Íslenska boltann Berglind Björg
88. mín
Inn:Málfríður Erna Sigurðardóttir (Valur) Út:Fanndís Friðriksdóttir (Valur)
86. mín
Fanndís Friðriksdóttir með eitthvað í líkingu við skot eða fyrirgjöf. Veit ekki hvort því hvorki fór það nálægt samherja né markinu.
83. mín
Valur fær horn.
81. mín
Saoria reynir skot fyrir utan teig Vals eftir ágæta sókn. Boltinn framhjá markinu.
77. mín
Guðrún Elísabet í ágætri stöðu en reynir skotið af löngu færi, hittir boltann afar illa sem flýgur víðsfjarri markinu.
75. mín
Inn:Ísabella Sara Tryggvadóttir (Valur) Út:Nadía Atladóttir (Valur)
73. mín
Keflavík vinnur hornspyrnu.

Ekkert verður úr.
68. mín
Keflavík að vinna sig inn í leikinn á ný Elianna með glæsilegan snúning og hörkuskot við D-bogann sem fer af varnarmanni að mér sýnist og hárfínt framhjá.

Ekkert verður úr horninu.
63. mín
Leikurinn verið algjör einstefna síðustu mínútur. Valskonur komnar á bragðið og mun kraftmeiri hér en í fyrri hálfleik.
62. mín
Inn:Sigurbjörg Diljá Gunnarsdóttir (Keflavík) Út:Elfa Karen Magnúsdóttir (Keflavík)
60. mín MARK!
Nadía Atladóttir (Valur)
Stoðsending: Kate Cousins
Taflinu snúið við Heimakonur tapa boltanum á eigin vallarhelmingi. Katie Cousins með hann við vítateig hægra megin sér Nadíu koma í utanáhlaup og leggur boltann fyrir hana. Nadía klárar sitt af stakri prýði með skoti í hornið fjær óverjandi fyrir Veru í markinu.
59. mín
Nadía með skot úr teignum sem fer vel yfir markið.
57. mín
Keflavík sækir
Saorie með boltann fyrir markið frá hægri, örlítið fyrir aftan Elfu Karen sem var í kjörstöðu inn á teignum.
55. mín MARK!
Fanndís Friðriksdóttir (Valur)
Valur jafnar!
Hornspyrnan tekin inn á teiginn þar sem heimakonur skalla frá marki sínu beint fyrir fætur Fanndísar við D-bogann sem á skot að marki, alls ekki fast en vel út við stöng sem lekur fram hjá Veru í markinu,

Allt jafnt hér á HS-Orkuvellinum.
54. mín
Hailey með boltann og kemst upp að endamörkum. Reynir fyrirgjöf en Salóme hendir sér fyrir og boltinn í horn.
52. mín
Hættulegur bolti fyrir mark Keflavíkur frá hægri, Aníta skallar frá, Aftur sækir lið Vals en vörnin heldur og spyrnir boltanum frá.
50. mín
Valsliðið pressar
Valsliðið þrýst liði sínu mjög hátt þessar fyrstu mínútur en ekki tekist að finna leiðir að marki Keflavíkur.
46. mín
Síðari hálfleikur hafinn
Heimakonur sparka okkur af stað á ný.
45. mín
Hálfleikur

Mér berst til eyrna að Jasmín Erla hafi verið flutt á sjúkrahús til skoðunar. Engin áhætta tekin þegar um höfuðmeiðsl er að ræða. Við sendum henni batakveðjur og vonum að þetta haldi henni ekki frá vellinum i einhvern tíma.
45. mín
Hálfleikur

Óvænt staða hér í Keflavík í hálfleik en það má færa rök fyrir því að hún sé sanngjörn. Keflavíkurliðið verið bara heilt yfir betra hér á fyrstu 45. Klárlega þeirra besti hálfleikur til þessa í mótinu og sennilega líka talsvert lengra aftur í tímann.
45. mín
+2 Nadía Atladóttir með skot að marki eftir sendingu frá Hailey en boltinn hátt yfir markið.
45. mín
Uppbótartími
Við fáum að minnsta kosti tvær mínútur í uppbótartíma hér í fyrri hálfleik.
44. mín Gult spjald: Fanndís Friðriksdóttir (Valur)

Handviss um að Valur eigi að fá hornspyrnu og lætur Guðmund Pál alveg vita af því.

Hann ekki sammála og gefur gult.
42. mín
Melanie Claire Rendeiro með skot að marki Vals en hittir ekki á rammann.
42. mín

Það er ekki hægt að neita því að Keflavíkurliðið hefur komið á óvart hér í kvöld. Heilt yfir held ég að ég geti hreinlega sagt að þær hafi verið betri í þessum fyrri hálfleik.
35. mín SJÁLFSMARK!
Fanney Inga Birkisdóttir (Valur)
Skrautlegt mark í meira lagi! Skot frá Saoria fer í háum boga af varnarmanni og inn á teiginn. Þar mætir Elfa Karen og getur fátt annað gert en að setja boltann fyrir markið úr mjög þröngri stöðu sem hún og gerir. Fanney Inga í vandræðum með boltann og virðist hreinlega slá hann innfyrir marklínuna sjálf.

Tökum þó ekkert af Elfu Karen sem gerði það besta sem hún mögulega gat úr sinni stöðu og uppsker líka ríkulega fyrir það!
33. mín
Keflavík í færi
Saoria í færi í teignum eftir sendingu frá Salóme að mér sýnist en skot hennar í varnarmann og gestirnir hreinsa.

Leikurinn verið mun opnari en maður hefði fyrirfram ætlað.
31. mín
Hættuleg sókn Vals, Nadía ber boltann upp völlinn og finnur Guðrúnu í fætur úti á hægri væng. Hún reynir fyrirgjöf fyrir markið sem Aníta Lind kemur frá áður en Ragnheiður nær til boltan.
28. mín
Inn:Ragnheiður Þórunn Jónsdóttir (Valur) Út:Jasmín Erla Ingadóttir (Valur)
Vonum að Jasmin jafni sig fljótt og sé í lagi. Höfuðmeiðsli alls ekkert grín eins og fjölmörg dæmi eru um.
26. mín
Mjög lítið að gerast hér á vellinum þessar mínútur.

Jasmin Erla þarf nú að yfirgefa völlinn, virðist kenna sér meins eftir höggið áðan og fer beint til búningsherbergja. Verulega leiðinlegt að sjá.
18. mín
Úff Susanna Joy reynir sendingu upp völlinn frá miðlínu.

Vill ekki betur til en að boltinn smellur beint í andliti Jasmin Erlu sem að steinliggur á vellinum og þarf aðhlynningu.

Sest þó fljótt upp og virðist í lagi.
16. mín
Kæruleysi í leik Vals
Susanna Joy vinnur boltann á vallarhelmingi Vals og keyrir upp að endalínu hægra megin, leggur boltann inn á teiginn fyrir Saoria sem nær ekki að taka boltann með sér.
13. mín
Aftur ógnar Keflavík
Fyrirgjöf frá hægri inn á teiginn fellur fyrir fætur Saoria Miller sem á skot sem Fanney gerir vel í að verja.

Engin einstefna hér þó gestirnir séu heilt yfir betri.
11. mín
Tækifæri fyrir heimakonur. Keflavík á aukaspyrnu á ágætis stað til fyrirgjafar.

Spyrnan góð frá hægri yfir á fjærstöng. Þrjár úr Keflavík að bítast um sama boltann sem hrekkur af þeim í fang Fanneyjar.
9. mín

Katie Cousins í skotfæri á vítateigslínu eftir sendingu frá Guðrúnu Elísabet en þvagan þétt fyrir framan hana og boltinn af varnarmanni og afturfyrir.
7. mín
Valur skorar!
Snögg sókn upp völlin endar með sendingu fyrir markið á Nadiu Atladóttur sem að skilar boltanum í netið. Valsliðið fagnar innilega en flaggið er á lofti og markið telur því ekki.
3. mín
Valskonur byrja betur
Guðrún Elísabet hársbreidd frá því að vinna sig í dauðafæri í teig Keflavíkur. Sýnist það vera Aníta Lind sem nær snertingu á boltann sem veldur því að Guðrún missir hann frá sér í fang Veru í marki Keflavíkur
1. mín
Leikur hafinn
Valskonur sparka þessum leik af stað hér í Keflavík.
Fyrir leik
Liðin komin í hús
Byrjunarlið og hópar beggja liða mætt í hús og má sjá hér til hliðar.
Ákveðin vonbrigði að Amanda tekur ekki þátt í þessum leik og er utan hóps. Spurning hvað býr að baki, hvort einhver meiðsli séu að hrjá hana eða Pétur bara að hvíla hana?

Mynd: Fótbolti.net - Hafliði Breiðfjörð

Fyrir leik
Alda spáir í spilin
Alda Ólafsdóttir, sem fór af stað með látum hjá Fram fyrr í þessari viku, spáir í leikina sem eru framundan. Hún spáir útisigri.

Keflavík 0 - 3 Valur

Valur tekur þennan leik örugglega 3-0. Amanda heldur áfram að sýna gæði sín og kemur að öllum mörkum Vals.

Mynd: Toggi Pop

Fyrir leik
Keflavík
Eins vel og Valur hefur farið af stað í mótinu er Keflavík á hinum endanum. Núll stig úr fyrstu þremur leikjum mótsins og markatalan 4-10 er eflaust alls ekki það sem Keflavík ætlaði sér.

Breidd liðs Keflavíkur stendur liðinu talsvert fyrir þrifum og fyrir utan fyrstu 11 er reynslan afskaplega lítil. Verkefni kvöldsins verður án efa strembið en lið Keflavíkur hefur þó sýnt það undanfarin ár að það er sýnd veiði en ekki gefin og þá sérstaklega á heimavelli.

Mynd: Fótbolti.net - Jónína Guðjörg Guðbjartsdóttir

Fyrir leik
Alltof góð í þessa deild. Amanda Andradóttir Jacobsen hefur farið virkilega vel af stað í mótinu líkt og reyndar flestir bjuggust við. Algjörlega framúrskarandi knattspyrnukona sem að mínu mati í það minnsta ber höfuð og herðar yfir aðrar í deildinni. Sumir kynnu að segja að orð sem þessi skapi óþarfa pressu á hana en staðreyndin er bara sú að hún stendur undir því og vel það. Hún er bara það góð að hún mun fá stórt skref áður en langt um líður kjósi hún á annað borð að taka það skref sjálf.

Hvað sem því líður þá er ég spenntur að sjá hana á grasinu í Keflavík ef hún spilar það er.

Mynd: Fótbolti.net - Hafliði Breiðfjörð

Fyrir leik
Valur
Þrír leikir, þrír sigrar, níu stig og markatalan 12-3 er uppskera Valskvenna úr fyrstu þremur umferðum mótsins. Ásættanlegur árangur og vel það en ekkert minna þó en Valsliðið krefst af sjálfu sér.

Langbest mannaða lið landsins er ekki orðum ofaukið og eiga þó inni til að mynda Berglindi Björg Þorvaldsdóttur. Þess utan er besti leikmaður deildarinnar í þeirra röðum.

Mynd: Valur

Fyrir leik
Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Keflavíkur og Vals í fjórðu umferð Bestu deildar kvenna. Flautað verður til leiks á HS-Orkuvellinum á klukkan 18:00

Mynd: Fótbolti.net - Hafliði Breiðfjörð

Byrjunarlið:
1. Fanney Inga Birkisdóttir (m)
2. Hailey Whitaker
8. Kate Cousins
10. Berglind Rós Ágústsdóttir (f)
11. Anna Rakel Pétursdóttir
13. Nadía Atladóttir ('75)
19. Anna Björk Kristjánsdóttir
21. Lillý Rut Hlynsdóttir
22. Guðrún Elísabet Björgvinsdóttir ('88)
23. Fanndís Friðriksdóttir ('88)
29. Jasmín Erla Ingadóttir ('28)

Varamenn:
20. Íris Dögg Gunnarsdóttir (m)
3. Camryn Paige Hartman
14. Ragnheiður Þórunn Jónsdóttir ('28)
17. Þórdís Hrönn Sigfúsdóttir
24. Ísabella Sara Tryggvadóttir ('75)
40. Málfríður Erna Sigurðardóttir ('88)
92. Berglind Björg Þorvaldsdóttir ('88)

Liðsstjórn:
Pétur Pétursson (Þ)
Jóhann Emil Elíasson
Ásgerður Stefanía Baldursdóttir
María Hjaltalín
Gísli Þór Einarsson
Guðrún Halla Guðnadóttir
Hallgrímur Heimisson

Gul spjöld:
Fanndís Friðriksdóttir ('44)

Rauð spjöld: