Chiesa í skiptum fyrir Greenwood? - David til Chelsea - Buðu Palace að fá Olise aftur á láni - Slot skoðar Minteh - Varane til Miami
Valur
3
1
Tindastóll
0-1 Hugrún Pálsdóttir '10
Fanndís Friðriksdóttir '38 1-1
Fanndís Friðriksdóttir '40 2-1
Guðrún Elísabet Björgvinsdóttir '48 3-1
14.05.2024  -  17:30
N1-völlurinn Hlíðarenda
Besta-deild kvenna
Dómari: Bríet Bragadóttir
Maður leiksins: Fanndís Friðriksdóttir
Byrjunarlið:
1. Fanney Inga Birkisdóttir (m)
2. Hailey Whitaker
3. Camryn Paige Hartman
8. Kate Cousins
9. Amanda Jacobsen Andradóttir
10. Berglind Rós Ágústsdóttir (f)
13. Nadía Atladóttir ('63)
19. Anna Björk Kristjánsdóttir
21. Lillý Rut Hlynsdóttir
22. Guðrún Elísabet Björgvinsdóttir ('73)
23. Fanndís Friðriksdóttir ('73)

Varamenn:
20. Íris Dögg Gunnarsdóttir (m)
7. Elísa Viðarsdóttir
14. Ragnheiður Þórunn Jónsdóttir ('73)
17. Þórdís Hrönn Sigfúsdóttir
24. Ísabella Sara Tryggvadóttir ('63)
40. Málfríður Erna Sigurðardóttir
92. Berglind Björg Þorvaldsdóttir ('73)

Liðsstjórn:
Pétur Pétursson (Þ)
Jóhann Emil Elíasson
Ásgerður Stefanía Baldursdóttir
María Hjaltalín
Gísli Þór Einarsson
Guðrún Halla Guðnadóttir
Hallgrímur Heimisson

Gul spjöld:
Berglind Rós Ágústsdóttir ('86)

Rauð spjöld:
Leik lokið!
Fimmti sigur Vals í röð og toppsætið þeirra.

Viðtöl og skýrsla væntanleg.
91. mín
Uppbótartími er að minnsta kosti tvær mínútur.
89. mín
Fyrirgjöf frá vinstri fyrir mark Stóla sem Monica missir frá sér. Boltinn berst á Ísabellu Söru sem setur boltann yfir úr afbragðsfæri.
88. mín Gult spjald: Annika Haanpaa (Tindastóll )
Bríet verið spar á spjöld fram til þessa en nú koma þau í góðum bunka.
86. mín Gult spjald: Berglind Rós Ágústsdóttir (Valur)
Brot á miðjum vellinum.
84. mín Gult spjald: Birgitta Rún Finnbogadóttir (Tindastóll )
Gult fyrir brot á Hailey við teig Vals.
83. mín
Kate með skot að marki, af varnarmanni og afturfyrir,

Hornspyrnan endar í höndum Monicu.
82. mín
Sláin
Amanda sjálf með spyrnuna. Nær boltanum yfir vegginn en boltinn í slánna og yfir.
82. mín
Valur fær aukaspyrnu á stórhættulegum stað.

Brotið á Amöndu við D-bogann.
79. mín
Inn:Krista Sól Nielsen (Tindastóll ) Út:Hugrún Pálsdóttir (Tindastóll )
77. mín
Berglind Björg!
Kate vinnur boltann í teig Tindastóls og er fljót að koma honum út á Berglindi sem á skot sem skrúfast rétt framhjá stönginni.
75. mín
Valur vinnur hornspyrnu.

Ekkert verður úr.
73. mín
Inn:Berglind Björg Þorvaldsdóttir (Valur) Út:Guðrún Elísabet Björgvinsdóttir (Valur)
73. mín
Inn:Ragnheiður Þórunn Jónsdóttir (Valur) Út:Fanndís Friðriksdóttir (Valur)
69. mín
Guðrún Elísabet í hörkufæri í teignum eftir gott samspil Vals. Skot hennar þó varið af Monicu.
64. mín

Saga Ísey með lúmskt skot eftir snotra sókn Tindastóls upp vinstra megin.

Fanney gerir vel í að slá boltann í horn.

Ekkert kemur upp úr horninu.
63. mín
Inn:Ísabella Sara Tryggvadóttir (Valur) Út:Nadía Atladóttir (Valur)
61. mín
Anna Björk með skallann eftir aukaspyrnuna sem Monica slær í slánna og yfir.
60. mín
Valskonur með öll völd hér, líður vel eins og von er á.

Vinna hér aukaspyrnu við vítateig úti til hægri. Fín staða fyrir fyrirgjöf.
55. mín
Camryn Paige með skot að marki eftir snarpa sókn Vals en í hliðarnetið fer boltinn.
54. mín
Lítið gerst markvert eftir markið. Valskonur þó með tögl og haldir á þessum leik.
48. mín MARK!
Guðrún Elísabet Björgvinsdóttir (Valur)
Einfalt og gott Hröð sókn upp vinstri vænginn, Camryn með boltann fyrir markið frá vinstri yfir á fjærstöng þar sem Guðrún mætir og skallar boltann af öryggi í netið.
46. mín
Seinni hálfleikur hafinn
Gestirnir koma okkur af stað á ný.
46. mín
Inn:Saga Ísey Þorsteinsdóttir (Tindastóll ) Út:Laufey Harpa Halldórsdóttir (Tindastóll )
Ein breyting á liði Tindastóls í hálfleik
45. mín
Hálfleikur

Nokkuð skemmtilegum fyrri hálfleik lokið hér.

Snúum aftur með þann síðari að vörmu spori.
45. mín
Bjargað á línu Bjargað á línu eftir horn.

Nadía Atladóttir með skalla sem er hreinsaður frá á li?u.
45. mín
Uppbótartími fyrri hálfleiks er að minnsta kosti tvær mínútur.
40. mín MARK!
Fanndís Friðriksdóttir (Valur)
Fanndís aftur.
Fær boltann vinstra megin í teignum ,tekur einfaldan þríhyrning við Kate Cousins og er ein gegin Monicu vinstra megin í markteignum, Setur boltann þægilega í fjærhornið fram hjá Monicu.
38. mín MARK!
Fanndís Friðriksdóttir (Valur)
Stoðsending: Amanda Jacobsen Andradóttir
Valur jafnar
Amanda fær boltann hægra megin í teignum og gerir listavel að snúa af sér varnarmann. Sér Fanndísi í hlaupinu inn á teiginn og leggur boltann fyrir hana. Fanndís þakkar fyrir sig með því að setja boltann í fyrsta í netið framhjá varnarlausri Monicu í marki gestanna.
35. mín

Kate Cousins í hörkufæri í teig Tindastóls en seturn boltann rétt framhjá markinu af vítapunkti.
33. mín
Annika með skot af löngu færi fyrir gestina. Beint í fang Fanneyjar í markinu.
29. mín
Guðrún Elísabet liggur í teignum og þarf aðhlynningu.

Er studd af velli og haltrar talsvert en virðist í lagi eftir smá meðhöndlun.
27. mín
Aftur Jordyn
Í hörkuskallafæri á markteig eftir aukaspyrnu frá vonstri væng.

Setur boltann hárfínt yfir markið af tiltölulega stuttu færi.
26. mín

Jordyn reynir slíkt hið sama fyrir gestina á hinum endanum. Niðurstaðan sú sama.
25. mín

Fanndís með skot fyrir utan teig. Boltinn yfir markið.
22. mín
Darraðardans af dýrari gerðinni í teig Tindastóls eftir aukaspyrnu frá vinstri inn á teiginn. Boltinn fyrir Nadíu sem á skot í varnarmann. Boltinn þaðan skoppar milli kvenna í teignum áður en hann að lokum rúllar í mestu makindum yfir endalínu og markspyrna dæmd.

Vantaði smá grimmd í bæði lið þarna, Val að koma tuðrunni í netið og gestina að dúndra honum frá.
20. mín
Fanndís í séns
Fær boltann yfir á fjær eftir fyrirgjöf frá Nadíu en nær ekki að stýra boltanum almennilega á markið og boltinn þægilega í fang Monicu í marki Tindastóls.
17. mín
Aldís María í hörkufæri
Sýnir styrk sinn og vinnur sig framfyrir Kate Cousins í eltingarleik um boltann inn á teig Vals. Nær ágætis skoti úr fínu færi en í hliðarnetið fer boltinn.
13. mín
Kraftur í gestunum.
Færa boltann vel kanta á milli frá hægri til vinstri. Þaðan kemur fyrirgjöf en Fanney klár í þetta sinn og handsamar boltann.
10. mín MARK!
Hugrún Pálsdóttir (Tindastóll )
Getirnir komast yfir!
Þetta mark verður að skrifast að stórum hluta á Fanney í marki Vals. Illa staðsett í teignum. Tökum þó ekkert af Hugrúnu sem þarf að gera helling.

Fær boltann við hægra vítateigshorn og sér að Fanney er framarlega í markinu, Það sér Hugrún og lyftir boltanum yfir hana af talsverðu færi, fullkomin vigt í skotinu sem fellur niður undir þverslánna og í netið.
5. mín
Líf í Stólum
Boltinn fram völlinn og þar er það sýnist mér Jordyn sem nær að koma boltanum í átt að marki en Fanney þeim vanda vaxin og grípur boltann.
4. mín
Valur mun ákveðnari hér í upphafi, Fanndís Friðriks með skot af varnarmanni og gestirnir hreinsa.
1. mín
Leikur hafinn

Heimakonur sparka þessu af stað hér á N1 vellinum.
Fyrir leik
Liðin ganga til vallar
Byrjunarliðin mætt fyrir lifandis löngu í hús annað en ég.
Ánægjulegt að sjá að Amanda hefur jafnað sig og er mætt aftur í byrjunarlið Vals.

Við vonumst að sjálfsögðu eftir skemmtilegum leik hér og nóg af mörkum.
Fyrir leik
Hafrún Rakel spáir Landsliðskonan Hafrún Rakel Halldórsdóttir, sem spilar með Bröndby í Danmörku, spáir í leikina sem eru framundan og stefnir á að ná fimm réttum.

Valur 3-0 Tindastóll

Valur vinnur þægilegan 3-0 sigur. Guðrún Elísabet með tvö og Berglind Björg opnar markareikninginn sinn í deildinni á ný með screamer.

   14.05.2024 10:45
Hafrún Rakel spáir í 5. umferð Bestu deildar kvenna



.
Mynd: Jónína Guðbjörg Guðbjartsdóttir

Fyrir leik
Dómari
Bríet Bragadóttir sér um leikstjórn á N1 í dag. Henni til aðstoðar eru Magnús Garðarsson og Ásgeir Viktorsson. Fjórði dómari er Stefán Ragnar Guðlaugsson og eftirlitsmaður KSÍ er Kristján Halldórsson.

Mynd: Fótbolti.net - Hafliði Breiðfjörð

Fyrir leik
Valur
Valskonur ásamt Breiðablik verma topp deildarinnar með fullt hús stiga. Liðið þurfti þó að hafa talsvert fyrir sigri sínum í síðustu umferð þegar liðið lagði Keflavík í Reykjanesbæ 2-1. Þar voru það Fanndís Friðriksdóttir og Nadía Atladóttir sem tryggðu Val 3 stig eftir að liðið lenti undir í leiknum.

Valsliðið varð þó fyrir áfalli gegn Keflavík en Jasmín Erla Ingadóttir verður eitthvað frá eftir að hafa fengið heilahristing gegn Keflavík. Þá er spurning hvort að Amanda Andradóttir sé orðin klár en hún missti af leiknum gegn Keflavík vegna ökklameiðsla.

   10.05.2024 14:30
Jasmín ætlar ekki að flýta sér - „Vissi ekki hvar ég var eða hvaða dagur væri"


Mynd: Fótbolti.net - Hafliði Breiðfjörð

Fyrir leik
Tindastóll
Gestirnir af Sauðárkróki koma á ágætis róli á N1 völlinn þennan sólríka þriðjudag. Eftir að hafa tapað fyrstu tveimur leikjum sínum í mótinu hafa tveir sigrar fylgt og situr liðið í 4.sæti deildarinnar með 6 stig fyrir leiki kvöldsins.

Elísa Bríet Björnsdóttir hefur farið vel af stað með liði Tindastóls í sumars og hefur til að mynda verið í liði umferðarinnar í tvígang.

   10.05.2024 10:00
Sterkasta lið 4. umferðar - Fædd 2008 og er í annað sinn


Mynd: Fótbolti.net - Hafliði Breiðfjörð

Fyrir leik
Síðdegisleikur á N1 vellinum Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá N1 vellinum að Hlíðarenda þar sem fram fer leikur Vals og Tindastóls í Bestu deild kvenna. Flautað er til leiks á óhefðbundnum tíma eða klukkan 17:30 vegna oddaleiks Vals og Njarðvíkur í undanúrslitum Subwaydeildarinnar körfubolta.

Mynd: Fótbolti.net - Hafliði Breiðfjörð

Byrjunarlið:
1. Monica Elisabeth Wilhelm (m)
3. Bryndís Rut Haraldsdóttir (f)
6. Laufey Harpa Halldórsdóttir ('46)
9. María Dögg Jóhannesdóttir
10. Elísa Bríet Björnsdóttir
11. Aldís María Jóhannsdóttir
13. Birgitta Rún Finnbogadóttir
17. Hugrún Pálsdóttir ('79)
27. Gwendolyn Mummert
28. Annika Haanpaa
30. Jordyn Rhodes

Varamenn:
12. Sigríður H. Stefánsdóttir (m)
2. Saga Ísey Þorsteinsdóttir ('46)
4. Birna María Sigurðardóttir
7. Gabrielle Kristine Johnson
14. Sunneva Dís Halldórsdóttir
20. Kristrún María Magnúsdóttir
21. Krista Sól Nielsen ('79)
23. Emelía Björk Elefsen

Liðsstjórn:
Konráð Freyr Sigurðsson (Þ)
Halldór Jón Sigurðsson (Þ)
Bergljót Ásta Pétursdóttir
Jón Hörður Elíasson
Nikola Stoisavljevic

Gul spjöld:
Birgitta Rún Finnbogadóttir ('84)
Annika Haanpaa ('88)

Rauð spjöld: