Það vantaði eitthvað x í bæði lið í raun í dag. Tilfinning mín frá fyrstu mínútu var jafntefli sem svo raungerðist. Hvort heldur sem var í vörn eða sókn voru bæði lið mistæk og því fór sem fór.

Tvö atvik fyrir mig í dag. Það fyrsta er rúðubrotið strax á fyrstu mínútum leiksins þegar Grótta á skot sem svífur hátt yfir markið og í rúðu á veislusalnum í Safamýri sem brotnaði með miklum látum. Svo er það leikhlé Gróttu. Verið gert oft í sumar en í þetta sinn var það afar augljóst. Rafal var varla sestur á völlinn þegar allir 10 útileikmenn Gróttu voru mættir á bekkinn.

Grótta fer í 5 stig og situr í fjórða sæti. Grindavík í níunda með tvö stig.

Hvorugt lið var að spila eitthvað glimmrandi vel. Eiginlega bara ekki. Hendum þessu á einn óheppnasta leikmann Grindavíkur. Marinó Axel Helgason fór meiddur af velli snemma í fyrri hálfleik og eykur á meiðslalista Grindavíkur.

Get lítið kvartað yfir frammistöðu Þórðar og hans manna í dag. Solid sjö á þá.