Smá töf Smá töf á leiknum. Eitthvað bilað í öðru markinu.

Liðin eru að hita upp í Miðgarði. Hér erum við laus við allt vesen frá veðri og vindum.

Spákonan Landsliðsmarkvörðurinn Cecilía Rán Rúnarsdóttir tók það að sér að spá í spilin fyrir umferðina sem er framundan fyrir Fótbolta.net.

Stjarnan 0 - 2 Fylkir
Mínar konur í Fylki hafa tapað síðustu tveimur leikjum en mæta meira en klárar í þennan leik og vinna öruggan 0-2 sigur. Eva Rut fyrirliði er með eitraðan fót og setur hann beint úr aukaspyrnu.

Færður inn í hús eftir hádegi í dag Leikurinn átti að fara fram á Samsungvellinum en það er gul viðvörun á höfuðborgarsvæðinu og því var ákveðið eftir hádegi í dag að fara leikinn inn í hús þar sem er logn og engin úrkoma.

Gengið til þessa Leikurinn í dag er í 6. umferð Bestu-deildar kvenna. Liðin eru á svipuðum stað í töflunni eftir fyrstu fimm umferðirnar.

Heimakonur í Stjörnunni eru î 6. sæti deildarinnar með 6 stig, hafa unnið tvo og tapað þremur.

Gestirnir í Fylki eru í 8. sætinu, hafa unnið einn, gert tvö jafntefli og tapað tveimur. Eru því með fimm stig.

Dómarateymið Dómari leiksins í dag er þekktur úr fótboltaheiminum, Jens Elvar Sævarsson sem spilaði í fjölda ára með Þrótti er orðinn dómari í dag.

Aðstoðarmenn hans á línunum eru þeir Patryk Emanuel Jurczak og Ronnarong Wongmahadthai. Þorfinnur Gústaf Þorfinnsson er svo skiltadómari.

Skagmaðurinn skeleggi Ólafur Ingi Guðmundsson er svo fulltrúi KSÍ á staðnum og hefur eftirlit með störfum dómara og umgjörð leiksins.

Leikdagur í Miðgarði Góðan daginn og verið velkomin í beina tetalýsingu frá Miðgarði í Garðabæ.

Hér mætast Stjarnan og Fylkir í Bestu-deild kvenna. Leikurinn hefst klukkan 18:00.