Einfaldur dagur á skrifstofunni hjá Blikum. Þær eru komnar í undanúrslitin. Keflvíkingar úr leik.

Melanie í fínu færi á teignum en setur boltann fram hjá.

Sárabótarvíti, hendi dæmd.

Hrafnhildur Ása í mjög fínu færi en Vera Varis ver frá henni. Hrafnhildur á að vera búin að skora í þessum leik.

Núna á Írena slaka sendingu til baka en aftur ná Keflvíkingar ekki að refsa.

Anna Nurmi með skottilraun sem fer rétt yfir markið.

Melanie með aukaspyrnu á markið. Telma í engum vandræðum.

Hrafnhildur Ása Halldórsdóttir, munið nafnið. Þetta er alvöru leikmaður.

Birta með frábæran sprett og er komin í gott færi en Vera Varis ver frá henni.

Mikaela með slæma sendingu til baka og hún vissi það strax en Melanie nær ekki að vera á undan Ástu í boltann.

Hrafnhildur Ása með skot en Salóme og Eva Lind henda sér fyrir það í sameiningu.

Birta Georgs með fína takta og á svo skot sem fer fram hjá markinu.

Anna Nurmi í flottu færi inn á teignum eftir hornspyrnu en setur boltann einhvern veginn í sjálfa sig. Enginn kraftur í skotinu.

Katrín að hóta þrennunni en hittir boltann ekki nægilega vel.

Katrín að fá vítaspyrnu. Ég held að þetta hafi verið réttur dómur. Guðrún Jóna ekki sátt en vítið stendur.

Barbára með frábæra fyrirgjöf en Katrín skallar yfir úr dauðafæri. Þarna átti hún að skora sitt annað mark í leiknum.

Keflavík hefur hálftíma til að búa til leik úr þessu. Fullt af tíma.

Melanie er ofur bjartsýn eftir að hún skoraði. Tekur hér skot af 60 metrun en drífur ekki að marki.

Marín gat staðið upp sjálfog er að labba meðfram hlaupabrautinni ásamt sjúkraþjálfara. Það eru góðar fréttir.

Marín Rún fær höfuðhögg og liggur eftir. Lítur alls ekki vel út. Sýnist fólk á hliðarlínunni vera að hringja á sjúkrabíl.

Það er kominn hálfleikur á Kópavogsvelli.

Hrafnhildur Ása að komast í gott færi en boltinn fer í höndina á henni áður en hún tekur skotið.

Hrafnhildur Ása fer býsna illa með Anítu Lind en setur boltann í hliðarnetið úr þröngu færi. Fór fram hjá Anítu bara eins og að drekka vatn.

Blikar hafa fengið níu hornspyrnur í fyrri hálfleik og skorað úr tveimur þeirra. Geri aðrir betur!

Írena með virkilega góða spyrnu en Vera nær að kýla boltann frá.

Hrafnhildur Ása með skot eftir hornspyrnu. Og jú, þið giskuðuð á það, önnur hornspyrna.

Írena tekur núna hornspyrnu hinum megin. Guð blessi Keflavík því þessar spyrnur hafa verið frábærar.

Írena með stórhættulega fyrirgjöf á fjærstöngina en Katrín rétt missir af boltanum.

Andrea Rut með skot sem fer af varnarmanni fram hjá. Enn ein hornspyrnan sem Blikar fá.

Katrín í fínni stöðu á teignum en hittir boltann ekki nægilega vel. Fer af varnarmanni og fram hjá. Kemur svo ekkert út úr hornspyrnunni.

Miðað við þessar fyrstu 36 mínútur þá mætti halda að þessi lið væru ekki að spila í sömu deild. Mikill gæðamunur.

Írena með fína skottilraun en Vera Varis grípur boltann þægilega.

Það er áhugavert að bæði lið eru bara með sex á bekknum.

Þessar hornspyrnur frá Írenu eru allar stórhættulegar. Frábærar spyrnur.

Hrafnhildur Ása komin í flotta stöðu eftir fína sókn Breiðabliks en Aníta Lind verst þessu vel.

Þetta er ekki mjög spennandi fótboltaleikur en það er allavega sól og blíða. Gleðilegt sumar!

Það er nú ekkert sérlega skemmtilegt fyrir hlutlausa að þessi leikur sé bara búinn eftir 17 mínútur. Maður er ekki að sjá Keflavík koma til baka úr þessu, því miður.

Ágætis sókn hjá Keflavík. Boltinn fyrir og þar er Sigurbjörg Diljá lúrandi á fjærstönginni, en hún nær ekki til boltans. Fer í gegnum pakkann.

Þetta Blikalið er ógnvænlegt.

Sigurbjörg Diljá fékk högg á hnéð. Leit ekki vel út til að byrja með en hún er staðin upp og ætlar að halda leik áfram sýnist mér.

Írena með skemmtilega útfærða hornspyrnu. Leggur hann út í teiginn á Andreu en hún hittir boltann ekki nægilega vel.

Ekki mikið gott að frétta hjá Keflavík í byrjun leiks, það er óhætt að segja það.

Hættulegur bolti fyrir en Vera Varis kýlir frá.

Írena með skot sem fer rétt yfir markið. Alls ekki galin tilraun.

Þá er þessi veislan hafin!

Liðin ganga út við dúndrandi lófatak. Það er stemning í Kópavoginum.

Keflavík gerir eina breytingu á liði sínu frá sigurleiknum gegn Víkingi á dögunum. Regina Solhaug Fiabema kemur inn í byrjunarliðið fyrir Ölmu Rós Magnúsdóttur.

Katrín Ásbjörnsdóttir fær að byrja en hún hefur ekki spilað mikið í sumar vegna meiðsla. Hrafnhildur Ása Halldórsdóttir og Írena Héðinsdóttir Gonzalez fá líka að byrja. Engin Agla María Albertsdóttir með í dag.

Það er geggjað veður í Kópavoginum í kvöld. Um 13 gráður, sól og blíða. Frábært veður fyrir fótbolta. Þetta er aðeins öðruvísi en þegar maður var hér í gulri viðvörun um daginn.

Öll átta-liða úrslitin verða leikin í dag. Við fengum Mist Rúnarsdóttur til að spá í leiki kvöldsins en hún spáir því að Blikar fari áfram úr þessum leik.

Breiðablik 3 - 0 Keflavík (19:15 í kvöld)
Blikar eru óstöðvandi þessa stundina og það verður engin breyting á því í bikarnum. Þetta verður nokkuð þægilegt og sannfærandi hjá Kópavogskonum og ég sé fyrir mér svipuð úrslit og þegar liðin mættust í deildinni. Olla setur sitt fyrsta mark í grænu og frumsýnir nýtt fagn. Vigdís og Hrafnhildur Ása komast líka á blað í 3-0 sigri. Blikar fá svo Val í undanúrslitum.

Gunnar Oddur Hafliðason er með flautuna í dag. Honum til aðstoðar eru Jovan Subic og Sigurður Þór Sveinsson. Bergrós Lilja Unudóttir er varadómari og Þórður Ingi Guðjónsson er eftirlitsmaður.

Þessi lið mættust í 1. umferð Bestu deildarinnar fyrir nokkrum vikum síðan. Þá vann Breiðablik býsna þægilegan sigur. Vigdís Lilja Kristjánsdóttir skoraði tvö og Agla María Albertsdóttir gerði eitt. Þær hafa báðar verið frábærar í sumar.

Eftir að hafa tapað fyrstu fimm deildarleikjum sínum í Bestu deildinni þá hefur Keflavík núna unnið tvo leiki í röð. Þær unnu 1-0 sigur á Þrótti og tóku svo Víkinga á útivelli í síðustu umferð, 0-1. Tveir sterkir sigrar í röð og spurning hvort þær nái í þann þriðja í kvöld.

Breiðablik hefur unnið alla sína leiki í sumar. Þær eru með fullt hús stiga á toppnum í Bestu deildinni. Nik Chamberlain og hans þjálfarateymi hefur komið afar vel inn í hlutina í Kópavoginum. Breiðablik komst líklega næst því að tapa í síðustu umferð í bikarnum gegn Stjörnunni. Meira um þann leik hér að ofan.

Og verið velkomnir á Kópavogsvöll kæru lesendur. Hér fer fram leikur Breiðabliks og Keflavíkur í átta-liða úrslitum Mjólkurbikars kvenna. Flautað verður til leiks klukkan 19:15.