Leik lokið með öruggum þriggja marka sigri Breiðabliks. Eftir jafnræði í fyrri hálfleik gengu Blikar frá þessu á upphafsmínutum seinni hálfleiks.

FJórum mínútum bætt við.

Glæsilegur bolti inn á teiginn frá Caroline Murray á Freyju sem skallar rétt framhjá.

Hrafnhildur Ása hér með fína takta og lætur svo vaða en Mollee ver þetta.

Leah Maryann reynir hér skot sem fer framhjá.

Klaufagangur í öftustu línu hjá Blikum og Freyja nálægt því að minnka muninn eftir að Ásta kemur með glæfralegan bolta til baka á Telmu en Telma bjargar því sem bjarga þarf.

Klafs í teignum hjá gestunum og boltinn ekki langt frá því að enda inni en horn er niðurstaðan.

Frábært spil hjá Blikum og Agla er í dauðafæri en María Eva ver á línu!

Olla hér með fína fyrirgjöf fyrir á Karitas sem skallar rétt framhjá.

Blikakonur hefja leik.

Nokkuð skemmtilegur fyrri hálfleikur að baki. Það eru mörk í þessum leik ég finn það á mér.

Tveimur mínutum bætt við hér.

Markið liggur eiginlega bara í loftinu hér!

Í þetta sinn er það Freyja sem er í góðu færi og skallar rétt framhjá.

Leah kemur með hárnákvæma fyrirgjöf á Kristrúnu sem er ein og óvölduð á teignum, tekur hann í fyrsta beint á Telmu sem ver og heldur boltanum.

Þróttur fær hér horn en ekkert verður úr því.

Telma Ívars sendir boltann beint á Leah Maryann sem nær ekki tökum á boltanum, boltinn berst til Kristrúnar sem lætur vaða og boltinn fer í varnarmann og í hendurnar á Telmu, mátti ekki miklu muna.

Olla fær boltann rétt fyrir utan teig og tekur mjög svo snyrtilegan snúning og keyrir í átt að markinu og nær alla leið og kemur sér í frabært færi en skotið að endingu rétt framhjá.

Fínt spilað hjá Þrótti, endar svo með fyrirgjöf frá Maríu sem er víðs fjarri. Þróttarar að koma sér vel inn í leikinn.

Þróttur fær hér sit fyrsta horn í dag og spila stutt, endar að lokum með skoti frá Freyju sem er hátt yfir.

Aðeins róast hérna eftir kröftuga byrjun Blikakvenna.

Hræðileg mistök hjá Mollee, sendir boltann beint á Andreu sem er þá bara ein gegn henni og setur boltann framhjá henni en Sóley María ver meistaralega á línunni.

Blikar mun betri hér í upphafi leiks

Hættulegur bolti fyrir hjá Barbáru á Öglu sem skallar í varnarmann og aftur fyrir.

Þróttur sækir í átt að Fífunni og Blikar í átt að Sporthúsinu.

Það er ekki sömu sögu að segja af Blikum þó, undir stjórn Nik Chamberlain fyrrverandi þjálfara Þróttar hefur liðið unnið hvern einasta leik og sitja því efstar með fullt hús stiga. Glæsileg byrjun á tíma Nik hjá Blikum.

Stelpurnar hans Óla Kristjáns hafa valdið miklum vonbrigðum það sem af er sumri. Þær sitja í neðsta sæti með einungis fjögur stig. Fyrsti sigurinn kom þó í seinasta leik gegn Tindastól og þær munu reyna allt sem í valdi þeirra stendur til að hamra járnið á meðan það er heitt og tengja saman sigra hér í dag.

Hér fer fram bein textalýsing frá leik Breiðabliks og Þróttar í Bestu deild kvenna.