Hræðileg útfærsla á horninu og Pétur flautar leikinn af.

Í öllu sem gerðist í uppbótartíma náði ég ekki að skrifa um að skömmu áður en KR minnkaði muninn náði liðið að koma boltanum í netið. Tóku aukaspyrnu hratt og Luke Rae skallar í netið. Pétur dómari vill hinsvegar meina að boltinn hafi verið á ferð.

KR á horn. Lokasókn? Guy Smit mættur á teiginn

Fimm mínútum bætt við

Marko Vardic sloppinn í gegn eftir stungusendingu frá Hinriki en réttilega flaggaður rangstæður

Rólegt í færum núna. Trúi því ekki að við séum að fá markalausan leik hérna

Áfram hættulegar hornspyrnur hjá ÍA. Erik Tobias með skalla yfir

Ekki mikið um að vera núna. Heimamenn áfram líklegri

Sending til baka frá Aroni Þórði - engin hætta á ferðum, en Guy misreiknar boltann svakalega og missir hann framhjá sér - og rétt framhjá markinu.

Ég er búinn að hrósa Guy mikið í dag en þetta var svakalegt að sjá.

Sækja hratt eftir horn hjá ÍA Atli Sigurjóns á sendingu á Benoný sem á skot sem Árni ver vel

Hann og Steinar Þorsteinsson skella aðeins saman. Guy virðist ætla að harka af sér. Líklega hans besti leikur í KR treyjunni til þessa

Þetta er farið af stað á ný

Skagamenn væntanlega hundfúlir að fara ekki með forystu inn í hálfleikinn.

Nú fer Moutaz í liði KR fyrir aukaspyrnu sem skagamenn ætluðu að taka hratt. Heimamenn í stúkunni vægast sagt ósáttir við að hann fái ekki spjald

Aron Sigurðarson með skot fyrir utan teig. Laust og Árni á ekki í neinum vandræðum með það.

Nú er það Hinrik Harðarsson sem gerir tilraun til að koma heimamönnum yfir. Reynir skot á nærstöng en Guy er mættur í hornið og grípur boltann

Hvernig eru skagamenn ekki búnir að skora?

Arnór Smárason með aukaspyrnu úti á miðjum velli og Viktor skallar rétt framhjá markinu.

Fyrst á Johannes Vall fyrirgjöf sem endar hjá Jóni Gísla. Hann á hörkuskot sem Guy Smit ver í horn. KR-ingar svo nálægt því að skora sjálfsmark úr horninu en aftur kemur Guy til bjargar

Góð sókn. Jón Gísli á skot sem hafnar í þverslánni, þaðan fer boltinn á Viktor sem nær ekki að stýra boltanum á markið. Boltinn í hliðarnetið

ÍA fær aðra hornspyrnu. Nú kemur Hilmar Elís sér í gott skallafæri en nær ekki að hitta boltanum á markið. Góðar hornspyrnur frá Arnóri fyrirliða.

Eftir hornspyrnu færi Hilmar Elís bara frítt skot á markteig en skóflar boltanum yfir.

Viktor með skalla af stuttu færi ef Guy Smit með virkilega góða vörslu

Neinei. Viktor skokkar aftur inn á.

Viktor Jónsson fær högg á höfuðið. Leikurinn stoppaður. Vonandi að þetta sé ekki alvarlegt

Skagamenn í góðri sókn. Marko Vardic á skot sem fer af varnarmanni og berst á Steinar sem tekur skot af stuttu færi en Guy nær að loka á hann.

Benoný í mjög góðu skallafæri eftir fyrirgjöf frá Atla Sigurjóns en Árni Marinó ver mjög vel.

KR fær fyrsta horn leiksins

Fyrsta marktilraunin. Misheppnuð sending úr vörn KR og Johannes Vall lætur vaða af löngu færi en boltinn vel yfir

Það eru gestirnir úr KR sem byrja og sækja í átt að Akraneshöllinni

Fólk byrjað að tínast í stúkuna. Fimm mínútur í leikinn

Það er ein breyting á liði ÍA sem vann gegn KA á Akureyri í síðustu umferð. Marko Vardic snýr aftur úr banni og kemur inn í liðið fyrir Inga Þór Sigurðsson sem sest á bekkinn.

KR tapaði í fjörugum leik gegn Val í síðustu umferð. Finnur Tómas Pálsson fékk að líta rauða spjaldið í leiknum og er því í banni, Axel Óskar er í banni vegna gulra spjalda.

Þá setjast Ægir Jarl Jónasson og Rúrik Gunnarsson á bekkinn. Inn í þeirra stað koma Birgir Steinn Styrmisson, Moutaz Neffati, Lúkas Magni Magnason og Aron Þórður Albertsson.

Þegar liðin voru seinast bæði í efstu deild var boðið upp á markaveislu í báðum viðureignum þessara liða.

Fyrst gerðu liðið 3-3 jafntefli í Vesturbænum og síðan 4-4 jafntefli uppi á Skaga.

Athuglisvert er að Eyþór Aron Wöhler skoraði 4 mörk fyrir ÍA í þessum viðureignum en hann er einmitt leikmaður KR í dag.

ÍA hefur ekki haft betur gegn KR síðan árið 2016 þegar liðið vann 2-1 sigur á KR-vellinum.

Síðan þá hafa liðin mæst 14 sinnum í deild og deildarbikar án þess að ÍA hafi tekist að sigra. KR hefur unnið 11 leik og 3 leikir hafa endað með jafntefli

Það verður áhugavert að sjá hvernig KR stillir upp vörninni í dag. Miðverðirnir Axel Óskar Andrésson og Finnur Tómas Pálmason taka báðir út leikmann í dag. Axel vegna 4 gulra spjalda en Finnur Tómas fékk rautt í seinasta leik.

Liðin ættu að vera úthvíld enda meira en hálfur mánuður frá seinustu leikjum vegna landsleikjahlés.

Í seinustu umferð gerðu Skagamenn góða ferð norður á Akureyri þar sem þeir sigruðu KA 3-2.

KR tapaði hinsvegar 5-3 gegn Val í seinustu umferð eftir að hafa komist 2-0 yfir snemma leiks.

Það má búast við hörkuleik í kvöld. Liðin hafa mæst í mörgum eftirminnilegum leikjum í gegnum tíðina og aldrei er neitt gefið eftir.

Einungis munar tveimur stigum á liðunum í deildinni. ÍA er með 13 stig í 5. sæti en KR er í 8. sæti með 11 stig. Gestirnir úr Vesturbænum geta farið uppfyrir ÍA með sigri í kvöld.

Komiði sæl og verið velkominn í beina textalýsingu frá Viðureign ÍA og KR í Bestu deild karla í knattspyrnu