SKÝRSLAN: Mikilvægur sigur Eyjakvenna í botnbaráttunni
Hvað réði úrslitum?
Einstaklingsgæði sóknarmanna Eyjakvenna. Eyjakonur áttu margar frábærar sóknir í leiknum og hefðu alveg getað sett fleiri mörk hérna í kvöld. Natalie, Olga og Alexus voru að tengja virkilega vel saman og fór eiginlega allt í gegnum þær.
Bestu leikmenn
1. Olga Sevcova
Frábær leikmaður. Kláraði leikinn á frábæran hátt inn í teig HK kvenna og kom Éyjakonum í 3-2. Er alltaf allt í öllu sóknarleik ÍBV og flest allt inná vellinum fer í gegnum hana.
2. Natalie Viggiano
Öflug í sóknaraðgerðum ÍBV. Var ítrekað að taka hlaup inn fyrir vörn HK og koma sér í góðar stöður. Var að búa til færi fyrir liðsfélaga sína og lagði upp eitt markanna. Alexus knox var einnig mjög sterk í sóknaruppbyggingu ÍBV sem og Brookelynn var lang besti leikmaður HK og skoraði og lagði upp.
Atvikið
Sigurmark Eyjakvenna. Virkilega vel gert hjá Olgu Sevcovu sem svellköld og kláraði færið sitt frábærlega sem skóp sigur ÍBV.
Hvað þýða úrslitin?
Deildin er hnífjöfn og Eyjakonur spyrna sér aðeins ofar í töfluna og gætu komist uppfyrir Selfoss ef önnur úrslit verða hagstæð. HK konur gætu dottið neðar í töfluna.
Vondur dagur
Varnarlína HK átti í stökustu vandræðum með sóknarlínu ÍBV sem hefðu hæglega getað skorað fleiri mörk í þessum leik. Erfitt að taka einhverja sérstaklega út.
Dómarinn - 5
Margar slæmar ákvarðanir. Til að mynda átti ÍBV að fá víti bæði í fyrri og seinni hálfleik sem og margar vafasamar ákvarðanir sem hann tók varðandi spjöld og fleira.