Haraldur Örn Haraldsson @haraldur_orn

- Meðalaldur 27 ár

- Meðalaldur 24 ár

Textalýsing Skýrslan Viðtöl

Hvað réði úrslitum? Aukaspyrnur réðu úrslitum í kvöld. Stjarnan var betra liðið í heild en Linfield fékk svo sannarlega færi. Þeir fengu víti sem þeir klúðruðu og svo áttu þeir að fá allavega eitt víti til viðbótar ef ekki tvö. Stjörnumenn spiluðu hinsvegar mjög vel fram á við og voru einnig seigir þegar lág á þeim og þeir þurftu að verjast. Emil sýndi síðan sín gæði og skoraði eitt beint úr aukaspyrnu og annað strax eftir aukaspyrnu. Bestu leikmenn 1. Emil Atlason (Stjarnan) Emil var mikið að koma djúpt og taka þátt í spilinu, það þýddi að það vantaði hann stundum inn í teig. Hinsvegar skipti það engu máli því hann fékk tvær aukaspyrnur og skoraði úr þeim báðum. 2. Óli Valur Ómarsson (Stjarnan) Óli var geggjaður á köflum upp vinstri kantinn. Hann var ýtrekað að taka menn á og fara framhjá þeim. Það vantaði aðeins upp á skotin hans í leiknum en þetta hefði verið 10/10 leikur ef hann hefði klárað eitt af sínum færum. Atvikið Í uppbótartíma fyrri hálfleiks eru Linfield að sækja. Boltinn berst inn á teiginn og sóknarmaður Linfield er að komast í gott færi. Örvar Logi fer þá í bakið á honum þannig að hann fellur við inn í teig enn dómarinn dæmir ekkert. Þarna fannst mér Stjörnumenn stálheppnir að fá ekki á sig annað víti.

Hvað þýða úrslitin? Stjarnan fer með tveggja marka forskot í seinni leikinn sem verður spilaður á Norður-Írlandi eftir viku. Vondur dagur Chris Shields fyrirliði Linfield fékk dauðafæri til að jafna leikinn þegar staðan var 1-0. Kjartan Már gerist brotlegur inn í teig og Linfield fær víti. Fyrirliðinn stígur á punktinn og þrumar boltanum í slánna. Leikurinn hefði líkast til þróast á allt annan hátt hefði þessi farið inn. Dómarinn - 6 Linfield á að fá allavega eitt víti til viðbótar. Það er rosalega erfitt að segja til um seinna atvikið þar sem boltinn fer mögulega í hendina á Kjartani þannig ég dæmi ekki um það. Annað í leiknum hjá honum var hinsvegar bara fínt.