Sölvi Haraldsson @Breiiiiiiiiiii

- Meðalaldur 24 ár

- Meðalaldur 21 ár

Textalýsing Skýrslan Viðtöl

Hvað réði úrslitum? Hvað skal segja? Staðan var 1-1 í uppbótartíma en endar 3-2. Eins ógeðslega leiðinlegt og það hljómar þá bara vildu Árbæingar þetta meira í dag og sýndu það á stórum köflum leiksins. Þeir komast í 2-1 og ná svo að koma seinna markinu inn sem var mikilvægt. Síðan minnka Víkingar muninn en það voru einhverjar 10 sekúndur eftir af leiknum eftir það. Bestu leikmenn 1. Sigurður Karl Gunnarsson Kalli var mjög góður í dag í hjartanu. Var lúsiðinn og vann oftar en ekki sín návígi. Fær fyrirliðabandið eftir að Agnar fer af velli og tekur mikið til sín. Skorar síðan 2-1 markið sem var svo gífurlega mikilvægt. Frábær í dag hann Kalli. 2. Aron Breki Aronsson Var frábær í dag og leggur upp sigurmörkin tvö í uppbótartíma. Ekkert eðlilega góðir boltar og hann hefði hæglega getað verið maður leiksins en hann var frábær í dag hann Aron. Atvikið Ég myndi persónulega segja 2-1 markið hjá Kalla. Ég var akkúrat fyrir aftan Aron Breka þegar hann kemur með seinni boltann sinn fyrir. Maður sá bara strax að þetta væri að fara að vera góður bolti og síðan sá maður líka strax að þetta var að fara að vera mark eftir að Kalli skallar hann. Rosalegar senur!

Hvað þýða úrslitin? FC Árbær verður í pottinum fræga þegar dregið verður til 8-liða úrslita í þeirri yngstu og sprækustu í hádeginu á föstudaginn en Ólsarar þurfa að einbeita sér að deildinni. Vondur dagur Erfitt að velja einhvern einn en eins og Brynjar Kristmunds sagði í viðtali eftir leik að þá koðnuðu bara Ólsararnir niður oft í kvöld sem gaf Árbæingum mikla orku og trú. Dómarinn - 7 Að vissu leyti bara fínasti leikur hjá Reyni en mér fannst margt óþarfi hjá honum í dag. Bæði dómar og spjöld. En ekkert hörmulegur leikur samt og kannski bara eitthvað óþarfa tuð í mér en það var allavegana mín tilfinning.

- Meðalaldur 24 ár

- Meðalaldur 24 ár