Stjarnan er áfram í Evrópu þrátt fyrir tap í Dublin. Grófu sér smá holu hér í síðari hálfleik en Hilmar Árni Halldórsson reyndist örlagavaldur er hann skoraði markið sem skilur liðin að að samanlögðu.

Linfield á hornspyrnu.

Stjarnan fær aukaspyrnu við vítateig Linfield Hilmar Árni spyrnir inn á teiginn.

Matthew Fitzpatrick í færi en skot hans af varnarmanni og afturfyrir.

Darragh Mcbrien með skotið af löngu færi. Kraftlítið og Mathias ver.

Aftur eftir aukaspyrnu en sem betur fer skallar Sam Roscoe-Byrne yfir markið úr ágætu færi.

Óli Valur að fífla mann og annan á vængnum, leggur boltann inn á teiginn þar sem mér sýnist það vera Róbert Frosti sem mætir og á hörkuskot en Johns ver vel.

Joel Cooper með lipra takta úti á hægri væng Linfield. Býr sér til skotfæri en hittir ekki markið.

Óli Valur að skapa allskyns vandræði úti vinstra megin, Stjarnan þarf bara að nýta það betur.

Christopher Mckee með skalla að marki Stjörnunar eftir horn en Mathias með þetta allt á hreinu.

Stjarnan fær aukaspyrnu á fínum stað til fyrirgjafar. Aðeins fyrir utan teiginn hægra megin. Róbert Frosti með spyrnuna en heimamenn hreinsa. Stjarnan fær að endingu horn eftir hörkuskot Guðmundar

Chris McKee með skalla í teig Stjörnunar en nær ekki að stýra honum á markið.

Skyndisókn og Örvar fær sendingu innfyrir. Varnarmenn ráða ekkert við hraða hans og ekki Chris Johns markvörður heldur sem er mættur í skógarhlaup. Örvar kemst framhjá honum en er í of þröngri stöðu til að skjóta, reynir sendinguna fyrir markið en engin samherji þar.

Smá pressa frá heimamönnum hér í upphafi síðari hálfleiks en vörn Stjörnunar verið vandanum vaxin til þessa.

Gestirnir rúlla þessu af stað á ný. Ekki að sjá að breytingar hafi verið gerðar hér.

Stjarnan er í bílstjórasætinu í einvíginu ennþá. Linfield hefur þó tekist að ógna þeim nokkuð í þessum fyrri hálfleik. Hafa vissulega fengið sína sénsa fram á við en ekki tekist að skapa nægjanlega mikið. Komum aftur með síðari hálfleik að vörmu spori.

Kirk Millar með skalla að marki eftir fyrirgjöf frá hægri. Nær ekki góðri snertingu á boltann sem fer í háum boga í fang Mathias. Byrjað að rigna talsvert í Belfast sýnist mér.

Guðmundur Kristjáns keyrir út úr vörninni með boltann. Tekur skotið af einhverjum 30 metrum. Þvíngar John í að hreyfa sig en skotið ekki til vandræða þó fyrir markvörðinn.

Fyrirgjöf frá vinstri ratar beint á kollinn á Matthew Fitzpatrick sem á skalla í Guðmund Kristjáns og hárfínt framhjá.

Fær boltann í teignum eftir hraða sókna Stjörnunnar, aðeins og lengi að athafna sig í teignum og varnarmenn komast fyrir skot hans.

Christopher Mckee í dauðafæri fyrir Linfield. Sleppur innfyrir þegar rangstöðu taktík Stjörnunar klikkar. Er í frábæru færi en setur boltann framhjá markinu.

Linfield ógnar, boltinn fyrir markið frá hægri en Örvar Logi skilar boltanum aftur fyrir í hornspyrnu. Stjörnumenn hreinsa eftir hornið en Linfield byggir upp sókn á ný.

Emil Atlason með skot af eigin vallarhelmingi en hittir ekki markið. Johns var með þetta á hreinu en áhugaverð tilraun engu að síður.

Stjörnumenn mikið að brjóta þetta fyrsta korter eða svo.

Þar fót útsendinginn, Ekki verið upp á marga fiska svo sem. Ein myndavél og engar endursýningar. Þó skárra að hafa hana en ekkert en því er ekki að skipta eins og er.

Linfield sækir upp vinstri vænginn, boltinn fyrir markið þar sem Matthew Fitzpatrick er skrefinu of seinn og missir af boltanum. Skrefinu of fljótur reyndar líka því flaggið fer á loft.

Boltinn á Óla Val í teignum sem hefur smá tíma en nær ekki nægjanlega góðu skoti sem Johns í marki Linfield á ekki í vandræðum með.

Heimamenn haldið boltanum betur þessar fyrstu mínútur en ekki gert nokkuð af ráði til að ógna vörn Stjörnunar.

Ethan Mcgee stálheppinn að sleppa við spjaldið þarna. Togar Óla Val niður á hálsmálinu eftir að hann hafði leikið á hann.

Þetta er farið af stað í Belfast, Ágætlega setið í stúkunni sem sést í mynd á Windsor Park en er þó langt ó frá uppselt á þennan 18.500 manna leikvang. Stjarnan byrjar með boltann.

Jökull Elísabetarson gerir eina breytingu á liði Stjörnunnar frá fyrri leiknum. Daníel Laxdal kemur inn á miðjuna í stað Helga Fróða Ingasonar sem tekur sér sæti á bekknum. Samkvæmt UEFA stillir Stjarnan áfram upp í 4-3-3.

Leikurinn er ekki í beinni útsendingu á Stöð 2 sport að þessu sinni. Fyrir áhugasama býður Linfield upp á að kaupa aðang að streymi frá leiknum á 15 evrur. Smelltu hér til að að kaupa aðgang að streymi Linfield

Jökull Elísabetarson þjálfari Stjörnunnar var ánægður með úrslitin. „Mér fannst þetta bara öflugur leikur, mér fannst liðið vera bara mjög gott í dag. Mér fannst við vera skarpir, við hreyfðum boltan hratt. Í fyrri hálfleik fannst mér vanta aðeins upp á færslurnar eins og við vildum hafa þær sóknarlega. Auðvitað hjálpaði að þeir klikkuðu úr vítinu sínu, en mér fannst við alveg verðskulda þennan sigur. Liðið var bara helvíti öflugt." Fyrirliði Linfield ekki jafn kátur Chris Shields fyrirliði Linfield var ósáttur „Maður lítur líkast til bara á þessa litlu hluti í Evrópu leikjum. Þetta var frekar jafn leikur frá byrjun en svo komu þessi gæði frá framherja þeirra (Emil Atlason) úr aukaspyrnunni, og hann setur boltan í skeytin. Þá ertu kominn á afturfæturna, svo klúðra ég vítinu sem sýgur lífið úr þér örlítið. Svo fer boltinn af okkar manni í seinna markinu þannig þetta snýst mikið um þessa litlu hluti í lok leiks." Chris er vongóður fyrir næsta leik þrátt fyrir að vera tveimur mörkum undir í einvíginu. „Maður verður að halda í vonina, ég er búinn að spila leikinn lengi og spilað í mörgum Evrópu leikjum. Við vonum að við getum náð fyrsta markinu í seinni leiknum, eitt mark getur breytt svona einvígum mikið. Það verður að vera okkar leikskipulag í næstu viku.".

Granit Maqedonci og teymi hans e allt frá Svíþjóð. Aðstoðardómarar eru Niklas Nyberg og Marcus Lundgren Klitte. Oscar Johnson er svo fjórði dómari.

Garðbæingar eru mættir til Belfast á Norður Írlandi í mjög góðri stöðu eftir 2-0 sigur á Samsungvellinum í Garðabæ. Þar gerði Emil Atlason bæði mörk Stjörnunnar í öflugum. Gestirnir fengu gullið tækifæri í leiknum til þess að fara með betri stöðu heim en Chris Shields brenndi af vítaspyrnu fyrir Linfield í fyrri hálfleik.

Heil og sæl kæru lesendur og verið hjartanlega velkomin í þessa beinu textalýsingu frá leik Linfield og Stjörnunar. Leikurinn er seinni leikur liðanna í einvígi þeirra í fyrstu umferð forkeppni Sambandsdeildar Evrópu en flautað verður til leiks á Windsor Park klukan 18:45