SKÝRSLAN: Fjórir í röð hjá Keflavík
Hvað réði úrslitum?
Einbeitingarleysi og þreyta kostaði mögulega Þór jafnteflið í dag líkt og ferskir fætur kunna að hafa tryggt Keflavík sigur. Leikurinn var nokkuð sveiflukenndur og fengu bæði lið færi til þess að skora fleiri mörk úr færum sem ekki nýttust. Keflavík fékk svo skyndisókn undir lokin þar sem varamaðurinn Kári Sigfússon gerði vel í að tryggja þeim sigur.
Bestu leikmenn
1. Ásgeir Helgi Orrason
Leysti nafna sinn af í bakverði í dag eftir að hafa spilað í miðverði að mestu í sumar. Átti mjög fínan leik varnar og sóknarlega. Spennandi leikmaður sem Blikar eiga til framtíðar.
2. Rafael Victor
Duglegur að koma sér í færin þó hann megi mögulega nýta þau betur. Set hann þó hér.
Atvikið
Eftir situr þriðja mark Keflavíkur. Hröð sókn upp völlinn og varnarlína Þórs fylgir ekki með. Keflvíkingar refsa og tryggja sér þrjú stig.
Hvað þýða úrslitin?
Keflavík fer í 24 stig og lyftir sér upp í fjórða sæti deildarinnar. Þór í því áttunda með 17 stig.
Vondur dagur
Það er erfitt að tala um vondan dag hjá leikmönnum sem sýndu flestir prýðis frammistöðu á vellinum. Alltaf súrt að sjá menn meiðast þó og hvað þá þegar þeir eru bornir af velli. Ég vona að Árni Elvar Árnason sé ekki alvarlega meiddur og verði fljótur að snúa aftur á völlinn.
Dómarinn - 9
Mér fannst Þórður virkilega góður í dag. Öruggur á því sem hann var að gera á vellinum og hvass við menn ef á því þurfti að halda. Átti sérstaklega gott augnablik í öðru marki Þórs þar sem hann beitti hagnaði í uppbyggingunni og gerði þar hárrétt. Er að öðlast meiri reynslu og þroskast sem dómari og mun vonandi sýna meira af góðri frammistöðu er fram í sækir.