SKÝRSLAN: Allt í járnum fyrir vestan í frábærum leik
Hvað réði úrslitum?
Að lokum var það smiðshöggið sem vantaði hjá heimamönnum í seinni hálfleik. Skagamenn fengu tvö færi í fyrri hálfleik en sá seinni var eign heimamanna. Þeir naga sig í handarbökin að hafa ekki klárað þetta eftir frábæra frammistöðu.
Bestu leikmenn
1. Árni Marinó Einarsson
Bjargaði því sem bjargað varð fyrir gestina í dag. Varði dauðafærin, skotin og reddaði öllum fyrirgjöfum. Frændi hans í hinu markinu á líka hrós skilið fyrir tvær frábærar vörslur í fyrri hálfleik.
2. Silas Songani
Tók að sér að leiða sóknarlínu Vestra í þessum leik. Var alltaf hættulegur og hefði átt að skora. Var með orku fram að lokaflauti
Atvikið
Færið hjá Túfa. Var einn fyrir opnu marki en rennir boltanum í stöngina. Verður hreinlega að gera betur.
Hvað þýða úrslitin?
Í rauninni óbreytt staða. Vestri lyftir sér í 13 stig, stigi meira en Fylkismenn og eru því ekki í botnsætinu lengur. Skagamenn tapa stigum í evrópubaráttunni en eru ennþá í góðri
Vondur dagur
Má ég skila auðu? Enginn átti vondan dag í dag, frábær leikur sem vantaði bara mörkin í. Sóknarmenn Vestra ef til vill fyrir að hafa ekki komið tuðrunni í netið í seinni hálfleiknum.
Dómarinn - 8
Flottur leikur hjá Elíasi í dag, ekkert út á hann að setja. Spennustigið var hátt en hann komst frá leiknum áfallalaust