LEIKURINN FER EKKI Í GANG Í KVÖLD. ÉG ÞAKKA FYRIR MIG Í KVÖLD. Markið sem skokkað var með inn á stóðst ekki kröfur tríósins og Arnar hefur tekið ákvörðun um að fresta leiknum.

Jæja. Við getum farið að fara af stað loksins.. Eða hvaað? Dómararnir hafa skoðað aðstæður núna í rúmar fimm mínútur og það eru einhver fundarhöld vera hérna niðrá velli við markið. Trúi ekki öðru en tríóið hleypi þessu af stað.

Þetta er ótrúleg staða sem er komin hér upp en eins og staðan er núna er þetta ekkert að fara í gang á næstunni sýnist mér.. Við gefum ykkur fregnir úr Kórnum.

Leikurinn mum ekki hefjast 19:15 eins og áætlað var að það er annað markið í Kórnum var brotið og ekki hægt að setja leikinn af stað. Starfsmenn HK vinna hörðum höndum að redda nýju marki. Ótrúlegt atvik...

Ómar Ingi Guðmundsson þjálfari HK gerir þrjár breytingar frá tapinu gegn Víking Reykjavík í síðustu umferð. Christoffer Felix Cornelius Petersen sem kom til HK á dögunum kemur beint inn í markið hjá heimamönnum. Karl Ágúst Karlsson og Brynjar Snær Pálsson koma einnig í liðið. Kristján Snær Frostason fær sér sæti á bekknum. Birnir Breki Burknason er ekki í leikmannahópi HK í kvöld. Dagur Örn Fjeldsted sem kom til HK á láni frá Breiðablik byrjar á varamannabekk HK í kvöld. Pálmi Rafn Pálmason þjálfari kR gerir tvær breytingar á liði sínu. Gyrðir Hrafn Guðbrandsson kemur beint inn í lið KR en hann var keyptur til félagsins frá FH á dögunum. Jóhannes Kristinn Bjarnason kemur þá einnig inn í lið KR. Finnur Tómas Pálmason tekur út leikbann hér í kvöld og Stefán Árni Geirsson er frá vegna meiðsla. Theodór Elmar Bjarnason er komin á varmannabekk KR en óttast var fyrir nokkrum vikum að ferillinn hans væri búin.

Finnur Tómas Pálmason varnarmaður KR tekur út bann í fallbaráttuslag kvöldsins.

Áhugavert er að lesendur Fótbolta.net telja HK sigurstranglegri samkvæmt skoðanakönnun sem var á forsíðu. 2.802 tóku þátt í þessari könnun.

Það er Birkir Karl Sigurðsson, annar af þáttarstjórnendum Chess After Dark hlaðvarpsins, sem spáir í leiki umferðarinnar. Það er Birkir Karl Sigurðsson, annar af þáttarstjórnendum Chess After Dark hlaðvarpsins, sem spáir í leiki umferðarinnar. HK 1 - 1 KR Óskar mættur í aðstoðar aðstoðar þjálfarann sem mun henta honum einstaklega vel. Það er aldrei auðvelt að mæta á Innipúkann í Kórnum. Óskar Hrafn hatar að mæta HK og það verður engin breyting þar á. Pálmi mun eflaust senda hann upp í stúku í hálfleik ef það stefnir í óefni.

Bæði lið eru í bullandi fallbaráttu og ljóst að stigin þrjú verða gríðarlega mikilvæg í kvöld. KR er í 9. sætinu með 15 stig en HK í 10. sæti með 14 stig. Vestri og Fylkir sem eru í fallsætunum eru með 13 og 12 stig. Staðan 1. Víkingur - 39 stig 2. Breiðablik - 33 3. Valur - 28 4. FH - 28 5. Fram - 26 6. ÍA - 25 7. Stjarnan - 23 8. KA - 22 9. KR - 15 10. HK - 14 11. Vestri - 13 12. Fylkir - 12

Þetta er fyrsti leikur KR síðan tilkynnt var að Óskar Hrafn Þorvaldsson sé kominnn inn í þjálfarateymið með Pálma Rafni Pálmasyni sem stýrir liðinu tímabundið út tímabilið. Að tímabilinu loknu tekur Óskar Hrafn svo við en Pálmi Rafn verður framkvæmdastjóri KR.

Liðin mættust í fyrri umferðinni á KR-velli 12. maí síðastliðinn. Þá vann HK 1 - 2 útisigur í leik þar sem tveir leikmenn KR sáu rauða spjaldið. KR 1 - 2 HK 0-1 Atli Þór Jónasosn ('38) 0-2 Arnþór Ari Atlason ('65) 1-2 Atli Sigurjónsson ('78) Rauð spjöld: Kristján Flóki Finnbogason, KR ('71), Moutaz Neffati, KR ('82)

Arnar Þór Stefánsson dæmir leikinn í dag. Hann er með þá Andra Vigfússon og Patrik Frey Guðmundsson sér til aðstoðar á línunum. Gunnar Freyr Róbertsson er skiltadómari og KSÍ sendir gömlu goðsögnina Kristinn Jakobsson til að hafa eftirlit með störfum dómara og umgjörð leiksins.

Góðan daginn og verið velkomin í beina textalýsingu frá leik HK og KR í Bestu-deild karla. Leikurinn hefst klukkan 19:15 í Kórnum.