Sofandaháttur hjá leikmönnum og þjálfarateymi ÍBV. Héldu að þeir væru með unninn leik í höndunum. Gerðu mikið af breytingum og kæruleysi einkenndi leik þeirra í kvölfarið og ÍR ingar gengu á lagið.

Síðasta spyrna leiksins, vítaspyrna Eyjamanna sem kostaði þá tvö stig í harðri baráttu um efsta sætið. Afar slök vítaspyrna sem Vilhelm Þráinn ver nokkuð vel.

Úrslitin þýða að ÍBV náði ekki í efsta sætið tímabundið og eru því enn í öðru sætinu á eftir Fjölni. ÍR heldur áfram að safna stigum og eru inní toppbaráttunni.

Það er engin spurning að Sverrir Páll átti mjög vondan dag í dag. Var endalaust rangstæður og tímasetti hlaup sín mjög illa og kórónar svo slakan leik sinni með lélegri vítaspyrnu sem hefði tryggt ÍBV öll þrjú stigin í mikilvægari toppbaráttu. Ég verð einnig að nefna Hermann Hreiðarsson þar sem hann var alltof bráður með þrefalda skiptingu í stöðunni 2-0 og hugsanlega haldandi að þetta væri unninn leikur.

Ágætlega dæmdur leikur en vítaspyrnurnar báðar voru vafasamar en jafnaðist líklega út. Fínn leikur að öðru leyti.