Svakaleg endurkoma og rúmlega það hér í Keflavík!

Viðtöl og skýrsla væntanleg.

Valgerður í hörkufæri í teig Keflavíkur eftir horn en nær ekki að koma boltanum á markið.

Fh ræður öllu hér.

Skot að marki sem þvingar Veru í erfiða vörslu sem skilar hornspyrnu fyrir FH.

Stendur ekki steinn yfir steini í leik Keflavíkur miðað við fyrri hálfleik.

Skiptingar beggja liða í tómri steypu hjá mér. Reyni að færa inn eftir því sem ég sé.

Caroline gefur FH óþarfa horn eftir sendingu inn á teiginn frá Hildigunni.

Melanie með skot að marki eftir horn en hittir ekki markið.

Hvar var þetta FH lið í fyrri hálfleik?

Anna Nurmi sigrar rangstöðugildru Keflavíkur og er ein gegn Veru, tekur skotið en Vera gerir vel og ver. Frákastið berst á að mér sýnist Snædísi sem á annað skot en aftur ver Vera.

Kristrún Ýr fyrirliði Keflavíkur situr á vellinum og þarf aðhlynningu. Sé hana ekki fara af velli en svo bregðast krosstré sem önnur.

Stefán Ragnar er að missa leikinn í vitleysu hérna að mínu mati. Kolrangir dómar (í báðar áttir) fljúga og sjálfstraustið virkar lítið.

Darrðardans í teig FH eftir aukaspyrnu frá hægri. Aldís fær boltann í fangið á endanum.

FH liðið verið mun skarpara hér í upphafi síðari hálfleik. Heimakonur á hælunum og eru að bjóða hættunni heim.

Hildur Katrín með skot að marki en beint á Veru.

Barátta í fyrrirúmi hér í upphafi síðari hálfleiks.

FH gerði þrefalda skiptingu í hálfleik

Heimakonur sparka okkur af stað á ný.

Flautað til hálfleiks hér í Keflavík.

Heimakonur nýtt sín færi vel en það má vel færa rök fyrir því að leikurinn hefði þróast á annan hátt hefði FH fengið vítið sem þær áttu sannarlega að fá.

Snædís María í óvæntu færi eftir að Caroline missir af boltanum. Vera vel á verði og ver.

Anna Nurmi vinnur horn fyrir FH

Breukelen í dauðafæri á fjærstöng eftir hornið en nær ekki að stýra boltanum á markið.

Elísa Lana sækir horn fyrir FH eftir að skot hennar fer afturfyrir af varnarmanni

Leikurinn í járnum svo að segja.

Lítið að frétta færalega séð.

Baráttu leikur eftir markið. Völlurinn mjög blautur og allar sendingar mjög óútreiknanlegar.

Melanie hársbreidd frá því að sleppa ein í gegn en Aldís mætir vel út á móti og hirðir upp boltann.

Regina Solhaug togar Snædísi Maríu niður í teignum og er bara klárt víti. Tríóið gerir ekkert.

FH rænt vítaspyrnu ekkert flóknara en það.

Keflavík vinnur fyrsta horn leiksins.

Melanie með fínan bolta fyrir mark FH frá hægri. Aldís fyrst á boltann og grípur vel inn í.

Gestirnir sparka þessu af stað.

Sölvi Haraldsson er spámaður umferðarinnar í Bestu deild kvenna hér á Fótbolti.net. Sölvi hefur verið öflugur fyrir okkur á Fótbolti.net á vellinum í sumar og fær að spreyta sig í spámennsku í dag.

   15.08.2024 13:19

Sölvi Haralds spáir í 17. umferð Bestu deildar kvenna

Keflavík 2 - 2 FH

Keflavíkurkonur hafa verið ekkert smá óheppnar í seinustu leikjum. Einstaklingsmistök og fleira sem hefur kostað þær mörg stig. FH-ingar aftur á móti, þær hafa ekki verið nægilega góðar og valdið mér pínu vonbrigðum eftir að hafa séð þær á undirbúningstímabilinu. Þetta verður stál í stál en FH-ingar stela punktinum alveg í lokin hugsa ég.

Það er kunnulegt nafn úr boltanum á flautunni í Keflavík í kvöld. Stefán Ragnar Guðlaugsson goðsögn á Selfossi heldur um flautuna á HS Orkuvellinum. Honum til aðstoðar eru Bryngeir Valdimarsson og Kári Mímisson. Sigurður Þór Sveinsson tekur að sér starf fjórða dómara og eftirlitsmaður KSÍ er Halldór Breiðfjörð Jóhannsson.

Botnsætið er Keflvíkinga þessa stundina og útlitið verður svartara með hverri umferðinni sem líður stigalega séð. Liðið hefur þó átt ágæta leiki inn á milli og strítt betri liðum deildarinnar í mörgum tilfellum.

Liðið mátti þola 2-1 tap á heimavelli gegn Víkingum í síðustu umferð. Leikurinn var nokkuð jafn og í raun má skrifa það á óheppni að Keflavík hafi ekki tekið í það minnsta stig.

FH liðið á í harðri baráttu við lið Þróttar og Stjörnuna um sæti í efri hluta deildarinnar við skiptingu sem færist óðum nær. Þar er liðið í dag í bestri stöðu liðanna þriggja með 22 stig í fimmta sæti tveimur stigum á undan keppinautum sínum.

Lið FH sem komst aftur á sigurbraut með sigri á Fylki í síðustu umferð má þó illa við að misstíga sig. Guðni Eiríksson annar af þjálfurum FH býst við erfiðum leik.

„Það er bara ótrúlega erfitt að fara suður með sjó og mæta Keflavík. Vonandi verður ekki rok. Þar munum við þurfa á toppleik að halda til að geta fengið eitthvað út úr þeim leik. Þær eru "physical" og sterkar og eru að bæta við sig leikmönnum. Þær eru að berjast fyrir tilverurétti sínum í deildinni og það er erfitt að mæta slíkum liðum.“

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Keflavíkur og FH í Bestu deild kvenna. Flautað verður til leiks á HS Orkuvellinum klukkan 18:00