Jafntefli niðurstaðan! Viðtöl og meððí væntanlegt að síðuna seinna í kvöld

Bjarki Þór Viðarsson og Baldvin Þór Berndsen skullu harkalega saman en voru báðir fljótir að jafna sig og eru komnir aftur inn á.

Fjölnir farið að pressa ansi mikið.. Fáum við sigurmark?

Þessi leikur er opinn og ómögulegt að segja til um hvar sigurmarkið kemur ef það kemur þrátt fyrir að heimamenn séu manni færri hafa þeir fengið góða möguleika.

Einhver viðvörun frá Helga Mikael á bekkinn hjá Fjölni.

Máni Austmann ætlaði að skrúfa boltann í fjær en boltinn fer framhjá

Þórsarar koma boltanum í netið eftir glæsilega takta hjá Sigfúsi Fannarai en rangstaða dæmd

Sigfús Fannar Gunnarsson með skot framhjá eftir lagleget spil. Vildi fá horn en markspyrna niðurstaðan.

Skalli yfir markið eftir hornspyrnu Þórsara

Róleg byrjun en það gekk svo sannarlega mikið á undir lok fyrri hálfleiksins.

Rafael Máni í góðu færi en Aron Birkir ver

Smá action hérna. Aron Einar Gunnarsson liggur inn í teig Þórs eftir einhver viðskipti. Í kjölfarið fara menn að ýta í hvorn annan.

Vilhjálmur Yngvi Hjálmarsson með skot en framhjá fer boltinn

Lúmskt skot frá Baldvin Þór Berndsen úr aukaspyrnu. Aron Birkir sér við honum, hornspyrna. Brot á Fjölnismenn í kjölfarið.

Fjölnir fær hornspyrnu en boltinn fer yfir allan pakkann og aftur fyrir.

Fjölnismenn vilja fá vítaspyrnu. Daníel Ingvar Ingvarsson fellur í teignum en ekkert dæmt

Þórsarar meira með boltann hérna undanfarnar mínútur. Fá að spila hægt og rólega í öftustu línu.. Lítið verið að reyna sækja á mörkin.

Róleg byrjun á þessum leik. Kristófer Kristjánsson rétt í þessu nálægt því að komast inn í sendingu og að lenda einn á móti Halldóri Snæ en hann nær ekki valdi á boltanum.

Heimamenn koma þessu af stað

Aron Einar Gunnarsson er í byrjunarliði Þórs og tekur að sjálfsögðu fyrirliðabandið. Sigfús Fannar Gunnarsson kemur einnig inn í liðið eftir 3-0 tap gegn Grindavík í síðustu umferð. Vilhelm Ottó Biering Ottósson er á bekknum en Ingimar Arnar Kristjánsson er ekki í hópnum.

Það eru þrjár breytingar á liði Fjölnis sem gerði markaalust jafntefli gegn Njarðvík í síðustu umferð. Daníel Ingvar Ingvarsson, Bjarni Þór Hafstein og Rafael Máni Þrastarson koma inn fyrir Sigurvin Reynisson, Óliver Dagur Thorlacius, Axel Freyr Harðarson.

Helgi Mikael Jónasson verður með flautuna í dag. Tomasz Piotr Zietal og Bergvin Fannar Gunnarsson verða honum til aðstoðar og Sverrir Gunnar Pálmason er eftirlitsmaður KSÍ.

Liðin mættust í 7. umferð þann 15. júní á Extra vellinum þar sem Baldvin Þór Berndsen var hetja Fjölnismanna í 1-0 sigri.

Fjölnir er á toppi deildarinnar aðeins stigi á undan ÍBV en það hefur verið bras á liðinu í undanförnum leikjum. Liðið hefur ekki náð í sigur í síðustu fjórum leikjum en liðið hefur gert þrjú jafntefli og tapað einum leik.

Liðið hefur átt í vandræðum með að skora en Fjölnir hefur aðeins skorað tvö mörk í síðustu fjórum leikjum. Þá steinlá liðið 1-5 gegn ÍBV á heimavelli í 16. umferð.

Þórsarar ætluðu sér stóra hluti í sumar eins og margoft hefur verið rætt og ritað um. Staðan er hins vegar sú að þegar fimm umferðir eru eftir er styttra í fallsæti en í umspilssæti. Liðið er 9 stigum frá umspilssæti og aðeins 15 stig eftir í pottinum.

Vonast er til að heimkoma Arons Einars Gunnarssonar muni rífa liðið í gang en aðeins eitt stig hefur náðst í fyrstu tveimur leikjum hans. Hann sýndi hins vegar mikilvægi sitt þegar hann kom inn á sem varamaður og lagði upp jöfnunarmarkið í síðasta heimaleik liðsins gegn Njarðvík. Nú er erfitt verkefni fyrir höndum þar sem toppliðið kemur í heimsókn.

Verið velkomin í beina textalýsingu frá leik Þórs og Fjölnis í 18. umferð Lengjudeildarinnar. Leikurinn fer fram á VÍS vellinum á Akureyri.