Risastór 3 stig fyrir Fylkismenn sem vinna sinn fyrsta útisigur í sumar. Viðtöl og skýrsla væntanleg.

+4
Mikill darraðadans í teignum en Fylkismenn koma boltanum frá á endanum

+4

HK fá horn

+2

Vítakall úr Fylkisstúkunni en ekki mikið í því.

Fjórar mínútur í uppbót

Gorge Nunn með langskot sem Ólafur Kristófer grípur.

Arnþór Ari með skot fyrir utan teig sem fer langt fram hjá.

Fylkismenn í stúkunni vilja spjald á Tuma fyrir einhverja stæla en Vilhjálmur Alvar er ekki á sama máli.

Fyrirgjöf frá hægri inn á teig Fylkis en Ólafur Kristófer er öruggur og grípur hana.

Fylkismenn voru tilbúnir að gera tvöfalda skiptingu en bíða með það, báðir varamenn komnir aftur í vesti.

HK sækir hinum megin og Ólafur Kristófer ver vel.

Eiður Gauti í hörkufæri en skallinn er yfir, þarna á hann að hitta markið.

Emil Ásmunds í færi hinum megin en hittir boltann alls ekki vel og skotið er langt fram hjá

George Nunn tekur spyrnuna en Ólafur Kristófer grípur hana.

Eiður Gauti kemur sér í góða stöðu í teignum en Sigurbergur Áki gerir virkilega vel og sér við honum

Brynjar Snær fer í erfitt skot sem er langt frá því að hitta markið.

Aftur er boltinn inn í hættusvæði í teignum en Fylkismenn ná ekki að nýta þetta.

Ragnar Bragi tekur á rás upp völlinn og nær hörkuskoti en það fer í varnarmann og aftur fyrir, enn eitt hornið.

Arnór Breki með fyrirjöf frá vinstri sem Petersen grípur

George Nunn með fyrirgjöf sem Ólafur Kristófer grípur örugglega.

Birkir Eyþórs mögulega heppinn að sleppa með spjald þegar hann stoppar skyndisókn.

Fylkismenn fá horn sem Atli Þór skallar frá.

Boltinn kemur inn á nærsvæðið þar sem Petersen kýlir frá. Þórður Gunnar nær skotinu í Dag Örn og Fylkir fá annað horn, ekkert kemur upp úr því.

Þórður Gunnar er að vinna hornspyrnu fyrir Fylki.

Birkir Eyþórs með boltann inn í teiginn þar sem Nikulás Val nær skallanum beint upp í loftið og Petersen grípur boltann auðveldlega.

George Nunn setur þetta aftur í gang.

Markalaust í hálfleik en Fylkismenn verið líklegri. Þessi lið eru bæði að berjast fyrir lífi sínu í deildinni og þurfa að sækja til sigurs þannig að við fáum vonandi aðeins meira stuð í seinni hálfleikinn.

+1
Spyrnan nær svo ekki yfir fremsta mann og HK koma hættunni frá.

Arnór Breki með gott skot sem kemur aðeins við í varnarmanni áður en Petersen ver vel og HK kemur boltanum frá en ekki lengar en í horn.

Sigurbergur Áki liggur eftir viðskipti við Atla Þór og það ætlar allt um koll að keyra í stúkunni sem vill spjald á þann síðarnefnda.

Mikil barátta í teignum sem endar með skoti sem fer yfir. Fylkismenn aðeins að gefa í hérna síðustu mínútur.

Halldór Jón í góðu færi en skotið fer af varnarmanni og aftur fyrir.

Aftur er Emil Ásmunds að koma sér í færi en skotið er yfir.

Emil Ásmunds með skot en hann hittir boltann illa og það er fram hjá

Arnór Breki með fyrirgjöf sem er skölluð yfir, Vilhjálmur dæmir markspyrnu en Fylkismenn vilja horn

Fínn bolti frá Arnóri Breka inn á teiginn ern Halldór Jón, að mér sýnist, dæmdur brotlegur.

Aftur hittir fyrirgjöf frá vinstri hausinn á Atla Þór og í þetta skiptið hittir hann tréverkið.

Fyrirgjöf frá vintri frá George Nunn sem hittir hausinn á Atla Þór en skallinn er fram hjá.

Boltinn er góður inn á hættusvæðið en Fylkismenn skalla í innkast hinum megin.

HK fá horn

Arnór Breki með fyrirgjöf en hún er of löng og fer yfir allan pakkann. Fyllkismenn halda þó boltanum og ná boltanum aftur fyrir en Petersen kemur vel út úr markinu og grípur boltann.

Arnór Breki tekur hornið og Orri Sveinn nær skallanum. HK skallar frá en Fylkir heldur pressunni þangað til Þorsteinn Aron hreinsar.

Sigurbergur Áki með góðan bolta upp völlinn á Arnór Breka sem vinnur horn

Matthias Præst með skot fyrir utan teig sem Petersen grípur örugglega.

Halldór Jón fær boltann inn í markteignum en er aðeins of lengi að athafna sig og tveir varnarmenn ná að koma sér fyrir skotið hans á markið. Besta færi leiksins hingað til.

Nikulás var með skot á mark eftir sendingu frá Ragnari Braga, hefði mögulega verið líklegra til árangurs að reyna að koma boltanum fyrir markið.

Hornspyrnan nær ekki yfir fyrsta varnarmann og HK síðan dæmdir brotlegir.

Hár bolti inn fyrir vörn Fylkis sem Birkir Eyþórs virðist vera með en setur hann klaufalega í horn.

Vilhjálmur Alvar virðist vera að dæma víti, bendir á punktinn en hættir svo við... Mjög skrýtið atvik.
Ég er ekki frá því að Halldór Jón hafi átt að fá víti þarna og stúkan tryllist.

Karl Ágúst kominn í fína stöðu hægra megin í teignum en dettur um sjálfan sig.

Aftur eru heimamenn rangstæðir en í þetta skiptið er það Karl Ágúst.

Hár bolti inn fyrir vörn Fylkis sem Atli Þór eltir en flaggið fer réttilega á loft.

Atli Arnarsson virðist vilja fá treyjuna hans Emils í baráttu inn á miðjum vellinum og Fylkir fá aukaspyrnu. Vilhjálmur Alvar hefði auðveldlega getað veifað gulu þarna en sleppir því.

Emil Ásmunds sparkar þessu í gang

Ljósin eru slökkt og liðin mæta inn á völlinn, HK í rauðu og hvítu og Fylkir í appelsínugulu, allt eins og það á að vera.

Leikmenn eru að hita upp og byrjunarliðin eru klár. Ómar Ingi gerir þrjár breytingar á sínu liði frá tapinu gegn Val. Út koma Atli Hrafn, Brynjar Snær og Ívar Örn en hann tekur út leikbann eftir að hafa fengið rautt spjald í síðasta leik.

Rúnar Páll gerir breytingar sömuleiðis. Út koma Ásger Eyþórsson og Theódór Ingi og inn koma Emil Ásmundsson og fyrirliðinn Ragnar Bragi sem snýr aftur úr leikbanni.

Vilhjálmur Alvar Þórarinsson er með flautuna í kvöld á meðan Gylfi Már Sigurðsson og Eðvarð Eðvarðsson skipta línunum á milli sín. Einar Örn Daníelsson er eftirlitsmaður og Erlendur Eiríksson en varadómari.

Fylkir eru, eins og HK, í mikilli fallbaráttu en þeir sitja á botni deildarinnar einu stigi á eftir HK. Þeir spiluðu við KA menn í Lautinni í síðustu umferð og sóttu þar 1 stig í leik sem endaði 1-1. Það segir sig sjálft að þetta er þvílíkur fallbaráttuslagur sem verður spilaður í Kórnum í kvöld of risastór 3 stig í boði.

HK hafa verið í basli í sumar og sitja í 11. sæti deildarinnar með 14. stig, þremur stigum frá Vestra sem eru í 10. sæti. HKingar hafa fengið gríðarlega mikið af mörkum á sig, sérstaklega upp á síðkastið. Þeir steinlágu á Hlíðarenda í síðustu umferð þar sem þeir spiluðu 10 á móti 11 stærstan hluta leiksins en sá leikur endaði 5-1 fyrir Valsara.

Góða kvöldið kæru lesendur og verið velkomin í þessa beinu textalýsingu frá leik HK og Fylkis í Kórnum.