Já þeir bara kláruðu þetta í fyrri hálfleiknum!

Viðtöl og skýrsla koma seinna í kvöld.

Þangað til næst, veriði sæl!

Vilhjálmur Kaldal fær boltann á fjærstönginni og skallar hann fyrir markið á Hlyn. Hann snýr bakið í markið og nær að snúa sér og skýtur en varnarmenn Mosfellinga ná að kasta sér fyrir skotið!

Fáum við drama?

Birkir Björns með sendinguna fyrir markið sem Þróttarar eru hársbreidd frá því að komast í.

Afhverju gerði enginn árás á boltann?

"Dómarinn á Ölver!" syngja ungu stuðningsmenn Þróttara.

Vilhjálmur Kaldal sleppur einn í gegn og er straujaður niður af Gunnari Bergmanni. Allir tryllast og væntanlega en hann flagggar rangstöðu.

KOLRANGUR DÓMUR!

Elmar Kári tekur enn einu spyrnuna sem Þórhallur grípur í þetta sinn

Elmar Kári tekur spyrnuna sem fer bara á markið og Þórhallur ver skotið/sendinguna í annað horn!

Svoleiðis jarðar Birki Björns og keyrir inn á teiginn. Kemur boltanum fyrir markið sem fer í Þróttara og aftur fyrir í hornspyrnu.

Elmar Kári nýtur sér vindinn og spyrnan fer yfir alla og Þórhall en framhjá markinu líka.

Hrannar Snær gerir glæsilega inni á teig Þróttara og kemur með hann fyrir markið sem Njörður held ég setur aftur fyrir og í horn.

Væri rándýrt að tapa þessum 6 stiga leik.

Viktor Andri hreinsar frá eftir að boltinn skoppaði nokkrum sinnum.

Hrannar Snær sækir hornið.

Birkir Björns tekur spyrnuna inn á teiginn sem Jökull blakar í burtu áður en þeir hreinsa almennilega að lokum.

Norski prinsinn sækir hornið fyrir gestina.

Birkir Björns tekur spyrnuna inn á teiginn en Elmar Kári skallar frá og að lokum dúndrar Georg boltanum upp völlinn.

Þetta verða áhugaverðar lokamínútur!

Þessi seinni hálfleikur hefur ekkert verið mjög skemmtilegur eða tíðindamikill.

Bæði lið ógna og eru að skapa sér hálf færi en engin almennileg færi.

Ekkert færi komið í þetta til þessa og ekkert mjög skemmtilegur seinni hálfleikur.

Þróttarar meira með boltann. En ekkert skapað sér.

Hafa verið mikið meira með boltann þessar upphafsmínútur í seinni hálfleiknum.

Emil Skúli reynir skot langt fyrir utan teig sem Jökull er í engum vandræðum með.

Aron Snær á upphafssparkið.

Risa 45 mínútur framundan!

Tökum okkur korterspásu, spilum bingó og mætum svo til baka að vörmu spori!

Kári Kri tekur spyrnuna stutt á Sigurð. Hann kemur honum út á Eirík sem á hörmulega fyrirgjöf og núna sækja Mosfellingar!

Elmar Kári með skot beint á markið sem Þórhallur ver þægilega. Góð sókn hjá Aftureldingu.

Það lítur allt út fyrir það að Afturelding sé að taka eins marks forystu inn í hálfleikinn.

Slök spyrna sem Hrannar Snær hreinsar frá.

Jökull ver skot frá Vilhjálmi Kaldal.

Þórhallur fær skot beint á sig og missir boltann út í teiginn. Aron Jóh er á undan í boltann og er tekinn niður af Þórhalli en Erlendur dæmir ekkert.

Ég bara skil ekki hvernig þetta var ekki víti. Skil pirring Mosfellinga.

Þetta er bara einstefna. Þróttarar hafa verið vonlausir í þessum leik og bara heppnir að Mosfellingar séu ekki búnir að refsa þeim oftar.

Aron Elí kemur með fyrirgjöf inn á teiginn sem Þróttarar skalla upp í loftið. Elmar Kári mætir á svæðið og hleður í hjólarann sem fer framhjá.

Hélt samt í smá stund að þessi hafi verið á leiðina á markið sem hefði verið sturlað!

Þetta hefur verið einstefna eftir markið hjá Aroni. Mosfellingar mikið betri í dag.

Oliver Bjerrum tekur hornið á Aron Jóh sem kemur með boltann inn á teiginn áður en Unnar Steinn skallar boltann frá.

Afturelding (4-3-3)
Jökull
Georg - Gunnar - Sigurpáll - Aron Elí
Sævar - Oliver - Bjartur
Elmar - Aron - Hrannar

Þróttur (5-2-3)
Þórhallur
Eiríkur - Hlynur - Njörður - Emil - Viktor
Unnar - Kári
Sigurður - Aron - Vilhjálmur

Ekkert mikið um færi eða einhverjar almennilegar opnanir þessar upphafsmínútur.

Það eru heimamenn sem eiga upphafssparkið!

Andri Freyr Jónasson, Aron Elí Sævarsson og Georg Bjarnason fá Aftureldingstreyju merkta númer 100 hér fyrir leik. Þeir náðu þeim merka árangri í sumar að spila sinn leik númer 100 fyrir Ungmennafélagið í Mosfellsbænum.

Gísli Elvar Halldórsson, formaður meistaraflokksráðs karla í Aftureldingu, afhendir þeim treyjurnar fyrir leik.

Styttist

Fyrr í sumar mættust liðin í Laugardalnum þar sem Mosfellingar unnu 2-1 eftir að staðan hafi verið 1-1 í hálfleik. Andri Freyr kom gestunum yfir snemma leiks en innan við mínútu síðar jafnaði Vilhjálmur Kaldal leikinn. Sigurpáll Melberg skoraði að lokum sigurmarkið þegar rúmar 10 mínútur voru eftir af leiknum.

Dómari leiksins er úr efstu hillu en Erlendur Eiríksson mun stýra flautukonsertinu. Honum til halds og trausts verða þeir Ronnarong Wongmahadthai og Daníel Ingi Þórisson. Frosti Viðar Gunnarsson er eftirlitsmaður KSÍ.

Eftir herfilega byrjun á tímabilinu hafa Mosfellingar verið að safna stigum hægt og rólega. Lærisveinar Magga eru með þrjá sigra í seinustu fimm leikjum en eiga erfitt með að tengja saman sigra. Fyrr á tímabilinu unnu þeir þrjá leiki í röð en fyrir utan það hafa þeir ekki tengt saman sigra.

Afturelding vann sterkan útisigur á Dalvík/Reyni fyrir norðan í seinasta leik. Leikurinn fór 3-1. Afturelding er fjórum stigum frá 5. sætinu en með sigri stytta þeir bilið í eitt stig, jafntefli væri ekki heimsendir en þó bestu úrslitin fyrir Njarðvík og ÍR.

Þróttur eiga alls ekki efni á því að tapa í dag. Þeir eru 5 stigum frá 5. sætinu og einu stigi á eftir Aftureldingu. Það eru 5 leikir eftir af deildinni en þetta er seinasti leikur deildarinnar í 18. umferðinni.

Þróttarar unnu Gróttu í seinasta leik eftir að hafa tapað gegn ÍR í stórleik á ÍR-vellinum í leiknum þar á undan. Fyrir það gerðu þeir tvö jafntefli í röð. Tap í dag væri skelfilegt fyrir Þróttara og þá er umspilsdraumurinn búinn. Það verður skemmtilegt að sjá Þróttarana í dag í 50/50 leik.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Aftureldingar og Þróttar í Lengjudeildinni.

Bæði lið eru í harðri baráttu um umspilssætið en jafntefli í kvöld gerir lítið fyrir liðin á meðan jafntefli er rós í hnappagat Njarðvíkur og ÍR.