Keflavík hefur hér baráttusigur á liði ÍBV og opnar þessa toppbaráttu í Lengjudeildinni algjörlega upp á gátt.

Viðtöl og skýrsla væntanleg.

Allir fram. Eyjamenn eiga horn og Hjörvar mætir fram í hornið.

Eyjamenn eiga aukaspyrnu inn á vallarhelmingi Keflavíkur. Allir nema Hjörvar mættir í teiginn.

Ekkert verður úr.

Lítið um að vera. Eyjamenn reyna en komast lítt áleiðis.

Gestirnir vinna hornspyrnu.

Alex Freyr brýtur á Ásgeiri Orra. Fær Kovtun í sig pg fellur með tilþrifum. Kryddaði þetta með allri kryddhillunni.

Eyjamenn koma boltanum í netið. Það gerir Alex Freyr eftir snotra sendingu í gegn. Flaggið hins vegar réttilega á lofti og það telur ekki.

Aftur Eyjamenn með horn. Ásgeir Orri í allskonar brasi en bjargar sér fyrir horn.

Nökkvi Snær fær boltann í ágætu skotifæri fyrir utan teig eftir hornið. Sá ætlaði að rífa netið slíkur var krafturinn í skotinu. Boltinn hins vegar fer rétt yfir markið og er líklega enn á uppleið slíkur var hraðinn.

Vicente með skot úr aukaspyrnu af talverðu færi. Boltinn af varnarmanni og afturfyrir. Hornspyrna niðurstaðan.

Vicente og Sindri Snær í baráttunni við teig Keflavíkur. Sá spænski fellur með miklum tilþrifum. Nokkur hey úr stúkunni en áfram með leikinn.

Alex Freyr er brjálaður hér á vellinum. Eyjamenn vildu víti sem ég gat ekki séð að væri nokkuð. Alex lætur Erlend létt heyra það. Erlendur lítið að kippa sér upp við það.

Vicente með lúmskan bolta í átt að marki sem smellur í slánni og yfir.

Eyjamenn vinna horn.

Gestirnir sparka okkur af stað á ný.

Eftir kröftuga byrjun Keflvíkinga hafa Eyjamenn tekið völdin á vellinum.

Við tökum okkur smá pásu og mætum aftur með síðari hálfleikinn að vörmu spori.

Eyjamenn vinna horn.

Sverrir Páll í hörkufæri í teignum en setur skotið í varnarmanni.

Gestirnir vinna frákastið og fá aukaspyrnu á álitlegum stað rétt fyrir utan teig til vinstri.

Keflvíkingar vinna boltann af harðfylgi á vallarhelmingi ÍBV. Sindri Snær fær boltann og finnur Sami úti til vinstri. Sá danski leikur inn á teiginn og reynir að lyfta boltanum yfir Hjörvar í hornið nær en setur hann í utanvert hliðarnetið.

Keflvíkingar bruna upp hinumegin. Ágeir Helgi tekur boltann niður í teignum sem fellur fyrir Axel sem er í úrvalsfæri en hreinlega hittir ekki boltann.

Vicente Valor með hörkuskot eftir nokkuð þunga sókn ÍBV en setur boltann yfir.

Sending innfyrir og Sverrir Páll sleppur einn gegn Ásgeiri. Flaggið fer þó á loft.

Leikurinn dottið nokkuð niður síðustu mínútur og lítið um að vera.

Aðstæður klárlega að hafa áhrif þar.

Kamel með hornspyrnu fyrir markið. Boltinn dettur niður í teignum fyrir fætur Ásgeirs Helga sem á tvær tilraunir í átt að marki en varnarmenn henda sér fyrir.

Keflvíkingar að byrja þennan leik mun betur og eru að ná að þrýsta liði Eyjamanna ansi djúpt á völlinn.

Vinna horn sem skapar usla en gestirnir hreinsa á endanum.

Þetta er farið af stað. Heimamenn sparka okkur af stað hér í rokinu í Keflavík.

Kjartan Kári Halldórsson, leikmaður FH, spáir í leiki umferðarinnar. Hann fylgir á eftir Gumma Magg sem var með einn leik réttan í síðustu umferð.

Keflavík 2 - 3 ÍBV

Þetta verður marka leikur. Kári Sigfúss setur tvö í fyrri hálfleik en það er ekki nóg þar sem Oliver Heiðars verður í stuði og skorar þrjú, 3-2 fyrir ÍBV.

   29.08.2024 10:00

Kjartan Kári spáir í 20. umferð Lengjudeildarinnar

Erlendur Eiríksson er dómari leiksins í dag. Honum til aðstoðar eru þeir Ronnarong Wongmahadthai og Ragnar Arelíus Sveinsson.
Jóhann Gunnar Guðmundsson sinnir svo eftirlitshlutverki fyrir KSÍ.

Keflavík fékk gullið tækifæri til sprengja toppbaráttu deildarinnar í loft upp í síðustu umferð er liðið mætti Þrótti. Tækifærið nýttist ekki i það skiptið þar sem lið Þróttar tryggði sér sigur með marki í uppbótartíma 3-2.

Keflavík á sennilega erfiðustu leikina eftir af toppliðunum þremur en auk ÍBV á liðið eftir að mæta Njarðvík (Ú) og Fjölni (H). Sigur í dag mun koma liðinu áleiðis að toppsætinu en þeir þurfa að treysta á að lið ÍBV misstígi sig í síðustu tveimur umferðunum ætli þeir sér toppsætið.

Eyjamenn undir stjórn Hermanns Hreiðarssonar standa best að vígi í baráttunni um efsta sæti deildarinnar og beint sæti í Bestu deildinni að ári. Liðið situr á toppnum með 35 stig en Fjölnir fylgir í humátt á eftir með stigi minna. Aðeins lengra er svo í lið Keflavíkur og Njarðvík sem sitja í 3-4 sætinu með 31 stig. Eyjamenn fóru þó illa að ráði sínu í síðustu umferð þar sem þeir töpuðu á heimavelli gegn liði Aftureldingar 3-2 eftir að hafa komist yfir í tvígang í leiknum.

Eyjamenn geta þó stigið stórt skref upp í Bestu deildina fari þeir með sigur af hólmi í dag. Í síðustu tveimur umferðunum á liðið svo eftir að mæta Grindavík (H) og Leikni (Ú)

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Keflavíkur og ÍBV i 20.umferð Lengjudeildar karla en flautað verður til leiks klukkan 17:30