Jafntefli niðurstaðan. VIðtöl og skýrsla kemur inn á síðuna síðar í kvöld

ÍR fær horn. Brot dæmt á gestina inn í teignum

Fjórum mínútum bætt við

Sverrir Páll Ingason sloppiinn í gegn en er dæmdur rangstæður.

Rólegt undanfarnar mínútur. Spurning hvort við fáum einhverja dramatík hérna!

Sæþór Ívan Viðarsson í dauðafæri en setur boltann vel framhjá markinu. Ósáttur með sjálfan sig.

Aron Birkir með útspark en boltinn drífur ekki yfir miðju, vindurinn stöðvar hann. Þetta eru alveg æðislegar aðstæður.

Hákon Dagur með skot en boltinn yfir markið

Gils sloppinn í gegn en Bjarki Þór Viðarsson með STÓRKOSTLEGA tæklingu og bjargar andlitinu á Þórsurum.

Alexander Már með skalla framhjá úr góðu færi! Hefði átt að gera betur þarna!

Góður séns fyrir Þór en Sigfús Fannar með skot hátt yfir.

Bragi Karl Bjarkason í DAUÐAFÆRI eftir hornspyrnuna. Fær boltann á fjærstönginni en setur hann í slánna sýndist mér frekar en stöngina.

Skotið beint í vegginn úr aukaspyrnunni. ÍR hélt boltanum og fær horn.

ÍRingar strax í færi. Sýndist það vera Mcausland sem komst í boltann eftir langt innkast en hann fór framhjá.

Gestirnir með forystuna í hálfleik. Komum með seinni hálfleikinn að vörmu spori.

Tveimur mínútum bætt við fyrri hálfleikinn

Hornspyrna frá Marc Sörensen. Boltinn fýkur yfir markið. Þórsarar hafa ekki náð að nýta sér að vera með vindi í fyrri hálfleiknum.

Ingimar Arnar í góðum séns en ekki nógu áræðinn gegn Marc Mcausland og tekur skot úr erfiðu færi sem Vilhelm Þráinn á ekki í vandræðum með.

Darraðadans inn á teig ÍR endar með því að brot er dæmt á Þórsara.

Alexander Már Þorláksson með skalla en boltinn framhjá. Fín sókn hjá Þórsurum.

Bjarki Þór er að fá hættulegustu færi Þórsara! Aukaspyrna frá Marc Sörensen inn á teiginn og Bjarki kemur fætinum í boltann en hann fer rétt framhjá.

Liðin skiptast á að sækja en ná ekki að binda endahnútinn á sóknirnar.

Marteinn Theodórsson í góðu færi en Aron Birkir ver í horn. Ekkert kemur út úr því.

Bjarki Þór Viðarsson setur boltann yfir. Fyrirgjöf úr aukaspyrnu og hann teygir sig í boltann en hann fer yfir

Gestirnir koma þessu af stað

Jæja, það styttist óðum í leikinn. Það ere ansii hvasst svo það er athyglisvert að sjá hvernig þessi leikur mun spilast!

Aron Einar Gunnarsson þurfti að fara af velli vegna meiðsla í 5-1 tapi Þórs gegn Leikni í síðustu umferð. Hann er klár í slaginn og er með fyrirliðabandið eins og í undanförnum leikjum. Það eru þrjár breytingar á liðinu. Aron Kristófer Lárusson tekur út leikbann en Birgir Ómar Hlynsson og Einar Freyr Halldórsson setjast á bekkinn. Vilhelm Ottó Biering Ottósson, Ingimar Arnar Valdimarsson og Bjarki Þór Viðarsson koma inn í liðið.

Það er ein breyting á liði ÍR sem vann Fjölni í síðustu umferð. Hákon Dagur Matthíasson kemur inn fyrir Bergvin Fannar Helgason.

Gunnar Oddur Hafliðason verður með flautuna í dag. Sveinn Ingi Sigurjónsson Waage og Ronnarong Wongmahadthai verða honum til aðstoðar og Bragi Bergmann er eftirlistmaður KSÍ.

Kjartan Kári Halldórsson leikmaður FH spáði í umferðina. Hann spáir dramatískum útisigri.

Þór 0 - 1 ÍR
Það er búin að vera brekka hjá Þórsurum, gjallarhornið í stúkunni hefur ekki virkað í sumar og ÍR skorar winner á 90 þar sem Gils Gíslason setur hann, 0-1 fyrir ÍR.

Heimamenn í Þór hafa að litlu að keppa en samt sem áður ef allt fer á versta veg getur liðið fallið. ÍR er nýliði í deildinni og getur komist upp í umspilssæti með sigri hér í dag.

Verið velkomin í beina textalýsingu frá leik Þórs og ÍR í Lengjudeildinni. Leikurinn er liður í 20. umferð og fer fram á VÍS vellinum á Akureyri.