SKÝRSLAN: Tak for kampen Danmark
Hvað réði úrslitum?
Eftir ekkert sérstakan fyrri hálfleik vorum við yfir í hálfleik en Danirnir jöfnuðu snemma í seinni hálfleik. Rauða spjaldið réði klárlega úrslitunum. Setti okkur í fáranlega góða stöðu og maður var alltaf viss með sigurinn eftir það.
Bestu leikmenn
1. Kristall Máni Ingason
Skoraði þrennu og var ekkert smá góður fram á við. Held að ég þurfi lítið að rökstyðja mál mitt hérna. Orðinn markahæsti leikmaðurinn í sögu U21 landsliðsins á Íslandi.
2. Daníel Freyr Kristjánsson
Ég ætla bara að gefa honum þetta því þetta var hans fyrsti byrjunarliðsleikur og ég var heillaður. Það koma margir til greina en ég fílaði Daníel mjög mikið í þessum leik og hlakka til að fylgjast nánar með honum.
Atvikið
Rauða spjaldið í seinni hálfleiknum. Umbylti leiknum og þetta var aldrei spurning eftir það.
Hvað þýða úrslitin?
Ísland er núna tveimur stigum á eftir Wales og Danmörku en eiga leik til góða á Danmörku. Næsti leikur Íslands er einmitt gegn Wales.
Vondur dagur
Hefur sjaldan verið auðveldara að velja vondan dag. Sebastian Otoa var búinn að vera inn á í rúmar 5 mínútur þegar hann brýtur og fær rautt og Ísland fær víti. 3-2 og manni fleiri. Ég segi bara takk Otoa.
Dómarinn - 9
Mjög vel dæmdur leikur hjá Úkraínska teyminu sem nelgdu allar stóru ákvarðanirnar.