SKÝRSLAN: Víkingar kjöldrógu Fylki
Hvað réði úrslitum?
Maður sá í hvað stefndi þegar 10 mínútur voru liðnar. Víkingar settu tóninn strax og voru ógeðslega miklu betri í dag.
Bestu leikmenn
1. Ari Sigurpálsson
Tvö mörk og ein stoðsending. Frábærar afgreiðslur og hrikalega góður fyrir framan markið í dag.
2. Gísli Gottskálk
Gísli búinn að vera einn besti leikmaður Víkinga í sumar. Ótrúlega góður í dag á miðsvæðinu og átti þessa sendingu í seinasta markinu sem var ótrúleg.
Atvikið
Sendingin frá Gísla Gottskálk í seinasta markinu á Helga Guðjóns var konfektmoli. Ekkert eðlilega falleg sending.
Hvað þýða úrslitin?
Víkingar fara á toppinn í deildinni og fá heimavallaréttinn í lokaleiknum gegn Breiðablik. Fylkismenn enda hefðbundið tímabil í neðsta sætinu.
Vondur dagur
Ég ætla bara að velja allt Fylkisliðið. Það er ekki hægt að velja einn en sóknarlega sem varnarlega voru þeir ekkert eðlilega slakir í dag. Auðvitað á móti mjög góðu liði en það þýðir ekki að þeir eigi að tapa 6-0 þegar þeir eru að berjast upp á líf og dauða.
Dómarinn - 8
Elli og hans teymi voru bara gífurlega góðir í dag og nelgdu allar stóru ákvarðanirnar.