Þá hefur Ásmundur flautað þennnan bragðdaufa leik hér af sem endar með 1-1 jafntefli. Kannski sanngjarnt en ég held að bæði lið séu ósátt að hafa ekki tekið stigin þrjú sérstaklega eftir færið sem Þróttur fékk í lokin.

Skýrsla og viðtöl koma inn á síðuna innan skamms, þangað til næst, takk fyrir mig!

Brynja kemur með góðan bolta í gegn á Þórdísi sem er ein á móti Sigurborg en hún er alltof lengi af þessu og skotið fer rétt framhjá.

Var þetta seinasti séns Þróttar?

Linda Líf aftur í góðri stöðu inni á teignum en skotið fer rétt framhjá.

Brynja Rán nær skallanum sem fer framhjá markinu.

Shaina tekur spyrnuna inn á teiginn sem Melissa skallar frá.

Hulda tekur spyrnuna inn á teiginn sem Melissa skallar frá.

Þróttarar hreinsa frá en Víkingar halda vel í boltann.

Hulda sleppur ein í gegn og tekur gott skot á Mollee sem ver gífurlega vel á nærstönginni.

Kristrún hreinsar frá!

Víkingar koma þessu í gang á ný!

Þá er Ásmundur búinn að flauta þennan hundleiðinlega fyrri hálfleik af.

Tökum okkur korterspásu og mætum svo til baka að vörmu spori.

Alls ekki mikið að gerast, vonandi bara verður engu bætt við svo við getum fengið aðeins betri og opnari seinni hálfleik.

Víkingar verjast þessari hornspyrnu mjög vel.

Caroline keyrir upp völlinn og tekur skot á markið sem Sigurborg ver aftur fyrir og í horn.

Rachel og Freyja eru í baráttu inni á teignum og Freyja fer niður með þeim afleiðingum að Þróttarar vilja vítaspyrnu en fá ekkert.

Linda Líf aftur að koma sér í góða stöðu inn á teignum en aftur ver MolleE þægilega.

Ég hef séð skemmtilegri byrjun á fótboltaleik, ég viðurkenni það.

Boltinn dettur út í teiginn á Maríu sem á skotið í fyrsta hátt yfir markið.

Þróttarar verjast þessu vel.

Linda Líf fær boltann í teignum og á skot sem fer rétt framhjá.

Melissa á skalla á markið eftir horn frá Ísabellu en Sigurborg ver vel.

Það eru gestirnir sem koma okkur í gang.

Víkingar leika í svörtum og rauðum treyjum, svörtum stuttbuxum og svörtum sokkum.

Gestirnir úr Laugardalnum leika í hvítum og rauðum treyjum, svörtum stuttbuxum og hvítum sokkum.

Liðin hafa mæst tvisvar í Bestu-deildinni í sumar, fyrst 15. maí í Laugardalnum. Þá vann Víkingur 0 - 1 sigur með marki Sigdísar Evu Bárðardóttur. Hún yfirgaf svo félagið og gekk í raðir Norrköping í Svíþjóð og er því ekki með í dag.
Liðin mættust í Víkinni 26. júlí síðastliðinn. ÞEim leik lauk með markalausu jafntefli þrátt fyrir að liðin hafi bæði fengið sín færi til að skora mörk.

Í dag er leikinn þriðja umferð að fimm í efri hluta deildarinnar en keppni er þegar lokið í neðri hlutanum.

Heimakonur í Víkingi eru í 4. sætinu, aðeins einu stigi frá Þór/KA í þriðja sætinu og gætu haft við þær sætaskipti með sigri.

Gestirnir í Þrótti eru í 6. sætinu með 24 stig, stigi á eftir FH og gætu haft sætaskipti við þær með sigri.

Staðan í efri hlutanum:
1. Breiðablik - 54 stig
2. Valur - 53
3. Þór/KA - 33
4. Víkingur - 32
5. FH - 25
6. Þróttur - 24

Ásmundur Þór Sveinsson dæmir leikinn í dag. Hann er með þá Tomasz Piotr Zietal og Magnús Garðarsson sér til aðstoðar á línunum. Breki Sigurðsson er skiltadómari og Bergur Þór Steingrímsson er eftirlitsmaður KSÍ.

Góðan daginn og verið velkomin í beina textalýsingu frá viðureign Víkings og Þróttar í efri hluta Bestu-deildar kvenna.

Leikurinn hefst klukkan 18:00 á Víkingsvelli og hér verður fylgst með því helsta sem gerist.