SKÝRSLAN: Blikar unnu deildina í mjög lokuðum leik
Hvað réði úrslitum?
Leikurinn sjálfur var mjög lokaður en það var kannski varnarleikur Blika sem skilaði þessu að lokum. Manni leið samt eins og Valur myndi taka forystuna í blálokin en svo gerðist ekki.
Bestu leikmenn
1. Telma Ívarsdóttir
Hélt hreinu og varði í dag mjög vel. Greip inn í þegar það þurfti og var stórkostleg í markinu.
2. Ásta Eir Árnadóttir
Fyrirliðinn gerði mjög vel í dag. Bjargaði á línu og var gífurlega góð í dag. Fyrirliðinn skilaði frábæru framlagi í kvöld.
Atvikið
Klárlega færið sem Fanndís fékk í lokin. Hún hefði getað unnið titilinn fyrir Valskonur með seinustu spyrnu leiksins en boltinn fór framhjá. Risastórt atvik.
Hvað þýða úrslitin?
Breiðablik er Íslandsmeistari árið 2024 en Valur endar tímabilið í 2. sæti á einu stigi.
Vondur dagur
Valskonur voru bitlausar fram á við í dag. Það fór ekkert að gerast fyrr en í blálokin en það var of lítið of seint.
Dómarinn - 9
Eiginlega mjög lítið hægt að setja út á Ella og teymið í dag. Nelgdu allar stóru ákvarðanirnar og voru með góð tök á leiknum.