Frábær fótboltaleikur hér á Kópavogsvelli, viðtöl og skýrsla innan skams.

Viktor Örn á skalla rétt yfir mark gestanna!

Darraðadans í teig Valsmanna sem koma hættunni frá fyrir rest, það liggur mark í loftinu!

Höskuldur með þrumuskot langt fyrir utan teig. Frederik Schram ver boltann í stöngina og þaðan fer boltinn í horn.
Sturlað skot.

Valsarar fá hornspyrnu, Blikar skalla spyrnuna frá.

Valsmenn fá aukaspyrnu í fyrirgjafastöðu en Blikar koma hættunni frá.

Breiðablik fær horn, Benjamin Stokke rís manna hæst og nær skalla á markið en Frederik Schram handsamar boltann auðveldlega.

Kristinn Steindórs með skot framhjá.

Kristófer Ingi með skot af löngu færi sem fer yfir mark gestanna.

Birkir Már með skot úr teignum en Benjamin Stokke kemst fyrir boltann.

Ísak Snær með frábæran skalla í hornið en Frederik með stórbrotna vörslu.

Höskuldur með skot úr teignum sem Frederik Schram ver frábærlega.

Blikar halda vel í boltann þessa stundina.

Kristinn Freyr við endalínu og gefur háann bolta fyrir á Skoglund sem nær ekki til knattarins. Tryggvi Hrafn var í afbragðsstöðu en virðist sem svo að Kristinn hafi ekki séð hann.

Gestirnir byrja með boltann.

Breiðablik - Valur

66% - Með bolta - 34%
10 - Skot - 4
2 - Skot á mark - 2
7 - Hornspyrnur - 1

Kvennalið Breiðabliks urðu Íslandsmeistarar í gærdag eftir jafntefli gegn Val.
Liðið er heiðrað hér í hálfleik.

+2

Stuðningsmenn Breiðabliks baula á Elías Inga og aðstoðarmenn hans.
Stórskemmtilegum fyrri hálfleik lokið, mikið af vafaatriðum. Breiðablik meira með boltann en Valsarar refsa með skyndisóknum.

+1

Ísak Snær með fast skot úr teignum sem fer í varnarmann Vals og í horn.

Albin Skoglund fær boltann á lofti á fjær og tekur skotið í fyrsta, boltinn fer framhjá marki heimamanna.

Höskuldur með skot á mark gestanna en Frederik Schram ver örugglega.

Afrnór Gauti með skot langt framhjá marki Valsmanna.

Blikar með lélega sendingu til baka Tryggvi Hrafn búinn að fara framhjá Antoni Ara sem mætti honum hátt en Viktor Örn Margeirs lokar vel á hann og Tryggvi nær ekki skotinu í autt markið.

Frábær útfærsla á hornspyrnu Blika, boltinn berst á Kidda Steindórs sem tekur skotið úr miðjum teignum en boltinn fer í hendina á Herði Inga.

Hörður er með hendurnar upp við líkamann og eina sem Blikar fá er önnur hornspyrna.

Stuðningsmenn Blika vægast sagt ósáttir.

Höskuldur tekur en spyrnan fer beint í vegginn og Blikar fá horn.

Tryggvi með skot fyrir utan teig sem fer rétt yfir mark heimamanna.

Breiðablik fá tvær hornspyrnur sem ekkert kemur úr.

Davíð Ingvars í góðu færi utarlega í teignum og tekur gott skot en Frederik Schram ver vel!

Skemmtileg byrjun á leiknum. Breiðablik halda betur í boltann en Valsmenn ógna í skyndisóknum.

Albin Skoglund með skot við vítateig sem Anton Ari ver örugglega.

Aron Bjarna í góðu færi í teig Valsmanna en hittir ekki markið!

Nú fá Valsmenn horn, góð útfærsla og Sigurður Egill fær boltann óvaldaður fyrir utan teig og tekur skotið í fyrsta en hittir boltann illa og hann fer aftur fyrir hann, stuðningsmenn Breiðabliks hlægja að skottilrauninni.
Góð staða sem mátti nýta betur.

Breiðablik fær fyrstu hornspyrnu leiksins, Frederik Schram kýlir boltann út á Kidda Jóns sem tekur viðstöðulaust skot en boltinn rétt yfir mark gestanna.

Davíð Ingvarsson með skot úr teignum en Hörður Ingi kemur sér fyrir boltann.

Kristinn Steindórsson á upphafsspark leiksins.
Valsmenn leika í sínum hefðbundnu rauðu treyjum en Breiðablik klæðast svörtum treyjum, ekki veit ég hvers vegna.

Liðin ganga til vallar, nú styttist í að þessi stórleikur fari af stað.

Stjarnan og Víkingur gerðu 2-2 jafntefli rétt í þessu. Með sigri í kvöld geta Blikar komið sér í toppsætið.

Stjarnan er búið að jafna Val á stigum en Valur er með sterkari markatölu og halda því þriðja sætinu.

Staðan eftir leiki dagsins

Víkingur R. -25 - 56 - 37
Breiðablik -24 - 55 - 28
Valur --------24 - 39 - 19
Stjarnan ----25 - 39 - 8
ÍA ------------25 - 37 - 8
FH ---------- 25 - 33 - -6

Srdjan Tufegdzic, þjálfari Vals, gerir þrjár breytingar á sínu liði frá tapinu dramtíska gegn Víkingum.
Tryggvi Hrafn Haraldsson, Gísli Laxdal Unnarsson og Sigurður Egill Lárusson koma inn í liðið fyrir Lúkas Loga Heimisson, Jónatan Inga Jónsson og Orra Sigurð Ómarsson.
Gylfi Þór Sigurðsson er áfram fjarri góðu gamni sökum meiðsla.

Halldór Árnason, þjálfari Breiðabliks, gerir tvær breytingar á sínu liði frá sigrinum í Kaplakrika um seinustu helgi.
Viktor Karl Einarsson og Davíð Ingvarsson koma inn í liðið í stað Kristófers Inga Kristinssonar og Andra Rafns Yeoman.

Hilmar Jökull, stuðningsmaður Breiðabliks og formaður Tólfunnar, er spámaður umferðarinnar. Hilmar spáir óvænt Breiðablik sigri í leiknum á eftir.

Breiðablik 4 - 1 Valur

Líkurnar á að Gylfi Sig vakni með ái í bakinu á sunnudaginn næsta eru 0%. Hann verður jafn góður og hann var snemma sumars þegar Valur vann 2-3 sigur á Kópavogsvelli. Málið er að Blikaliðið í dag er miklu betra en það Blikalið sem Gylfi bossaði fyrr í sumar.

4-1 heimasigur þar sem Höskuldur og Ísak sjá um markaskorun og King Gylfi Sig setur eitt. Adam Páls kemur svo með 2-3 sniðug tweet, en þessi leikur er jú þekktur sem Adam Páls slagurinn.

Fyrri viðureign liðana á tímabilinu endaði með 2-3 sigri Valsmanna á Kópavogsvelli. Gylfi Þór átti stórleik þar sem hann skoraði tvö mörk og átti stóran þátt í hinu marki Valsara.

Spurning er þó hvort að Gylfi verði með í dag en hann missti af síðasta leik Vals vegna meiðsla í baki.

Seinni leikur liðanna endaði með 0-2 sigri Breiðabliks á Hlíðarenda.

Viðureign Víkings og Stjörnunnar hefst klukkan 17:00. Leikurinn skiptir miklu máli fyrir bæði lið hér í dag. Breiðablik eru í harðri toppbaráttu við Víkinga en Valur í baráttu um Evrópusæti við Stjörnunna.
Haraldur Örn textalýsir leiknum.

Valur leiðir baráttuna um þriðja sætið sem gefur sæti í Evrópukeppni. Stjarnan getur þó komist fyrir ofan Val með sigri á Víkingum í dag.

Hér er staðan í deildinni fyrir leik Stjörnunnar og Víkings.

---------- Leikir - Stig - Markatala
Víkingur R. -24 - 55 - 37
Breiðablik --24 - 55 - 28
Valur --------24 - 39 - 19
Stjarnan ----24 - 38 - 5
ÍA ------------25 - 37 - 8
FH ---------- 25 - 33 - -6

Breiðablik og Víkingur eru jöfn á stigum á toppi deildarinnar. Víkingar eru þó með betri markatölu. Liðin mætast innbyrðis í lokaumferð deildarinnar. Miðað við siglingu beggja liða í deildinni stefnir allt í að við fáum úrslitaleik á Víkingsvelli.

Breiðablik eru búnir að gleyma hvernig það að tapa er, líkt og Herra Hnetusmjör söng í laginu góða. Síðasti tapleikur Blika í Bestu-deildinni kom gegn FH þann 28. júní.

Staðan fyrir leiki dagsins

---------- Leikir - Stig - Markatala
Víkingur R. -24 - 55 - 37
Breiðablik --24 - 55 - 28

Mynd: Fótbolti.net - Hafliði Breiðfjörð

Heilir og sælir lesendur góðir og veriði velkomin í þráðbeina textalýsingu frá Kópavogsvelli. Hér í kvöld mun Breiðablik taka á móti Val í 25. umferð Bestu-deildar karla.