Þetta var síðasta snertingin í leiknum. Sigur KA staðreynd.

Ásgeir með skot framhjá úr fínni stöðu

Fimm mínútur í uppbótatíma

Morten með skalla eftir horn en Hans Viktor nær að skalla frá.

Morten Ohlsen liggur hérna í teig KA og það eru öskur eftir vítaspyrnu í stúkunni en ekkert dæmt.

Dagur Ingi kemst inn á teiginn og á skot í fjærhornið en Eskelinen vel á verði.

Gustav Kjeldsen með skalla rétt framhjá. Stubbur virtist vera með þetta allt á hreinu.

Hallgrímur Mar með fína tilraun en Eskelinen ver.

Lítið að frétta. Þetta hefur verið smá ping pong en liðin ekkert komist að vítateignum.

Eskelinen sparkar í Ásgeir sem er þá kominn einn á móti marki. Hann tekur sér nokkrar sekúndur að koma boltanum í netið en í kjölfarið er dæmd hendi á hann

Elfar Árni reynir skallann en Vestramenn pressa vel á hann, tveir sem fara með honum upp í skallann.

Andri Rúnar með skot framhjá úr aukaspyrnunni

KA með örugga forystu í hálfleik. Það þarf mikið að breytast hjá Vestra ætli þeir sér að gera eitthvað

Tvær mínútur í uppbótatíma

Kári Gautason fær flugbraut í átt að teignum en lendir á vegg að lokum.

Daníel Hafsteinsson með skot sem Eskelinen blakar yfir

Rólegt undanfarnar mínútur. Vestri aðeins að komast betur í takt við leikinn.

Andri Rúnar Bjarnason í færi en hann vippar yfir markið.

KA menn fljótir að koma sér í færi en Elfar Árni nær ekki að koma tánni í boltann eftir fyrirgjöf.

Fyrsta færi Vestra. Benedikt Waren kemur boltanum fyrir en Silas Songani ekki nógu hár og nær ekki að skaalla að marki.

Fyrirgjöf eftir aukaspyrnu en Hans Viktor nær ekki til hans.

Elfar er heitur. Fær boltann inn á teignum og á skot en boltinn beint á Eskelinen.

Gestirnir koma þessu af stað

Það eru fimm breytingar á liði KA sem steinlá gegn KR 4-0 í síðustu umferð. Hallgrímur Mar Steingrímsson er kominn aftur í liðið eftir að hafa jafnað sig af meiðslum. Þá kemur Elfar Árni Aðalsteinsson inn og tekur fyrirliðabandið.

Kári Gautason, Dagur Ingi Valsson og Valdimar Logi Sævarsson koma einnig inn. Darko Bulatovic, Andri Fannar Stefánsson, Viðar Örn Kjartansson, Jakob Snær Árnason og Bjarni Aðalsteinsson detta út. Bjarni tekur út leikbann og Viðar Örn er ekki í hóp, hinir þrír eru á bekknum.

Elmar Atli Garðarsson, Fatai Gbadamosi og Ibrahima Balde eru allir í banni hjá Vestra þá fer Morten Ohlsen Hansen á bekkinn. Elvar Baldvinsson, Gunnar Jónas Hauksson og Silas Songani koma inn í liðið.

Pétur Guðmundsson verður með flautuna í dag. Bryngeir Valdimarsson og Eðvarð Eðvarðsson verða honum til aðstoðar og
Sveinn Arnarsson verður á hliðarlínunni. Bragi Bergmann verður eftirlitsmaður KSÍ.

Aron Guðmundsson, íþróttafréttamaður á Vísi og Stöð 2 Sport, spáir í leikinn en hann spáir útisigri.

KA 0 - 1 Vestri
Vestra sigur, vestfirska seiglan skilar þessu. Gunnar Jónas með sleggju fyrir utan teig. Markaskorarinn skrifar svo undir nýjan samning seinna um daginn á Greifanum. Allt tal um brottför á Meistaravelli var alltaf bara þvaður.

50 leikmenn eru á hættusvæði og geta farið í bann í lokaumferðinni í öllum liðum deildarinnar. Fjórir verða í banni í þessum leik í dag og þá eru sjö leikmenn á hættusvæði.

Í banni
Bjarni Aðalsteinsson (KA)
Elmar Atli Garðarsson (Vestri)
Fatai Adebowale Gbadamosi (Vestri)
Ibrahima Balde (Vestri)

Á hættusvæði
KA: Ívar Örn Árnason (9), Rodri (6), Ásgeir Sigurgeirsson (3) og Elfar Árni Aðalsteinsson (3).
Vestri: Sergine Fall (6), Gunnar Jónas Hauksson (6) og Pétur Bjarnason (3).

Elmar Atli Garðarsson

Rodri og Hallgrímur Mar voru fjarverandi hjá KA í síðasta leik þegar liðið steinlá 4-0 gegn KR en Rodri fór úr axlarlið á æfingu. Það var í annað sinn í sumar sem það gerðist en hann fór síðast úr axlarlið einmitt gegn Vestra á Ísafirði. Hallgrímur Jónasson var bjartsýnn að þeir gætu spilað í dag.

   07.10.2024 12:30

Haddi útskýrði fjarveru lykilmanna

Vestri hefur góða reynslu af því að spila hérna en liðið vann fyrri leik liðanna í deildakeppninni í sumar þegar Jeppe Gertsen skoraði sigurmarkið í uppbótatíma. KA náði fram hefndum á Ísafirði þar sem Hallgrímur Mar Steingrímsson skoraði bæði mörkin í 2-0 sigri KA manna.

Það er svo sannarlega mikið undir í dag. Vestri er í harðri fallbaráttu en getur komið sér í ansi sterka stöðu. Ef liðið vinnur hér í dag mun liðið svo gott sem tryggja sér áframhaldandi sæti í deildinni. KA getur tryggt sér Forsetabikarinn góða með sigri og hagstæðum úrslitum úr öðrum leikjum.

Verið velkomin í beina textalýsingu frá leik KA og Vestra. Um er að ræða leik í næst síðustu umferð í neðri hlutanum í Bestu deildinni. Leikurinn fer fram á Greifavellinum á Akureyri og hefst klukkan 14.