KR nokkuð öruggir í dag þrátt fyrir að það munaði bara einu marki. 1-0 sigur í leik sem þýddi ekki mikið.

5 mínútur í uppbót.

Fylkir með hornspyrnu og Guðmundur nær skallanum en yfir markið.

Benóný skorar! En það er dæmt rangstaða. Elmar sparkar boltanum í varnarmann og boltinn skýst inn fyrir á Benóný sem klárar en hann var klárlega fyrir innan.

Góð skyndisókn hjá Fylki! Guðmar kemur upp hægri kantinn og leggur boltan fyrir, Guðmundur Tyrfings nær skotinu en það fer beint í varnarmann.

Sigurbergur Áki fær högg og hann heldur ekki áfram leik.

Boltanum neglt í andlitið á Birgi og leikurinn stöðvaður til að hlúa að honum. Liðsfélagar hans í kringum hans gera merki um að það þurfi að skipta honum útaf.

Jóhannes Kristinn með skotið fyrir utan teig en skotið fer nokkuð vel framhjá.

Stuðningsmenn Fylkis vilja fá að sjá ungu strákana spila. Þeir syngja úr stúkunni "inná með Guðmar"

Virkilega flott þríhyrningaspil milli Arons og Benóný leiðar að því að Aron er kominn einn gegn markmanni. Skotið hans er síðan frekar lélegt, en tek ekkert af Ólafi sem ver þetta vel.

KR leiðir í hálfleik. Búnir að vera miklu betri í þessum leik og eru manni fleiri. Lýkur á því að KR bæti við í seinni hálfleik.

Jóhannes Kristinn með skotið fyrir utan teig en beint í lúkurnar á Ólafi.

Atli með skotið fyrir utan teig, það fer í varnarmann og KR fær horn.

Aron með stórkostlega sendingu inn fyrir vörn Fylkismanna og Benóný er þá sloppinn einn gegn markmanni. Hann tekur skotið en Ólafur er kominn út úr markinu og nær að loka vel á færið þannig hann ver frá honum.

KR-ingar með aukaspyrnu og þeir taka bara fastan bolta fram í hlaupaleiðina hjá Luke Rae. Ef móttakan hans hefði verið betri hefði hann verið einn gegn markmanni, en hann missir boltan útaf.

Atli með frábæran bolta inn í teig sem ratar alla leið á fjærstöngina þar sem Benóný er mættur og tekur skotið en rétt framhjá markinu.

Luke Rae með fínt skot fyrir utan teig en Ólafur gerir vel og ver þetta frá honum.

Fylkismenn byggja upp góða sókn og setja boltan inn í teig. Þóroddur nær boltanum og tekur skotið en beint í varnarmann.

Fylkismenn með hornspyrnu sem ekkert kemur úr. Það er ekki að koma nægilega mikið úr sóknarleik þeirra í kvöld.

KR-ingar geysast upp í skyndisókn og Jóhannes Kristinn fær boltan rétt fyrir utan teig. Hann tekur skotið en þessi bolti er nokkuð þægilegur fyrir Ólaf í markinu.

Góð pressa frá Benóný á markmanninn. Ólafur er með boltan inn í teig og ætlar að hreinsa en sparkar boltanum bara bein í Benóný og boltinn skýst af honum og rétt framhjá markinu. Ólafur heppinn þarna!

Geggjaður bolti inn fyrir hjá Theodóri Elmar! Benóny Breki er þá kominn einn gegn markmanni en Ólafur kemur mjög langt út úr markinu og nær að slæma tánni í boltan og hreinsa fyrir sitt lið.

Þórður flautar og leikurinn er kominn af stað!

Rúnar Páll Sigmundsson þjálfari Fylkis gerir þrjár breytingar á sínu liði. Inn koma Ragnar Bragi Sveinsson, Theodór Ingi Óskarsson og Halldór Jón Sigurður Þórðarson. Ásgeir Eyþórsson fær sér sæti á bekknum en Benedikt Daríus Garðarson og Þórður Gunnar Hafþórsson eru ekki í hóp.

Óskar Hrafn Þorvaldsson þjálfari KR gerir eina breytingu á sínu liði. Finnur Tómas Pálmason kemur aftur inn í liðið en Aron Þórður Albertsson er í banni vegna uppsafnaðra spjalda.

Aron Guðmundsson, íþróttafréttamaður á Vísi og Stöð 2 Sport, spáir í leikina sem eru framundan í næst síðustu umferð deildarinnar.

Fylkir 1 - 3 KR
Lítið annað um þetta að segja. Benóný Breki með þrennu. Von KR um titil lifir. Forsetabikarinn er up for grabs.

Þórður Þorsteinn Þórðarson verður með flautuna í þessum leik en honum til aðstoðar verða Birkir Sigurðarson og Egill Guðvarður Guðlaugsson.

Eftirlitsmaður KSÍ er Gunnar Jarl Jónsson og varadómari er Gunnar Oddur Hafliðason.

KR-ingar hafa verið á góðu róli eftir skiptingu og hafa náð í 7 stig af 9 mögulegum. Þeir hafa í raun ekkert að spila fyrir en þeir geta búið sér til hvatningu í að reyna að berjast um Forsetabikarinn. Þeir eru 6 stigum á eftir KA sem er í 7. sæti þegar tveir leikir eru eftir en eru með betri markatölu en þeir. Einnig hefur Benóný Breki Andrésson nóg að spila fyrir þar sem hann er kominn með 16 mörk á tímabilinu og hann mun líkast til reyna að ná marka kóngs titlinum. Hann er tveimur mörkum á eftir Viktor Jóns sem er kominn með 18 mörk.

Það var ljóst eftir síðustu umferð að Fylkir myndi ekki bjarga sér frá falli. Þeir eru í neðsta sæti deildarinnar með 18 stig þegar tvær umferðir eru eftir og 7 stig upp í öruggt sæti.

Rúnar Páll Sigmundsson þjálfari liðsins er búinn að stýra sínum síðasta leik fyrir félagið þar sem hann verður í leikbanni út tímabilið og hann heldur ekki áfram með liðið á næsta tímabili. Brynjar Björn Gunnarsson aðstoðarmaður hans mun því stýra leiknum í dag. Fylkismenn eru búnir að finna staðgengil Rúnars fyrir næsta tímabil en þeir gengu frá samningsviðræðum við Árna Guðna í vikunni sem náði góðum árangri með ÍR á tímabilinu.

Komið þið sæl og verið velkomin í beina textalýsingu frá leik Fylkis og KR í neðri hluta Bestu deild karla.

Leikurinn hefst klukkan 19:15 og verður spilaður á Wurth vellinum.