Eins og svo oft áður í sumar voru Fylkismenn sprækir. Þeir misstu hinsvegar mann af velli réttilega í fyrri hálfleik og voru þegar 1-0 undir á þeim tímapunkti. Eftir það var þetta leikur sem enginn mun muna eftir. KR betra liðið en Fylkismenn ógnuðu smá í skyndisóknum en bara ekki nóg.

Rauða spjaldið á Nikulás Val. Nikulás fær boltan frá markmanni sínum rétt fyrir utan teig. Hann er svo bara eitthvað að dútla með boltan á meðan Birgir Steinn mætir í pressuna. Birgir stelur bara boltanum af honum og er þá sloppinn einn gegn markmanni en Nikulás kastar sér á eftir honum og tekur hann niður.
Þetta var bara hárrétt hjá dómaranum og eftir þetta var engin spurning hver úrslitin myndu verða.

KR á ennþá séns á 7. sætinu en þurfa að treysta á að KA tapi í loka umferðinni og að KR vinni. Fylkir féll í síðustu umferð þannig úrslitin þýða ekkert fyrir þá.

Nikulás Val lauk sínu móti í kvöld með rauða spjaldinu. Virkilega klaufalegt hjá honum og rétt að hann fékk þetta spjald á sig.

ÞÞÞ og hans teymi með góðan leik. Rauða spjaldið rétt og annað í leiknum bara nokkuð gott.