Jan Petrik flautar til leiksloka og Víkingar tryggja sinn annan sigur í Sambandsdeildinni.
Víkingar eru komnir með 6 stig í Sambandsdeildinni og eru komnir í frábæra stöðu.

Þvílík frammistaða hjá Víkingum hér í dag, sanngjarn sigur!

Næsti leikur Víkings er gegn Noah í Armeníu þann 28. nóvember. Liðið tekur á móti Djurgarden 12. desember og leikur svo úti gegn austurríska liðinu LASK viku síðar.

Víkingar eru að sigla þessu heim, lítið eftir.

Ekroth liggur niðri en nær að harka af sér og heldur leik áfram.

Gestirnir eru ekki að ná að brjótast í gegnum þéttu vörn Víkinga.

Cavic með gott skot úr teignum en Ingvar ver meistaralega, boltinn rúllar svo rétt fyrir framan Víkinga áður en Gunnar Vatnhamar hreinsar frá.

Hættulegasta færi gestanna hingað til.

Davíð Örn pressar hátt í teig Borac en Carolina varnarmaður Borac hindrar hann og Davíð fellur við.

VAR-skoðun búin og ekkert dæmt, hefði verið soft.

Aron Elís með skot úr teignum sem Manojlovic ver út í teiginn, Gísli Gotti stekkur á boltann og setur hann í netið en er réttilega flaggaður rangstæður.

Gestirnir fá aukaspyrnu milli vítateigs og hliðarlínu. Þeir taka skotið en Ingvar ver vel í marki Víkinga.

Ari Sigurpáls sker inn af vinstri, sólar einn, sólar tvo og fer svo í skotið en boltinn fer framhjá marki gestanna.

Karl Friðleifur sest niður og þarfnast aðhlynningar. Tarik Ibrahimagic gerir sig tilbúinn að koma inn á.

Hefði verið best fyrir Víkinga að spila þennan úrslitaleik gegn Blikum á Kópavogsvelli! pic.twitter.com/YQO6y60oTf

— Elvar Geir Magnússon (@elvargeir) November 7, 2024

Ari Sigurpáls með skot úr teignum en Manojlovic ver í marki gestanna.

Gísli Gotti með skot á markið sem Manojlovic ver örugglega.

Ogrinec með hörkuskot fyrir utan teig en Ingvar ver meistaralega.

Djuric aftur með frábæra takta, kemur boltanum á Nikolaj Hansen sem kemur sér í góða stöðu og tekur gott skot en Manojlovic ver frábærlega í marki gestanna.

Sreckovic með skot úr þröngri stöðu sem Ingvar ver.

Danijel Djuric með skemmtilega takta, tekur rabona sendingu og kemur Karli Friðleifi í góða stöðu. Staða sem Víkingar ná hinsvegar ekki að nýta.

Gestirnir fá hornspyrnu en hornspyrnan er ein slakasta sem ég hef séð.

Ætluðu að reyna að koma boltanum beint á mann við D-boga sem misheppnaðist.

Víkingar fær hornspyrnu, boltinn berst á Ekroth sem á marktilraun en boltinn í varnarmann.

Víkingar byrja með boltann.

Víkingur R. - FK Borac

55% - Með bolta - 45%
7 - Skot - 1
4 - Skot á mark - 0
0.53 - XG - 0.05
1 - Hornspyrnur - 0
7 - Brot - 2

Jan Petrik flautar til hálfleiks, Víkingar frábærir í þessum fyrri hálfleik og leiða sanngjarnt. Borac vöknuðu undir lok fyrri hálfleiks en ógnuðu þó lítið sem ekkert.

Einni mínútu bætt við.

Gestirnir sækja í sig veðrið, hættulegri þessa stundina.

Borac færa sig aðeins ofar á völlinn en ógna lítið.

Djuric þræðir Gísla í gegn sem fer í skotið úr teignum en skot Gísla fer langt framhjá, allt upp á tíu í þessari sókn nema afgreiðslan.

Borac fær aukaspyrnu í fyrirgjafastöðu, spyrnan er slök og Víkingar koma boltanum frá.

Búnir að einoka boltann hér þessar fyrstu mínútur og hafa komið sér í ágætis stöður.

Varnarmaður Borac heldur Djuric í teignum sem fellur við en ekkert dæmir Jan Petrik dómari leiksins. Varnarmaður Borac ekkert að spá í boltanum!

VAR skoðun búin og engin vítaspyrna dæmd.

Gísli Gotti með skot af löngu færi sem Manojlovic ver en missir boltann aðeins frá sér en grípur boltann að lokum.

Fór eflaust aðeins um stuðningsmenn Borac þarna.

Darraðadans í teig Borac eftir hornspyrnu Víkinga en Víkingar ná ekki skoti á markið og gestirnir hreinsa frá.

Nikolaj fær boltann í þröngri stöðu í teignum eftir langt innkast, nær að snúa og fer í skotið sem Manojlovic ver vel og boltinn í horn.

Gestirnir frá Bosníu og Hersegóvínu byrja með boltann og sækja í átt að Fífunni.

Víkingar klæðast sínum rauðsvörtu Evróputreyjum. Gestirnir leika í alhvítum búningum.

Mínútuþögn til að minnast fórnarlamba flóðanna í Valencia.

Liðin ganga til vallar, nú styttist í að þetta hefjist!

Stuðningsmenn FK Borac gerðu sér lítið fyrir og köstuðu flugeld inn á hlaupabraut Kópavogsvallar áður en þeir komu inn á völlinn. Þó stuðningsmenn Borac séu ekki margir megum greinilega búast við látum frá þeim.

Fyrsti markaskorari Víkinga í Sambandsdeildinni, Ari Sigurpálsson byrjar á bekknum.

Arnar Gunnlaugsson þjálfari Víkinga gerir tvær breytingar frá leiknum gegn Breiðablik, þar víkja Ari Sigurpáls og Tarik Ibrahimagic úr byrjunarliðinu.

Inn í byrjunarliðið koma þeir Davíð Örn Atlason og Viktor Örlygur Andrason.

Mladen Žižovic þjálfari FK Borac sat fyrir svörum á blaðamannafundi í gær.

„Víkingar eru með gott lið og hæfileikaríka leikmenn. Liðið er vel samansett af yngri og eldri leikmönnum sem hafa náð vel saman. Við reiknum því með erfiðum leik.“

Leikurinn fer fram á Kópavogsvelli á undirlagi sem ekki er algengt í efstu stigum Evrópu gervigrasi. Mladen var ekki á því að það væri Víkingum um of til tekna að vera vanari undirlaginu.

„Við þekkjum alveg að spila á svona velli og búum að því að hafa mætt KÍ Klaksvík við sömu aðstæður. Það er líka sambærilegur völlur í Banja Luka svo að við höfum undirbúið okkur.“

Bæði Víkingar og Borac mættu liði Egnatia frá Albaníu fyrr í sumar líkt og áður kemur fram. Mladen segir að lítið sé hægt að álykta út frá þeim leikjum.

„Okkar lið hefur styrkst mikið frá viðureign okkar við Egnatia. Bæði höfum við fengið nýja leikmenn inn og liðið hefur stillt sig betur saman. Það sama má segja um Víkinga og við getum lítið lært af þeirra viðureign í Albaníu. Það sem við horfum fyrst og fremst í er hvernig þeir spiluðu gegn Cercle Brugge og í deildinni á Íslandi.“

Veðbankar telja Víking líklegra liðið til að fara með sigur af hólmi.

Í flestum veðbönkum er Víkingur með stuðulinn í kringum 2,2 eða 2,3 á meðan stuðullinn á Borac er í kringum 3.

Á Lengjunni er til dæmis stuðullinn á sigur Víkings 2,15.

Okkar maður, Sverrir Örn Einarsson, ræddi við þjálfara Víkings, Arnar Gunnlaugsson, á Kópavogsvelli í gær.

Víkingur vann sögulegan 3-1 sigur gegn Cercle Brugge í síðasta Evrópuleik sínum. Það var fyrsti sigur íslensks liðs í riðla- eða deildarkeppni Evrópu.

„Það er mikið undir og við erum allt í einu komnir í draumastöðu. Ef við vinnum þá erum við í þeirri stöðu að þurfa ekki mörg stig í viðbót til að tryggja okkur í umspilið í þessari keppni, sem var okkar upphaflega markmið. Það er að miklu að keppa," segir Arnar Gunnlaugsson.

Líkt og eflaust flestir vita töpuðu Víkingar gegn Breiðablik í úrslitaleik um Bestu-deildina fyrir tæpum tveimur vikum.

Arnar Gunnlaugsson, þjálfari Víkinga vonar að liðið sé komið yfir þann leik.

„Fyrstu tveir dagarnir voru hálfgert sorgarferli. Það hefur verið mikil sigurganga undanfarin ár og það er smá sjokk að tapa svona leikjum, svona ný tilfinning.

,,Það tók alveg tíma að ná þessu úr kerfinu hjá leikmönnum. Við létum það alveg vera í eina viku að greina þennan leik, menn voru bara að æfa og svo á mánudaginn þá fórum við loks yfir þann leik og hvað mátti betur gera"

FK Borac rétt mörðu Egnatia í forkeppni Meistaradeildarinnar fyrr á þessu ári. Borac hafði betur eftir vítaspyrnukeppni.

Því er ekki frá sögu færandi nema að Egnatia er lið sem Víkingur sló út í forkeppni Sambandsdeildarinnar, fyrr á þessu ári. Víkingur tapaði fyrri viðureigninni heima en vann útileikinn 0-2.

FK Borac Banja Luka oftast kallaðir FK Borac eru andstæðingar Víkinga. Þeir koma frá Bosníu og Hersegóvínu og eru ríkjandi meistarar í deildarkeppni þar.

FK Borac eru enn ósigraðir í sambandsdeildinni en þeir eru með fjögur stig. Þeir gerðu 1-1 jafntefli við Panathinaikos í fyrstu umferð og unnu APOEL Nicosia í annari umferð.

Víkingur og Borac eiga það sameiginlegt að vera að spila í fyrsta sinn í deildar/riðlakeppni í Evrópu.

,,Þeir virðast kunna alla þætti leiksins mjög vel og eru ófeimnir við að sýna þá hvort sem þeir eru á útivelli eða heimavelli. Ég á von á að þeir verði frekar varfærnislegir á morgun. Þeir eru komnir með fjögur stig og jafntefli fyrir þá á erfiðum útivelli væru ekki slæm úrslit."

,,Hafandi sagt það reyna þeir náttúrulega að vinna leiki og eru með skeinuhætta leikmenn og góða leikmenn innanborðs," sagði Arnar Gunnlaugsson, þjálfari Víkings í samtali við Fótbolta.net í gærdag.

Leikurinn fer fram á Kópavogsvelli en heimavöllur Víkinga er ekki löglegur í Sambandsdeildinni.

Víkingar létu Kópavogsvöll ekkert trufla sig er þeir unnu sögulegan sigur á Cercle Brugge í síðustu umferð Sambandsdeildarinnar.

Leikurinn hefst klukkan 14:30 en ástæðan fyrir þessum óhefðbundna leiktíma er að á Kópavogsvelli eru ekki nægilega sterk fljóðljós. Því er nýtt dagsbirtuna og spilað snemma dags.

Á meðan allir eru komnir í frí halda Víkingar ótrauðir áfram í Evrópuvegferð sinni í Sambandsdeildinni. Liðið mætir nú FK Borac frá Bosníu og Hersegóvínu.