Steindautt markalaust jafntefli. Fyrsta stig beggja þessara liða komið.

Viðtöl og skýrsla væntanleg seinna í kvöld.

Tomic var nógu hress til að rölta af velli, Axel virðist aðeins verr farinn en hann þurfti þó ekki börurnar.

Það eru börur á leiðinni inn á völl. Axel og Tomic liggja ennþá og það er verið að vefja utan um hausinn á Tomic.

Axel og Tomic skella hérna saman og menn segja sjúkraþjálfurunum að drífa sig inn á völl. Vonandi er í lagi með menn.

Sævar Atli tapar boltanum á hættulegum stað. Oliver er kominn í góða stöðu inn í teig og leggur boltan á Omar sem er í dauðafæri. Hann hittir boltann illa hinsvegar og skotið framhjá.

Uppbótartíminn er 5 mínútur.

Omar Sowe fær boltann í góðu færi og hann neglir boltanum í stöngina! Þarna skall hurð nærri hælum fyrir heimamenn.

Omar Sowe með góðan bolta fram á Oliver sem sleppur í gegn. Hann reynir að senda boltann til hliðar á Þorlák Breka, en slök sending sem kemur fyrir aftan hann. Hann hefði verið með opið mark fyrir framan sig ef hann hefði hitt á Þorlák þarna.

Elmar tekur spyrnuna og hann reynir líka að skjóta undir vegginn. Boltinn fer af veggnum og Andri nær boltanum hann tekur skotið en í varnarmann.

Afturelding fær aukaspyrnu á næstum sama stað og áðan. Spyrnan þarf að vera betri núna.

Aron Jó tekur spyrnuna en hún er slök og beint í vegginn.

Brotið á Aroni Jó rétt fyrir utan teig. Hættuleg staða fyrir þessa aukaspyrnu.

Alvöru vesen inn á teig Aftureldingar eftir hornspyrnu. Milan Tomic nær svo skotinu í þvöguna en af varnarmanni og aftur fyrir.

Elmar Kári keyrir á varnarmanninn sinn sem bakkar bara frá honum. Þá kemur Georg á fleygiferð og Elmar leggur boltan á hann, Georg er þá í frábæru færi en skotið hans beint í Marcel.

Georg kemur með fyrirgjöfina inn í teig þar sem Aron Jó er galopinn. Hann reynir að skjóta í fyrsta en hittir boltann ekki vel og framhjá. Illa farið með gott færi.

Bjarki Björn tekur spyrnuna og reynir að skjóta undir vegginn en boltinn fer í veginn. Alex Freyr nær svo boltanum og á virkilega gott skot sem Jökull ver frábærlega!

ÍBV fær aukaspyrnu á stórhættulegum stað. Það verður skotið úr þessari spyrnu.

Afturelding keyrir upp hægra meginn og fyrirgjöfin kemur inn í teig. Arnór Gauti tekur þar skallann sem fer rétt framhjá markinu.

Annað skot hjá Þorláki, þetta var ekki jafn gott. Hátt yfir og langt framhjá.

Þorlákur Breki með flott hreyfingu og hristir pressuna af Georgi af sér. Hann fer svo í skotið sem er gott en rétt framhjá.

Vesen inn í teig Aftureldingar og þeim gengur bölvanlega að reyna að hreinsa. Eyjamenn ná svo skoti en í varnarmann.

Oliver kominn í hættulega stöðu inn í teig og tekur skotið. Það er varið af Jökli og aftur fyrir. Það kemur svo ekkert úr horninu.

Rólegum hálfleik lokið hér. Oliver Heiðars komst næst því að skora eftir algjöra gjöf frá Sigurpáli. Vonumst eftir líflegri seinni hálfleik.

Oliver með skotið fyrir utan teig en ekki mikil sannfæring í þessu, töluvert framhjá markinu.

Sigurpáll gefur boltann bara beint á Oliver og hann er þá bara einn gegn markmanni. Hann nær hinsvegar ekki að halda boltanum niðri og skýtur yfir markið.

Langur bolti fram á Hrannar, hann nær svo að búa sér til smá pláss inn í teig áður en hann skýtur en framhjá markinu.

Afturelding á aukaspyrnu sem Aron tekur og hann lyftir boltanum inn í teiginn. Sigurpáll nær skallanum og boltinn fer alveg greinilega í hendina á Sigurði Arnari en ekkert dæmt.

Hendin var eiginlega alveg upp við líkamann hjá Sigurði þannig réttur dómar að mínu mati.

Flottir taktar hjá Alex Frey, gefur hælspyrnu á Bjarka Björn fyrir utan teig og Bjarki tekur skotið en yfir markið.

Oliver Heiðars með hættulegan sprett upp hægri kantinn, hann nær hinsvegar ekki að gefa fyrir heldur fer sendinginn beint í varnarmann og aftur fyrir.

Aron tekur aukaspyrnu við hlið teigsins og lyftir boltanum í pakkann. Georg nær skallanum en boltinn rétt yfir markið.

Fyrsta alvöru sókn ÍBV, þeir koma sér í fína stöðu og Sigurður Arnar tekur skotið sem frer í varnarmann og afturfyrir. Þeir taka svo hornið og það skapast smá hætta en þeir hreinsa frá á endanum.

Hann skokkar aftur inn á og heldur áfram leik.

Alex Freyr þarf aðhlynningu eftir samstuð við Aron Jó, vonum að hann haldi áfram.

Aron Elí tekur skotið úr spyrnunni en beint í vegginn, slök spyrna. Aron fær svo boltann aftur og tekur annað skot en þetta fer framhjá.

Sigurður Arnar brýtur á Hrannari og Afturelding fær aukaspyrnu í góðu skotfæri.

Bjarki Björn sér að Jökull er kominn töluvert frá markinu sínu þannig Bjarki lætur bara vaða frá miðlínu. Slakt skot og ekki erfitt fyrir Jökul að grípa þennan.

Sigurður flautar leikinn af stað!

Magnús Már Einarsson þjálfari Aftureldingar gerir aðeins eina breytingu á sínu liði sem tapaði 2-0 fyrir Breiðablik í síðustu umferð. Það er Arnór Gauti Ragnarsson sem kemur inn í liðið en Andri Freyr Jónasson sest á bekkinn.

Þorlákur Árnason þjálfari ÍBV gerir engar breytingar og heldur sama byrjunarliði og tapaði gegn Víking 2-0 í síðustu umferð.

Sigurður Hjörtur Þrastarson verður með flautuna í dag en honum til aðstoðar verða Patrik Freyr Guðmundsson og Eðvarð Eðvarðsson.

Eftirlitsmaður KSÍ er Gylfi Þór Orrason og varadómari er Arnar Þór Stefánsson.

Eggert Aron Guðmundsson leikmaður Brann í Noregi og fyrrum leikmaður Stjörnunnar spáir í leiki umferðarinnar fyrir Fótbolti.net.

Afturelding 1 - 1 ÍBV
Bæði lið að koma úr erfiðum leikjum. Afturelding verður meira með boltann og verða skemmtilegir í sumar. En ÍBV kemst yfir, verður erfitt fyrir Eldinguna en Mosfellingar ná að jafna undir lok leiks með vítaspyrnu.

Bæði þessi lið spiluðu í Lengjudeildinni í fyrra en ÍBV vann deildina á meðan Afturelding endaði í 4. sæti en vann úrslitakeppnina. Liðin mættust tvisvar í fyrra en ÍBV vann 3-0 þegar þeir komu í heimsókn í Mosfellsbæinn. Afturelding náði svo fram hefndum sínum þegar þeir fóru til Vestmannaeyja og unnu þar 3-2.

Komið þið sæl og verið velkomin í beina textalýsingu frá leik Aftureldingar og ÍBV í 2. umferð Bestu deild karla.

Leikurinn hefst klukkan 17:00 og verður spilaður á Malbikstöðinni að Varmá.