11-0 sigur KR staðreynd. Skýrsla og viðtöl á leiðinni!

????KR 11 - KÁ 0
Mörkin úr leik KR gegn KÁ
??????Alexander Rafn Pálmason
????Aron Sigurðarson
???? Róbert Elís Hlynsson
??Sigurður Breki Kárason
??Luke Rae
??Eiður Gauti Sæbjörnsson
??Guðmundur Andri Tryggvason pic.twitter.com/naWKIp8RUB

— RÚV Íþróttir (@ruvithrottir) April 19, 2025

Held að það sé nú bara formsatriði að KR vinni þennan leik en KÁ menn reyna samt á fullu en KR-ingar eru í töluvert betra formi hér á vellinum

Af 40 metrum og er skotið beint á markið. Auðveldur bolti fyrir Sigurpál

En kemur ekkert úr þessu

KR leiðir 5-0 og búnir að vera mjög öruggir í sínum aðgerðum gegn fjórða deildar liðinu KÁ

Guðmundur Andri fær gott færi en skot hans er varið og KR fær Horn

KR-ingar hlaupa hér upp völlinn í skyndisókn sem endar með dauðfæri sem Aron skýtur framhjá markinu

En Sigurpáll í marki KR grípur þennan

Þar sem enn er unnið hörðum höndum við að skipta grasinu út fyrir gervigras á aðalvelli KR-inga, er þessi leikur spilaður á æfingavellinum fyrir aftan. En það nennir enginn að væla yfir því þar sem við fáum hér flottan leik á góðum degi!

Luke Rae er með skot sem fer hér yfir mark KÁ manna

Smá vandræðagangur í vörn KR og KÁ fær sitt fyrsta færi í þessum leik. En sókn þeirra rennur því miður út í sandinn. Verða að nýta tækifærin sín betur en þetta

KR og KÁ mættust einmitt á sama stigi í Mjólkurbikarnum fyrir ári síðan, þar sem KR hafði betur samtals 9-2. Leikurinn hófst þó ekki vel fyrir KR-inga þá, því það voru KÁ-menn sem komust yfir strax í upphafi með marki frá Bjarka Sigurjónssyni. Bjarki skoraði bæði mörk KÁ í þeim leik – og er einmitt í byrjunarliðinu hér í dag. Nær hann að stríða KR-ingum á ný?

Guðmundur Andri fiskar hér aukaspyrnu á góðum stað.

Sigurður Breki fær boltan eftir misheppnaða sendingu frá markmanni KÁ á varnamann KÁ. Sigurður Breki kemst í boltan en skot hans fer framhjá

Enginn ógn í þessu frá KR

Fær KR

Það er KÁ sem hefur þennan leik

KR-ingar gera sjö breytingar frá 3-3 jafntefli sínu gegn Val í Bestu deildinni. Út úr liðinu fara Jóhannes Kristinn, Finnur Tómas, Eiður Gauti, Gyrðir Hrafn, Ástbjörn Þórðarson, Atli Sigurjónsson og Aron Þórður. Inn koma í staðinn: Birgir Steinn, Guðmundur Andri, Aron Sig, Alexander Rafn, Vincente Valor, Róbert Elís og Hjalti Sigurðsson. Þrír ungir og efnilegir leikmenn fá tækifæri til að sýna sig í liði KR hér í dag: Alexander Rafn (15 ára) Róbert Elís (18 ára) Sigurður Breki (15 ára), sem átti frábæran leik gegn Val í síðustu umferð. KÁ gerir að minnsta kosti þrjár breytingar frá leiknum gegn KFR í 2. umferð Mjólkurbikarsins. Út fara Bjarki Sigurjóns, Egill Örn og Ágúst Jens. Inn koma Hrafnkell Váli, Rómeó Máni og Dagur Orri. Skemmtilegt er að meðalaldur byrjunarliða beggja liða er aðeins 23 ár og það sama gildir um meðalaldur varamannabekkjanna. Hér má sjá Sigurð Breka í baráttunni gegn Patrick Pedersen

Það er enginn annar en Aðalbjörn Heiðar Þorsteinsson sem sér til þess að leikurinn fari hér heiðarlega fram, en honum til aðstoðar verða þeir Andri Vigfússon og Smári Stefánsson.

Flestir leikirnir í 32 liða úrslitum eru nú þegar lokið, og hafa 12 lið þegar tryggt sér farseðilinn í 16 liða úrslit. Við höfum fengið nokkuð af óvæntum úrslitum, þar sem Kári (varalið ÍA) gerði sér lítið fyrir og vann Fylki 2–1 í Akraneshöllinni á fimmtudaginn. Þá fór Víkingur R., sem hafa komist í bikarúrslit síðustu fimm ár, í fýluferð til Vestmannaeyja þar sem ÍBV gerði sér lítið fyrir og lagði sigursælasta lið Íslands undanfarin fimm ár, 3–0 í heildina. Annars hafa önnur úrslit farið svolítið eftir bókinni. En stóra spurninga í dag er, fáum við óvænt úrslit hér á KR vellinum?

KÁ (Knattspyrnufélagið Ásvöllum) er varalið Hauka og spilar í 4. deildinni. Liðið hefur undanfarin tvö tímabil endað í 5. sæti í deildinni. Þar sem KÁ er í fjórðu deildinni hefur vegferð þeirra í Mjólkurbikarnum í ár verið aðeins lengri en hjá KR, sem eru að spila sinn fyrsta leik í bikarnum þetta tímabil. Hér er vegferð KÁ að 32 liða úrslitum í Mjólkurbikarnum: 1. umferð: Vængir Júpíters 1–2 KÁ 2. umferð: KÁ 3–2 KFR Til upplýsinga þá spilar Vængir Júpíter með KÁ í 4. deildinni, en KFR spilar í 5. deildinni í sumar.

KR-ingar hafa verið í smá lægð undanfarin ár eftir að hafa landað Íslandsmeistaratitlinum árið 2019. Undanfarin ár hafa þeir frekar verið að berjast um Evrópusæti en Íslandsmeistaratitilinn, og gengið hefur brösulega hjá þeim í bikarnum. Lægðin náði þó lágmarki síðasta sumar þegar liðið endaði í 7. sæti og var lengi vel í fallbaráttu yfir sumarið sem telst ekki ásættanlegt fyrir stórveldi líkt og KR. En eins og flestir knattspyrnuunnendur vita, þá tók Óskar Hrafn við liðinu síðasta haust. Maður hefur heyrt að Óskar sem og félagið í heild, sé með stóra drauma næstu árin og stefni beint aftur á toppinn! Gæti vegferðin að toppnum hafist með bikarævintýri í sumar?

KR 8 - 0 KÁ Bjarki Sigurjónsson verður í gjörgæslu í ár eftir að hafa skorað gegn KR í fyrra, KR-ingar spila sennilega með Luke Rae og Kristófer Orra í hafsent miðað við meiðslavandræðin þar og þeir leysa það vel með hreinu laki, Sigurður Breki skorar í dag eftir allan meðbyr vikunnar.

Góðan daginn, kæru lesendur! Verið velkomin í þessa beinu textalýsingu frá KR-vellinum þar sem stórveldið KR fær fjórðu deildar liðið KÁ í heimsókn í 32 liða úrslitum Mjólkurbikars karla. Fótbolti.net er auðvitað á staðnum og fylgist náið með gangi mála í þessari bikarviðureign.