Jafntefli í dag. FH að næla sér í sitt fyrsta stig á tímabilinu og KR að gera sitt þriðja jafntefli í röð. Viðtöl og skýrsla koma innan skamms en hér fyrir neðan er tengill á myndaveislu úr leiknum. Þakka samfylgdina, þangað til næst, takk fyrir mig.

   24.04.2025 11:30

Myndaveisla: FH og KR skildu jöfn í fyrsta grasleiknum

Böðvar tekur spyrnuna inn á teiginn sem fer beint á Arnór Borg sem skallar boltann yfir markið.

Misheppnuð hreinsun hjá KR og Arnór Borg kemst einn á móti Halldóri sem ver í horn!

Kemur sigurmarkið fyrir lokaflautið? Nær FH í fyrsta stigið sitt? Gera KR-ingar þriðja jafnteflið í röð?

Atli tekur spyrnuna inn á teiginn en FH-ingar verjast vel.

Kjartan Kári tekur spyrnuna aftur inn á teiginn sem KR-ingar hreinsa frá og bruna upp.

Kjartan Kári tekur spyrnuna inn á teiginn sem Kristófer Orri skallar aftur fyrir í annað horn.

Vel mætt í Krikann í kvöld.

KR-ingar með útfærslu af æfingasvæðinu sem leit vel út en FH-ingar gera vel og verjast þessu vel.

Atli Sigurjóns tekur spyrnuna inn á teiginn sem Hjalti skallar framhjá á nærsvæðinu.

Gabríel Hrannar kemst í dauðafæri eftir skemmtilegt samspil við Eið Gauta og tekur hörkuskot á markið af stuttu færi sem Mathias ver í horn.

Eiður Gauti fær boltann inni á teig með Faqa í bakinu og gerir vel í að snúa hann hálfpartinn af sér áður en hann tekur skotið sem fer í hliðarnetið.

Böðvar tekur spyrnuna inn á teiginn sem KR-ingar ná að hreinsa frá með herkjum.

Sigurður Bjartur fær boltann inni á teignum og tekur skotið á markið sem Halldór ver aftur fyrir í horn.

Kjartan Kári tekur spyrnuna inn á teiginn sem KR hreinsar frá.

Þá er Sigurður búinn að flauta til hálfleiks og eftir fjöruga byrjun eru hálfleikstölur 1-1. Tökum okkur korterspásu og mætum svo til baka að vörmu spori.

Birkir Valur kemur með góðan bolta inn á teiginn sem Sigurður Bjartur skallar yfir.

Kjartan Kári tekur spyrnuna inn á teiginn sem KR-ingar eru í veseni með að hreinsa frá og endar með því að Sigurður Bjartur skallar aftur fyrir í markspyrnu sem KR á.

Böðvar tekur spyrnuna inn á teiginn sem fer yfir Halldór og endar með því að Gyrðir skallar aftur fyrir hinum meginn.

Kjartan Kári með skot fyrir utan teig sem fer í varnarmann og aftur fyrir.

Kjartan Kári tekur spyrnuna inn á teiginn sem Júlíus Mar skallar frá.

Þeir standa nú báðir upp og leikurinn heldur áfram.

Birkir Valur og Eiður Gauti lenda eitthvað saman á miðjum velli. Faqa ýtti Eið á Birki Val og þeir þurfa báðir aðhlynningu.

Einhver útfærsla af æfingasvæðinu sem endaði skelfilega. Flaggið á loft, Luke Rae fyrir innan.

Birkir Valur kemur með góðan bolta út á Sigurð Bjart sem tekur skotið á markið en Halldór Snær ver mjög vel.

FH-ingar hafa stigið verulega upp eftir jöfnunarmarkið og náð að halda betur í boltann.

FH-ingar verjast hornspyrnunni vel.

Luke Rae fær langan bolta fram á sig og hann kemur honum til hliðar á Atla Sigurjóns. Atli tekur skotið í fyrsta sem Mathias ver aftur fyrir í horn.

Björn Daníel vinnur boltann ofarlega á vellinum og kemur honum til hliðar á Kristján Flóka sem tekur skotið á markið en Halldór Snær ver stórglæsilega í marki KR. Þarna átti Flóki að skora!

Böðvar tekur spyrnuna inn á teiginn sem fer aftur fyrir og markspyrna sem KR á.

Stuðningsmenn KR hafa ekki hætt að syngja og láta í sér heyra eftir upphafssparkið.

Sigurður Bjartur slapp í gegn eftir baráttu við Júlíus og tekur skotið sem Júlíus kemst fyrir.

4 af öftustu 5 leikmönnum KR-inga léku í Lengjudeildinni í fyrra.

Það eru gestirnir sem eiga upphafssparkið í dag. Ég trúi því að þetta verði skemmtilegur leikur.

Liðin ganga til vallar og vinka áhorfendum.

Heimir Guðjónsson, þjálfari FH, gerir tvær breytingar á sínu liði frá tapleiknum á laugardaginn gegn Fram í Mjólkurbikarnum. Grétar Snær Gunnarsson og Kristján Flóki Finnbogason koma inn í liðið fyrir þá Jóhann Ægi Arnarsson og Arnór Borg Guðjohnsen. Óskar Hrafn Þorvaldsson, þjálfari KR, gerir fjórar breytingar á byrjunarliði KR-inga eftir 3-3 jafnteflið við Val á dögunum í Bestu deildinni. Finnur Tómas Pálmason, Ásbjörn Þórðarson, Sigurður Breki Kárason og Gyrðir Hrafn Guðbrandsson koma úr byrjunarliðinu en þeir Júlíus Mar Júlíusson, Birgir Steinn Styrmisson, Mathias Præst og Hjalti Sigurðsson koma inn í liðið. Hinn fimmtán ára gamli Sigurður Breki sem byrjaði óvænt gegn Val er ekki í leikmannahópi KR í kvöld.

Óskar Hrafn Þorvaldsson, þjálfari KR, ræddi við Fótbolta.net í gær og var hann spurður út í leikinn gegn FH. „Það bíður upp á áskorun sem við hlökkum til að takast á við. Það er aðeins öðruvísi undirlag og leikurinn gæti þróast öðruvísi heldur en á gervigrasi. Við sáum það berlega í síðustu viku þar sem tvö lið mættust sem höfðu mæst á öðru undirlagi stuttu áður. Það voru engin líkindi með þeim leikjum, en það var ekki eins og liðið sem vann fyrri leikinn væri allt í einu orðið ömurlega lélegt fótboltalið, þetta er bara aðeins öðruvísi," sagði Óskar og vísaði þar í leiki ÍBV og Víkings. „Svo er þetta, held ég, spurning um hvernig þú kemur innstilltur í leikina. Ætlaru að láta undirlagið stjórna þér og finna því öllu til foráttu? Við vitum að Krikinn verður ekki góður, en við getum ekki látið það stjórna okkur."

   22.04.2025 14:30

Óskar Hrafn: Eru ekki einhver súkkulaði

Þór Llorens er spámaður 3. umferðarinnar hjá .net en hann hafði eftirfarandi að segja um leik FH-KR. FH 2 - 3 KR (18:00 í kvöld) Þetta verður markaleikur eftir bragðdaufan fyrri hálfleik, Jói Bjarna smellir einum uppi vinkilinn bara uppá banterinn.

Sigurður Hjörtur Þrastarson sér um að dæma leikinn í dag. Honum til halds og trausts verða þeir Patrik Freyr Guðmundsson og Kristján Már Ólafs. Varadómari kvöldsins er Gunnar Freyr Róbertsson og eftirlitsmaður KSÍ er Jón Sigurjónsson.

KR liðið er eitt skemmtilegasta lið deildarinnar og hafa boðið okkur upp á alvöru skemmtun í fyrstu tveimur leikjunum á tímabilinu. Eftir fyrstu tvo leikina er KR með 2 stig. Vesturbæjarliðið gerði jafntefli við KA og Val. Ásamt því unnu þeir KÁ í 32-liða úrslitum bikarsins 11-0.

FH er eina liðið án stiga eftir fyrstu tvær umferðrinar og eru þ.a.l. á botni deildarinnar. FH tapaði tveimur útileikjum gegn Stjörnunni og Vestra, báðum með einu marki. Seinustu helgi duttu þeir einnig úr bikarnum eftir 1-0 tap gegn Fram. Tímabilið fer því eins illa af stað og það gat gerst. Mikið hefur verið rætt og ritað um stöðu Heimis en vonandi hans og FH vegna breytist gengið þeirra í kvöld í fyrsta heimaleik tímabilsins.

Heilir og sælir ágætu lesendur og veriði hjartanlega velkomin í þessa þráðbeinu textalýsingu úr Hafnarfirði frá leik FH og KR í Bestu deildinni. Þetta er fyrsti grasleikur deildarinnar í sumar og Guðmundur Aðalsteinn fréttamaður Fótbolta.net kíkti á völlinn í gær og smellti af þessari mynd: