SKÝRSLAN: Sanngjarn sigur ÍBV í rokleik
Hvað réði úrslitum?
Eyjamenn voru heilt yfir betri aðilinn í leiknum og réðu betur við aðstæður heldur en Framarar. Framarar náðu að minnka muninn í lok fyrri hálfleiks og það leit út fyrir að það yrði meiri spenna í seinni hálfleik. Framarar náðu þó ekki að skapa sér neitt hættulegt að ráði því var þetta sanngjarn sigur ÍBV.
Bestu leikmenn
1. Bjarki Björn Gunnarsson
Mark og stoðsending. Heilt yfir mjög góð frammistaða hjá Bjarka. Var mjög duglegur og skapaði mikið sóknarlega fyrir ÍBV.
2. Alex Feyr Hilmarsson
Flott frammistaða hjá fyrirliðanum. Er alltaf öflugur og solid á miðjunni hjá Eyjamönnum. Er svo með stoðsendingu á Oliver í þriðja marki ÍBV sem gerði út um leikinn.
Atvikið
Þegar Oliver er sloppinn einn í gegn og lendir í samstuði við Viktor Frey Sigurðsson markvörð Fram fyrir utan Teig. Stúkan fór á flug og vildi rautt en dómarinn mat það svo að hann hafi tekið boltann á undan.
Hvað þýða úrslitin?
ÍBV er núna með fjögur stig og kemur sér upp fyrir Fram og í sjötta sætið á meðan Fram fer í sjöunda sætið.
Vondur dagur
Enginn sem átti slæman dag. Þetta voru erfiðar aðstæður til að spila fótbolta. Þannig þrumuguðinn Þór á Þórsvelli fær slæman dag.
Dómarinn - 8
Ágætlega dæmdur leikur hjá Jóhanni en þó einhver vafaatriði. Eins og þegar hann ákveður að stöðva leikinn í miðri sókn hjá Eyjamönnum þegar leikmaður Fram liggur en er svo bara allt í lagi með hann. Annað vafaatriði þegar Oliver er sloppinn í gegn en frá mínu sjónarhorni leit þetta út fyrir að markvörður Fram hafi tekið boltann og því rétt ákvörðun.