SKÝRSLAN: Breiðablik fyrsta liðið til að vinna Vestra
Hvað réði úrslitum?
Sigurmark Höskuldar var óumflýjanlegt að mínu mati. Breiðablik virkuðu mun betur stemmdir inn í leikinn, héldu vel í boltann og sköpuðu mörg tækifæri. Heimamenn virtust uppteknari af dómaranum heldur en eigin leik og virtust ekki hafa neitt plan B til staðar ef að Blikar myndu skora
Bestu leikmenn
1. Óli Valur Ómarsson
Gríðarlega hættulegur í dag. Keyrði á varnarmenn Vestra trekk í trekk og skapaði usla.
2. Ágúst Orri Þorsteinsson
Breytti leiknum í dag. Kom inn af gríðarlegum krafta og tók leik Blika upp á hærra plan.
Atvikið
Vítaspyrnan kannski sem þó skipti ekki öllu. Óli Valur virtist detta mjög ónáttúrulega í teignum en Fatai bauð Vilhjálmi kannski að dæma. Rangur dómur að mínu mati.
Hvað þýða úrslitin?
Vestri er ennþá í fínum málum. 7 stig eftir 4 leiki er ekki slæmt. Blikar eru í ágætum gír, gerðu það sem þeir þurftu að gera og eru með 9 stig.
Vondur dagur
Set þetta á Davíð Smára. Liðið virtist ekki rétt gírað í leikinn, virkuðu trekktir og orkan frá því neikvæð. Þeir eru bestir þegar þeir láta keppnisgleðina ráða för en gleðin var víðsfjarri í dag.
Dómarinn - 5
Byrjaði á að spjalda fyrir litlar sakir í fyrri hálfleik og virtist vera ósamræmi í dómgæslunni sem kom þó ekki að sök þar sem ekkert stórt kom uppá. Dæmir þetta víti í lokin sem hefði mátt sleppa