Patrekur Orri Guðjónsson @

- Meðalaldur 22 ár

- Meðalaldur 22 ár

Textalýsing Skýrslan

Hvað réði úrslitum? Skiptingarnar hjá Ása og Vigga skiluðu svo sannarlega, öll þrjú mörk Hvíta komu af bekknum. Robbi og Siggi skora báðir eftir að hafa verið mínútu inná. Gríðarlega sterkur bekkur Hvíta í dag og skiptingar á réttum tíma skiluðu 3 fyrstu stigum 3. deildar til Mosó. Leikurinn var mjög jafn og jafntefli hefði verið réttlætanleg niðurstaða. Bestu leikmenn 1. Sigurður Brouwer Flemmingsson Siggi Flemm breytti leiknum í dag fyrir Hvíta menn, skorar annað markið og leggur svo upp sigurmarkið. Flemmarinn er einstakur leikmaður, sóttur ungur og reynslulítill frá Danmörku inn í landsfrægu Álafoss akademíuna, mótaðist þar í hörku leikmann sem var svo færður yfir til Hvíta. Þar hefur hann vaxið með hverju árinu og er kominn með risa hlutverk í þessu skemmtilega Hvíta liði. 2. Einar Már Þórisson Langbesti leikmaður KV í dag, tók við fyrirliðabandinu í seinni hálfleik eftir að Askur fór útaf. Einar sá alfarið um sóknarleikinn hjá KV í dag, ef eitthvað gerðist, þá var það í gegnum hann. Hann tók einnig og skoraði víti KV manna sem jafnaði leikinn í 2-2. Það verður mikilvægt fyrir KV að Einar nái að spila sem flesta leiki í sumar, frábær leikmaður. Atvikið Klárlega þessar 5 mínútur frá 75. til 80. Hvíti komast yfir og fagna gífurlega, KV fara beint að sækja, fiska víti, jafna, og svo fær Róbert Andri rautt 2 mínútum seinna. Svakalegar mínútur sem við fengum að upplifa á Malbikstöðinni!

Hvað þýða úrslitin? Hvíti byrjar tímabilið á heimasigri, og króna á toppi deildinnar með 3 stig, enda var þetta opnurnarleikurinn. KV fara svekktir heim í Vesturbæinn, en hef engar áhyggjur af því að þeir koma ekki sterkir til baka í næsta leik gegn Reyni. Vondur dagur Þar sem að enginn leikmaður átti einhvern hauskúpuleik, þá tel ég vondur dagur eiga að gilda fyrir þá sem að ákváðu að sleppa að mæta á leikinn. Ég á góðan vin sem ákvað að sleppa að mæta, sá er eflaust að naga sig í handabökin núna. Yndislegt veður, markaveisla, víti, rautt spjald, flautumark, þessi leikur í dag hafði allt. 3. deildin í ár byrjar svo sannarlega að krafti. Það verður spennandi að fylgjast með þessari óútreiknanlegu deild í sumar. Dómarinn - 4 Ekki góður dagur á skrifstofunni hjá dómara dagsins, bæði lið eflaust ekki sátt með dómgæsluna. Hann Hallgrímur vinur minn virkaði óöruggur í dag, hikaði oft að dæma, leikmenn vissu aldrei hvað myndi gerast. Missir leikinn þegar hann dæmir tvö gul spjöld á einu bretti. Allir eru þó mannlegir og ég trúi ekki öðru en hann mætir sterkur til baka, enda frábær dómari.

- Meðalaldur 24 ár

- Meðalaldur 24 ár