Víkingar ná að landa þessum sigri! Viðtöl og fleira á leiðinni, þangað til næst, takk fyrir mig!

Israel Garcia tekur spyrnuna inn á teiginn sem Oliver Ekroth skallar frá!

Víkingar fara út í horn og taka tíma af klukkunni, klárir þarna. Viktor tekur svo markspyrnu sem fer beint útaf í innkast. Rétt rúmlega mínúta eftir af uppbótartímanum.

Israel Garcia tekur spyrnuna inn á teiginn Kyle McLagan skallar rétt framhjá. Framarar vildu aðra hornspyrnu en fá hana ekki.

Fred tekur spyrnuna á fjærsvæðið sem Kyle kemst í en Pálmi gerir svo vel að handsama boltann.

Gylfi með góða sendingu í fyrsta á Ali sem reynir skoritð fyrir utan teiginn en skotið fer rétt framhjá. Munaði ekki miklu þarna að Ali hefði skoraði fyrsta markið sitt í frumraun sinni.

Ingvar er aftur kominn niður og biður um skiptingu. Þetta eru ekki góðar fréttir fyrir Víkinga.

Ingvar stendur upp og ætlar að halda hér leik áfram. Hann virkar samt ekki 100% fyrir mér.

Ingvar Jóns fer niður og heldur utan um náran sýnist mér. Hann fékk eitthvað tak um leið og hann ætlaði að senda boltann sem fór út í innkast. Hann þarf aðhlynningu

Leikurinn er afar rólegur þessa stundina, ekki mikið um færi. Framarar að stíga ofar og ofar á völlinn en Víkingar að verjast þessu ágætlega til þessa.

Israel Garcia kemur með góðan bolta inn á teiginn sem ratar beint á pönnuna á Má Ægissyni. Már skallar boltann rétt framhjá. Það má heyra öskrið hans Helga Sig alla leið upp í Úlfarsárdal þegar hann sá þennan fara framhjá.

Matti Villa á skrítna sendingu til baka sem Magnús kemst fyrir en hann tekur ekki á móti boltanum, af hverju veit ég ekki. Ingvar gerir þá vel og nær snertinu á boltann áður en hann nær alveg að koma boltanum útaf í innkast.

Helgi tekur spyrnuna stutt á Gylfa. Gylfi kemur með frábæran bolta á fjærsvæðið þar sem Matti Villa er og hann skallar boltanum rétt yfir markið. Lítið sést til Matta hingað til en hann minnti á sig þarna.

Gestirnir úr Úlfarsárdalnum koma þessu í gang á ný fyrir okkur.

Víkingar leiða 2-1 í hálfleik. Gífurlega mikilvægt mark hjá Vuk fyrir Framara. Sjáumst aftur að vörmu spori.

Fred tekur spyrnuna stutt á Harald sem reynir fyrirgjöf í fyrsta en Víkingar verjast því mjög vel.

Gylfi Sig tekur spyrnuna inn á teiginn og það myndast mikið klafs inni á teignum. Stígur Dilján reynir skotið sem fer inni þvöguna og svo nær Viktor að lokum að gera vel og handsama boltann.

Eina BBQ king takk. #ekkiad

Bæði lið skiptast á að halda í boltann en gera lítið á honum.

Gylfi vinnur boltann ofarlega á vellinum og Framarar kvarta hressilega og vilja aukaspyrnu. Gylfi kemur boltanum til hliðar á Erling áður en hann fær aftur boltann og er kominn einn gegn Viktori Frey í markinu. Viktor étur bara Gylfa þarna. En Víkingar halda áfram að sækja.

Gylfi Sig tekur spyrnuna inn á teiginn sem Stígur skallar framhjá.

Tibbling tekur spyrnuna stutt á Harald sem kemur með fyrirgjöf en Gilli skallar frá.

Svona sé ég þetta fyrstu mínúturnar. Víkingur R. (4-4-2) Ingvar Davíð - Ekroth - Gilli - Helgi G Erlingur - Tarik - Matti - Stígur Nikolaj H - Gylfi Sig Fram (5-2-3) Viktor Chopart - McLagan - Sigurjón - Israel - Haraldur Tibbling - Fred Vuk - Magnús - Már

Gylfi tekur spyrnuna og reynir að fara í markmannshornið en boltinn fer rétt framhjá.

Gylfi Sig tekur spyrnuna inn á teiginn sem Oliver Ekroth skallar framhjá.

Það eru heimamenn sem hefja hér leik í kvöld, nánar tiltekið Gylfi Þór Sigurðsson. Ég var að detta inn í fjölmiðlastúkuna, tímasetti þetta upp á 10!

Er kominn tími á mark frá Gylfa Þór í Víkingsbúning? Samkvæmt Epic eru þriðjungslíkur á því að Gylfi skori í leiknum í kvöld en þeir bjóða upp á stuðulinn 3,0 á mark frá honum. Sá sem er talinn líklegastur til að skora hjá Fram er Vuk Óskar sem er stuðli 4.

Oliver Ekroth er klár í slaginn eftir að hafa meiðst í upphitun fyrir leikinn gegn Val. Þá kemur Nikolaj Hansen inn í byrjunarliðið í fyrsta sinn á tímabilinu. Gunnar Vatnhamar og Valdimar Þór Ingimundarson eru ekki í hópnum. Þá kemur Matthías Vilhjálmsson inn fyrir Daníel Hafsteinsson. Þá er nýji maðurinn Ali Basem Almosawe á bekknum. Lið Fram er óbreytt frá 3-0 sigri gegn Aftureldingu. Guðmundur Magnússon er áfram á bekknum.

Fanndís Friðriksdóttir spáir í spilin fyrir 5. umferðina en svona spáir hún að leikur Víkinga og Fram fari í kvöld. Víkingur 3 - 1 Fram (í kvöld, 19:15) Víkingar í smá brasi en vinna þennan 3-1.

Hinn mikli meistari og fagmaður Elías Ingi Árnason sér um að dæma leikinn í kvöld en honum til aðstoðar verða þeir Eysteinn Hrafnkelsson og Antoníus Bjarki Halldórsson. Gunnar Oddur Hafliðason er varadómari á meðan Þórður Ingi Guðjónsson er eftirlitsmaður KSÍ.

Víkingur Reykjavík byrjaði tímabilið á tveimur sigrum í röð en eftir þá leiki hafa þeir tapað einum, gert eitt jafntefli og dottið úr Mjólkurbikarnum. Í seinustu umferð gerðu þeir 1-1 jafntefli við Val á útivelli en með sigri í dag geta þeir jafnað Vestra á stigum á toppnum og farið á toppinn ef Blikar vinna ekki gegn KR í dag. Hvenær vaknar Gylfi? Það hefur mikið verið rætt og ritað um byrjun Gylfa á mótinu. Gylfi fékk rautt spjald í fyrstu umferð mótsins á móti ÍBV en síðan þá hefur lítið sést til markahæsta landsliðsmanns Íslands frá upphafi í Víkingstreyjunni. Margir segja að leikurinn í kvöld sé kjörið tækifæri fyrir Gylfa að byrja tímabilið á fullu.

Framarar unnu góðan 3-0 sigur í seinustu umferð á Aftureldingu í Úlfarsárdalnum. Fram er með 6 stig eftir fjóra leiki en hinn sigur liðsins kom gegn Íslandsmeisturunum Breiðablik. Eftir fjóra leiki eru Framarar í 6. sæti deildarinnar með tvo sigra og tvö töp. Með sigri geta þeir farið tveimur sigrum fyrir ofan Víkinga og endað kvöldið í topp 3 jafnvel. Það verður fróðlegt að sjá hvort þeir nái að tengja saman tvo sigra í fyrsta sinn á árinu.

Veriði hjartanlega velkomin í þessa þráðbeinu textalýsingu frá leik Víkings og Fram í Bestu deild karla. Mjög áhugaverður slagur framundan. Besta-deild karla 19:15 Afturelding-Stjarnan (Malbikstöðin að Varmá) 19:15 Breiðablik-KR (Kópavogsvöllur) 19:15 Víkingur R.-Fram (Víkingsvöllur)