Þvílíkur leikur hjá heimamönnum. Yfirspila Stjörnuna og eru miklu betri aðilinn í leiknum. Hvað Stjarnan ætlar sér í þessari deild er annað mál.

Allt bendir til 3-0 sigurs Aftureldingar.

Sýnist hann geta haldið leik áfram. Já, hann er kominn inn á.

Elmar Kári fer upp í skallabolta sem hann tapar fyrir Alex Þór. Hann Elmar virðist lenda mjög illa og þarfnast aðhlynningar.

Það endar í hornspyrnu fyrir Aftureldingu sem Stjörnumenn ná að hreinsa.

Tekur Andra Adolphsson og platar hann upp úr skónum svo vel að Andri rennur við mikla hrifningu Aftureldingar fólks í stúkunni.

Andri Rúnar rennir boltanum út á vinstri kantinn þar sem Jón Hrafn nær að teikna upp skot sem Jökull ver í horn. Skot í stöng eftir hornið en boltinn endar að lokum í markspyrnu.

Aron Jó leggur boltann til hliðar á Sævar Atla sem á skot úr góðu færi en boltann rétt framhjá markinu.

Bjargar því að Guðmundur Baldvin komist í hörkufæri og tæklar boltann í innkast.

Þvílíkur leikmaður. Þræðir nálarauga og fer framhjá svona þremur Stjörnumönnum í einni hreyfingu. Skot hans með hægri fer síðan í hliðarnetið.

Ná skalla en hann fer framhjá markinu. Vinna aðra hornspyrnu skömmu seinna.

Leikurinn farinn aftur í gang. Queen Hanna Sím færði undirrituðum besta hamborgara sem hann hefur smakkað í hálfleik. Takk Hanna.

Heimamenn leiða 1-0 í hálfleik með marki Hrannars Snæs sem kom á 9. mínútu leiksins eftir flotta sendingu frá Elmari Kára.

Emil Atla sýnist að mér virðist vinna Gunnar Bergmann löglega í skallabolta og setur síðan boltann sjálfur í netið. Twana dæmir brot á Emil. Undirritaður er ekki sannfærður.

Líklega svona mikill vegna meiðsla Samúels Kára hér fyrir stuttu síðan.

Hrannar tekur langt innkast sem Axel Óskar flikkar áfram. Það endar í horni hinu megin.

Gummi Kri með sendingu út til vinstri á Örvar Loga, fyrirgjöf fyrir og boltinn fyrir Benedeikt sem nær skoti en það fer í varnarmann og í horn.

Stokke gerir vel í að koma boltanum fyrir lappirnar á Elmari sem er að mér sýndist bara hrint en Twana veifar þetta áfram.

Jökull með góðan bolta fram sem Elmar Kári nær að framlengja með skalla í hlaupaleiðina fyrir Stokke. Stokke vinnur hornspyrnu sem ekkert verður úr.

Emil Atla nær góðum skalla fyrir lappirnar á Samúel Kára en Emil hefur verið rangstæður þegar sendingin kom.

Jökull markmaður og Aron Elí virðast hvorugir kalla eftir boltanum þegar hann svífur inn á teiginn frá Benedikt Warén. Það endar með því að Jökull tæklar Aron sem átti sér einskis ills von.

Hrannar Snær kemst vel upp vinstri kantinn og nær alla leið að endalínu þaðan sem hann kemur boltanum út í teiginn á Sævar sem á skot beint á Árna Snæ.

Benedikt nær að leika á varnarmenn Aftureldingar en fyrirgjöfin er slegin af Jökli í horn. Hornið tekur sjálfur Benedikt en aftur grípur Jökull inn í og í þetta skiptið heldur hann boltanum.

Örvar Logi aleinn úti á vinstri kanti og nær fyrirgjöf sem heimamenn skalla í horn.

Jökull markmaður og félagar í vörninni hafa verið að spila sín á milli í byrjun leiksins en þarna skall hurð nærri hælum og Stjörnumenn voru næstum því búnir að ná boltanum. Eldingin geysist síðan upp og Aron Jó kemst í skotfæri en skotið í varnarmann. Liðin mikið fram og til baka.

Elmar á flottan sprett upp hægri kantinn og kemst framhjá Örvari Loga en skotið hans lengst framhjá markinu. Stemningsbyrjun!

Stjarnan hengir einn langan fram og þeir ná skoti sem er tiltölulega beint á Jökul sem slær boltann niður og grípur hann svo.

Leikurinn er farinn í gang og leika heimamenn í átt að þjóðveginum á meðan að Stjarnan leika í átt að Varmá. Stjörnumenn byrja með boltann.

Liðin eru lögð af stað frá Varmá og Aggi vallarþulur kynnir liðin til leiks. Þetta fer að bresta á!

Samkvæmt stuðlunum á Epic þá er Stjarnan talin líklegri til sigurs hér í kvöld og eru á 2,2 á meðan stuðullinn á Aftureldingu er 3. Jafnteflið stendur til boða fyrir þá sem þora á stuðlinum 3,9.

Bæði lið koma með tap á bakinu inn í þennan leik. Stjarnan tapaði á heimavelli fyrir ÍBV í síðasta leik 2-3 og Afturelding fékk skell upp í Úlfarsárdal þar sem þeir heimsóttu Fram og töpuðu 3-0.

Byrjunarliðin eru dottin í hús, en þar vekur einna helst athygli að Benjamin Stokke, framherjinn geðugi sem spilaði með Breiðabliki á síðasta tímabili, byrjar hjá Aftureldingu.

Fanndís Friðriksdóttir, leikmaður Vals í Bestu-deild kvenna, spáði í spilin fyrir 5. umferðina og hafði þetta um þennan leik að segja: Afturelding 2 - 1 Stjarnan (mán, 19:15) Afturelding vinnur þennan leik, 2-1.

Hvorugt þessara liða hefur farið með himinskautum nú í byrjun móts. Fæst mörk hafa verið skoruð í leikjum Aftureldingar (6 í 4 leikjum) en heimamenn sitja í 11. sæti Bestu-deildarinnar með 4. stig eftir 4 umferðir. Stjarnan er í 7. sæti, með 7 mörk skoruð og 7 mörk fengin á sig en gestirnir úr Garðabæ eru með 6 stig eftir fyrstu 4 umferðirnar. Kannski óþarfa stílbrot að vera ekki með 7 stig.

Dómari leiksins í dag er Twana Khalid Ahmed en samkvæmt öruggum heimildum undirritaðs gerir Twana einar albestu pulsur landsins. Spyrjið bara Anton Frey Jónsson. Twana til aðstoðar eru Bryngeir Valdimarsson og Eðvarð Eðvarðsson og þá er Aðalbjörn Heiðar Þorsteinsson varadómari leiksins.

Góðan og blessaðan kæru lesendur og verið hjartanlega velkomin í þessa beinu textalýsingu frá Malbikstöðinni að Varmá þar sem heimamenn í Aftureldingu taka á móti Stjörnunni úr Garðabæ. Besta-deild karla 19:15 Afturelding-Stjarnan (Malbikstöðin að Varmá) 19:15 Breiðablik-KR (Kópavogsvöllur) 19:15 Víkingur R.-Fram (Víkingsvöllur)