Sverrir Örn Einarsson @SEinarsson

- Meðalaldur 25 ár

- Meðalaldur 22 ár

Textalýsing Skýrslan

Hvað réði úrslitum? Gestirnir úr FH voru skarpari fyrir framan mark ÍA svo einfalt er það. Leikurinn sem slíkur var nokkuð jafn og liðin skiptust á að setja pressu hvort á annað. Lið FH nýtti sín augnablik hins vegar mun betur og þvinguðu fram fleiri mistök en heimamenn. Bestu leikmenn 1. Kjartan Kári Halldórsson Áræðinn og hikar ekkert við að keyra á varnir andstæðinga FH. Uppskar í dag tvö snyrtileg mörk og gerði heilt yfir vel. 2. Björn Daníel Sverrisson Vinnsla á miðjunni og útsjónarsemi í spili FH. Ef Björn Daníel er að finna taktinn er alveg von til þess að FH geti rétt úr kútnum og vel það enda gæðaleikmaður. Atvikið Annað mark FH slekkur vel í þeim neista sem var í liði ÍA framan af. Dapur varnarleikur þar sem FHingar ná að leika sín á milli inn í teig ÍA og uppskera mark.

Hvað þýða úrslitin? FH lyftir sér af botninum og fara í 7 stig í 10. sæti deildarinnar Lið ÍA í því 11. með 5 stig. Vondur dagur Skaginn og vinnusemi. Þetta átti eitt sinn afar góða samleið á fótboltavellinum en á köflum í kvöld vantaði talsvert uppá. Lýsandi dæmi er þriðja mark FH þar sem Birkir Valur fær að labba framhjá Alberti Hafsteinssyni sem varðist afar letilega og leit illa út þegar Birkir lagði upp mark fyrir Tómas Orra, Dómarinn - 8 Helgi og hans teymi með sitt á hreinu í dag. Hiti á köflum í leiknum en þeir sinntu sínu starfi af röggsemi og geta gengið sáttir frá borði.

- Meðalaldur 26 ár

- Meðalaldur 23 ár