SKÝRSLAN: Fjórir Sigurðar og þrír Sveinar
Hvað réði úrslitum?
Kormákur/Hvöt nýtti þrjú föst leikatriði, eitt þeirra reyndar með skoti vel fyrir utan teig, og vann sanngjarnan sigur á Grenivik. Gestirnir voru heilt yfir í leiknum en þeir Sigurður Hrafn og Sigurður Brynjar í hjarta varnarinnar hjá Magna voru öflugir með þá Hauk Leo fyrir framan sig og Einar Ara í markinu fyrir aftan sig. Þegar Sigurður Pétur kom gestunum yfir með draumamarki þá voru úrslitin nánast ráðin en Sigurður Bjarni innsiglaði hann í uppbótartíma.
Bestu leikmenn
1. Sigurður Pétur Stefánsson
Frábær á miðsvæðinu, völlurinn á Grenivík batnaði ekki í dag eftir öll hlaupin hjá Sigurði sem kórónaði sína frammistöðu með fallegasta marki ferilsins.
2. Matheus Götler
Gæðamesti leikmaður vallarins, dansaði með boltann og þó að hann kom ekki með beinum hætti að neinu marki, þá var hann alltaf að skapa eitthvað.
Atvikið
Mark Sigurðar Péturs, geðveikt mark eins og sjá má í viðtalinu við hann í kvöld, þetta mikilvæga þriðja mark eins og talað er um.
Hvað þýða úrslitin?
Kormákur/Hvöt fer áfram í 16-liða úrslitin, verður í pottinum á föstudag. Magni fer ekki á Laugardalsvöll þetta árið.
Vondur dagur
Aron Elí var í brasi í hægri bakverðinum hjá Magna með Jón Pétur en Stefán Freyr Jónsson fær þetta fyrir að krækja sér í rautt spjald eftir lokaflautið og missir af 16-liða úrslitunum. Stefán átti einhver orðaskipti við Garðar Gísla og ýtti í hann þegar menn, flestir allavega, voru að þakka hver öðrum fyrir leikinn.
Dómarinn - 10
Þrír Sveinar dæmdu þennan leik og fá sjö fyrir dómgæsluna og einn heilan fyrir hvern Svein í teyminu. Sveinn Arnarsson, Sveinn Þórður Þórðarson og Sveinn Óli Bogason með fína stjórn á þessu.