Arnar Daði Arnarsson @arnardadi

- Meðalaldur 25 ár

- Meðalaldur 22 ár

Textalýsing Skýrslan

Hvað réði úrslitum? Þegar stórt er spurt. Seiglan, krafturinn og orkan? FH-ingar virtust vera orðnir þreyttir og það leit út fyrir eins og þær væru hreinlega að bíða eftir að Ívar Orri myndi flauta leikinn af. Það boðar aldrei gott og FH-ingum var refsað fyrir slíkt. Bestu leikmenn 1. Eiður Gauti Snæbjörnsson Skoraði tvö síðustu mörk leiksins. Réttur maður á réttum stað í þeim báðum. 2. Jóhannes Kristinn Bjarnason Lagði upp fyrstu tvö mörk KR í leiknum. Hljóp og djöflaðist allan leikinn fyrir KR sem skilaði sér í þessum langþráða sigri. Atvikið Atli Hrafn fékk svakalegt dauðafæri sem hefði getað komið KR yfir þegar tíu mínútur voru eftir en skalli hans af stuttu færi fór ekki á markið. Sem betur fer fyrir Atla Hrafn þá hafði það ekki áhrif á niðurstöðu leiksins.

Hvað þýða úrslitin? KR fer upp fyrir FH í töflunni. KR er í 8.sæti deildarinnar með 16 stig á meðan FH er í 9.sæti með 14 stig. Vondur dagur Það reyndi ekki mikið á Halldór Snæ í marki KR í leiknum. En maður verður að setja kröfu á að hann verji skot líkt og kom frá Kjartani Kára í öðru marki FH í leiknum. Að hann hafi leyft Kjartani Kára að skora er með ólíkindum. Hann virtist alls ekki treysta varnarveggnum, tekur 1-2 skref í átt að nærhorninu en spyrna Kjartans fer beinustu leið í fjærhornið og Halldór illa staðsettur og nær ekki til boltans. Vont. Eiður Gauti og sigur KR kemur sennilega í vegfyrir það að Halldór Snær sofi illa í nótt. Dómarinn - 8 Það er ekki hægt að kvarta yfir frammistöðu Ívars Orra í þessum leik.

- Meðalaldur 25 ár

- Meðalaldur 24 ár