SKÝRSLAN: Sterkur heimasigur Víkings gegn nýliðunum
Hvað réði úrslitum?
Reynsla heimamanna kom þeim að góðum notum í þessum leik. Þeir áttu ekkert endilega skilið þrjú stig úr þessum leik en þeir fara bara og sækja þau.
Bestu leikmenn
1. Nikolaj Hansen
Sjálfvalið. Skorar tvö mörk og er alltaf réttur maður á réttum stað.
2. Oliver Ekroth
Klettur í vörninni, eins og alltaf. Á svo frábæra sendingu yfir vörn Aftureldingar í sigurmarkinu.
Atvikið
Sigurmarkið á 79 mínútu leiksins. Það gerði endanlega út af við leikinn og kannski að einhverju leyti óvænt.
Hvað þýða úrslitin?
Úrslitin þýða að Víkingur heldur toppsæti Bestu deildar karla og eru með þriggja stiga forskot á Breiðablik. Nýliðarnir úr Mosó sitja hins vegar sem fastast í sjöunda sætinu með 17 stig eftir þrettán leiki.
Vondur dagur
Erfitt að segja til um þetta. Það má alveg nefna vörn Aftureldingar í þessu samhengi. Fyrra markið kemur eftir auðvelda stungusendingu í gegnum vörnina. Þar hefði verið hægt að gera betur. Seinna markið kemur svo yfir bolta sem svífur yfir alla vörnina og bara formsatriði fyrir Nikolaj að klára það.
Dómarinn - 7
Twana skilaði bara af sér fínu verki í kvöld.