Haraldur Örn Haraldsson @haraldur_orn

- Meðalaldur 23 ár

- Meðalaldur 20 ár

Textalýsing Skýrslan Viðtöl

Hvað réði úrslitum? Fyrri hálfleikur var ekki mikið fyrir augað, Fjölnismenn töluvert betri en ekki að skapa sér mikið af færum. Þeir skora eina mark leiksins úr vítaspyrnu á 10. mínútu. Leiknismenn byrja svo seinni hálfleikinn mjög vel en missa Jón Arnar Sigurðsson af velli með sitt annað gula spjald á 52. mínútu. Þá taka 10 Leiknismenn gjörsamlega yfir leikinn alveg fram að síðustu mínútu. Boltinn vildi samt bara ekki inn fyrir þá og Fjölnismenn fagna gríðarlega mikilvægum sigri. Bestu leikmenn 1. Þengill Orrason (Fjölnir) Þengill var bæði öflugur varnarlega þegar Leiknir átti sína bestu kafla, svo var hann oft sá sem byrjaði sóknirnar hjá Fjölni með því að stíga upp úr vörninni og koma boltanum upp í fremstu línu. 2. Axel Freyr Harðarson (Leiknir) Þrátt fyrir að þeir tapa leiknum, verð ég að gefa Axel hrós. Hann var allt í öllu í sóknarleik Leiknis og hann verðskuldaði mark eða stoðsendingu. Það tókst bara því miður fyrir hann ekki í dag. Atvikið Jón Arnar Sigurðsson fær sitt annað gula spjald á 52. mínútu. Rétt dæmt og Leiknismenn einum færri.

Hvað þýða úrslitin? Fjölnir jafnar Leikni að stigum og það sem meira er, þá eru liðin með nákvæmlega sömu markatölu. Ég geri ráð fyrir því að Fjölnir fari þá yfir Leikni í töflunni á innbyrðis viðureignum eftir sigurinn í dag. Fjölnir þá í 10. sæti og Leiknir í 11. sæti. Vondur dagur Jón Arnar Sigurðsson fær rauða spjaldið og hann getur bara sjálfum sér um kennt. Hann var of seinn í tæklinguna og verðskuldaði spjaldið. Miðað við hvernig Leiknir byrjaði seinni hálfleikinn held ég að þeir hefðu tekið yfir leikinn sama hvað og þá hefði verið fínt að vera með jafn marga menn á vellinum og Fjölnir. Dómarinn - 7 Jens Elvar og hans teymi dæmdu þennan leik bara vel. Stóru dómarnir réttir, bæði vítið og rauða spjaldið. Nokkur minni dæmi sem ég var ekki sammála, en ekkert stórt.

- Meðalaldur 23 ár

- Meðalaldur 21 ár