SKÝRSLAN: Endurkoma Breiðabliks í seinni hálfleik
Hvað réði úrslitum?
Reynsluleysi ÍBV. Breiðablik eru Íslandsmeistarar og hafa gert þetta áður, ÍBV reyndu eins mikið og þær gætu en þær voru fljótt þreyttar og Breiðablik refsuðu þeim. Breiðablik sköpuðu sér ekki mikið í fyrri hálfleik en í seinni tóku þær alveg yfir leikinn þrátt fyrir að ÍBV skoruðu snemma. Það má samt segja að bæði lið misstu mikið af marktækifærum og leikurinn hefði alveg getað verið með fleiri mörk.
Bestu leikmenn
1. Berglind Björg Þorvaldsdóttir (Breiðablik)
komst í góð marktækifæri og skoraði mjög flottan skalla í seinna marki Breiðabliks. Kom sér oft í góða stöðu og ÍBV gat ekki höndlað hana í seinni hálfleik.
2. Andrea Rut Bjarnadóttir (Breiðablik)
Andrea Rut með eina stoðsendingu í dag en er örugglega svekkt að hafa ekki verið með fleiri. Mikil kraftur hjá henni í dag.
Atvikið
Eftir fyrsta mark Breiðabliks taka þær alveg yfir leikinn og ÍBV voru orðnar þreyttar og í smá sjokki sem endaði í því að Breiðablik skoraði strax aftur 4 mínútum seinna. Breiðablik tóku alveg yfir leikinn og hefði þær alveg getað skorað fleiri mörk en 3, Berglind hefði getað verið með þrennu eða meira í dag.
Hvað þýða úrslitin?
Breiðablik tekur á móti FH í úrslitum Mjólkurbikarins þann 16. Ágúst. ÍBV fer heim.
Vondur dagur
Vörn Breiðabliks í báðum mörkum ÍBV litu ekki vel út, þar sem Lowrey og Olga Sevcova voru alveg einar með galopið markið fyrir framan sig. Svo voru nokkrar feilsendingar sérstaklega í fyrri hálfleik þar sem fór beint á ÍBV, ein sendingin gaf Lowrey tækifæri að vera 1v1 í 1-0 stöðu en Lowrey skaut fram hjá.
Dómarinn - 8
Flottur leikur hjá dómaranum í dag, það voru engin sérstök vafaatriði í dag. Erfitt að gefa honum 10 ef þetta var ekki erfiður leikur að dæma í dag, hann var flottur.